《婚姻合伙人》（英文：My Commissioned Lover，原名《抱佣情人》）係香港電視廣播有限公司製作嘅時裝喜劇電視劇，由楊明同高海寧領銜主演，並由湯洛雯、陸永、黃淑儀、黃德斌、林秀怡同古明華聯合主演，監製潘嘉德。劇集用地產代理行業做背景。
呢套劇集原定2018年7月首播，但因為突然改播《BB來了》而抽起咗，一直未有排期，直到2019年4月發生安心偷食事件，呢套劇集獲安排頂替原定5月首播嘅《堅離地愛堅離地》播出。
