張寶華

張寶華（英文：Sharon Cheung）係香港嘅傳媒人，祖籍上海，喺香港出世。佢原本係電視嘅新聞記者，而家係上市公司管理層、電台節目主持人同專欄作家。

簡歷改

1989年六四事件，當時只係十六歲嘅張寶華被喺天安門廣場絕食靜坐嘅學生感動，佢相信社會要進步，人民就必須辨真相、明是非，所以就立志做記者^[1]。

張寶華1995年喺香港中文大學新聞與傳播學系畢業，入《南華早報》做三年政治記者，1998年轉投香港有線電視新聞部。

2000年10月，香港特首董建華去北京述職嗰陣，張寶華猛咁問當時嘅中共總書記兼國家主席江澤民，重問佢係咪「欽點」董先生連任特首。結果江澤民發嗮火，鬧佢「too simple, sometimes naive」而出名。

2005年佢去英國牛津大學進修一年，2007年開始喺香港電台做電台節目主持。