遊戲平衡
(由威力膨脹跳轉過嚟)
遊戲平衡（粵拼：jau4 hei3 ping4 hang4；英文：balance）係遊戲設計上嘅重要概念，指一隻遊戲每個子系統（角色或者武器等）都要同同類嘅子系統差唔多咁勁。如果有某啲角色或者武器勁過同類好多，就會造成玩家一味淨係揀用嗰啲勁嘅角色武器，破壞隻遊戲嘅多樣性同遊戲性[1]。
相關詞彙
編輯- OP：英文 overpowered 嘅簡寫，指遊戲當中嘅某個角色、武器、或者異能太強大，搞到玩家冇誘因用第啲角色、武器、或者異能；如果係多人遊戲，會造成玩家個個都揀用同一個角色、武器、或者異能對局嘅效果－遊戲設計師一般會想玩家多啲試用唔同嘅角色、武器、同異能，而唔係淨係用死一兩個[1]。
- IMBA：Imbalanced 嘅簡寫，指隻遊戲平衡得唔好，有某啲角色武器異能 OP 嘅情況[1]。
- Nerf：指調整一個勁得滯嘅子系統，等佢冇噉 OP；例如喺一隻射擊遊戲當中，可能有某枝槍 OP（網上多人遊戲模式裏面個個玩家都用呢枝槍，唔肯用其他槍），於是製作組就改改個遊戲程式，減低枝槍嘅火力或者彈匣大細等[1]。
- Buff：指調整一個弱得滯嘅子系統，等佢能夠拍得住同類；例如喺一隻格鬥遊戲當中，可能有某個角色弱得滯（數據顯示，揀用呢個角色打贏嘅機會率零舍低），於是製作組就改隻遊戲嘅程式，提高呢個角色啲攻擊嘅殺傷力、行嘅速度、或者血量等[1]。
- 威力膨脹（power creep）：指啲遊戲嘅子系統（角色同武器等）隨住時間而威力提升嘅現象。喺幫一隻遊戲出新嘅版本或者資料片嗰時，製作組好多時會加入新嘅角色同武器；喺好多遊戲當中，為咗吸引玩家俾錢買呢啲新角色同武器，呢啲新角色同武器會勁過舊嗰啲。經過若干個資料片之後，初頭出嗰啲角色同武器就完全唔夠新角色武器嚟，變到冇人用－呢種情況就係所謂嘅威力膨脹。有好多遊戲設計師都會想避免佢哋設計嘅遊戲有威力膨脹，希望新角色新武器做嘅嘢係增加隻遊戲嘅多樣性（而唔係一味用嚟引玩家使錢）。呢啲設計師主張，新角色新武器要免費，而隻遊戲要用第啲方法搵錢（睇埋電子遊戲搵錢方法）[2][3]。
難度水平
編輯睇埋：動態難度調控
難度水平係好多遊戲都有嘅一種機制，指隻遊戲俾玩家揀遊戲有幾難。
相關嘅文
編輯參考資料
編輯- ↑ 1.0 1.1 1.2 1.3 1.4 Newheiser, Mark (9 March 2009). "Playing Fair: A Look at Competition in Gaming". Strange Horizons.
- ↑ Power Creep. TV Tropes.
- ↑ Dobra, Andrei. League of Legends Nerfs Are Made to Control Power Creep Level. Softpedia.
- ↑ balance. The Level Design Book，佢呢度噉講："From this perspective, balance means avoiding dominant strategies in your system... If there is a dominant strategy, then theoretically all rational players will choose it."