姜在忠

姜在忠（1960年—）係個山東昌邑阿伯，長年撈新聞，一直靠中國共產黨揾食。渠而今係中國人民政治協商會議全國委員會香港地區委員，以前做過新華社內蒙古分社社長傍香港大公文匯傳媒集團董事長等。

褒

姜在忠攞過中國新聞獎，又入編《名記者的成功之路》。

貶

薄熙來做官時，姜在忠同渠關係好好；姜在忠對薄熙來喺重慶推廣嘅唱紅運動讚頌有加，渠掌管嘅《大公報》甚至安排過歌舞團來香港舉行爾尐大型表演；薄熙來亦公開表揚過姜在忠；後來薄熙來及其親信接連失勢，姜在忠逐漸變得親近習近平勢力。《成報》話姜在忠係亂港四人幫成員，狠批渠搞到香港腥風血雨，而《大公報》傍《文匯報》就狂鬧對方阿頭谷卓恒係美貸網案嘅主腦，乃詐騙案通緝犯；由於爾兩個人都有雄厚嘅中共背景，相關報導亦各自得到某啲大陸黨媒和應，外界推斷雙方分別代表習近平派系同江澤民派系，爭奪亙香港黨媒嘅控制權等利益。