楊明
| 呢篇文側重咗喺部分見解、事件或爭議。 |
唔好同尹揚明搞亂。
楊明（Yeung Ming, Matt，1981年2月27號—），原名林明樂，係一位香港電視演員，佢喺1998年無綫電視藝員訓練班第十三期畢業後加入無綫電視，女朋友兼未婚妻係香港小姐莊思明。
| 楊明 | |||||||
|---|---|---|---|---|---|---|---|
 | |||||||
| 男演員 | |||||||
| 原名 | 林明樂 | ||||||
| 英文名 | Matt Yeung | ||||||
| 國籍 |  中國（香港） | ||||||
| 出世 | 1981年2月27號.svg){kind=small} 英屬香港 | ||||||
| 教育程度 | 聖匠職業訓練學校中五畢業 | ||||||
| |||||||
楊明曾經受無綫力捧，喺2000年俾公司派去英國愛丁堡參加第三屆世界先生選舉[1]，但其後不斷惹上官非[2]，因而俾無綫投閒置散，直至2011年，揚明憑《誰家灶頭無煙火》中「田凱」一角人氣急升，再被關注，更打入2011年萬千星輝頒獎典禮「飛躍進步男藝員」五強名單。
近年，楊明再度受到無綫電視嘅重視，喺多部電視劇入面擔正，例如《機場特警》、《迷網》、《鐵探》等，都飾演一啲形象正面嘅警察角色。但佢亦因為喺香港逃犯條例爭議期間高調支持備受示威者批評使用過分暴力嘅香港警察，以及一啲個人操守問題，備受一定爭議。親中派嘅支持者對佢態度厭惡，但親民主派嘅人士亦對佢有非常負面嘅態度。
演出改
電視劇（香港電台電視部）改
| 首播 | 劇名 | 角色 |
| 2003年 | 執法群英II：重案行動（上）鎗戰（下）折箭 | 警員 |
| 2005年 | 醫學神探：百年瘟疫（上）（下） |
電視劇（無綫電視）改
| 首播 | 劇名 | 角色 |
| 1999年 | 創世紀 | 記 者 |
| 真情 | ||
| 雙面伊人 | 青年乙 | |
| 人龍傳說 | 葉處徒弟（第1-3集、第9集） | |
| 洗冤錄 | 樵 夫（第5集） | |
| 2000年 | 碧血劍 | 太 監 |
| 無業樓民 | 新 郎 | |
| 男親女愛 | ||
| 陀槍師姐II | ||
| 廟街·媽·兄弟 | ||
| 醫神華陀 | ||
| 妙手仁心II | 高 樂 | |
| 雷霆第一關 | Kelvin | |
| 2001年 | 七姊妹 | 路 人 |
| 娛樂反斗星 | 雷 霆 | |
| 陀槍師姐III | 潘志明（Jason） | |
| 2002年 | 駁命老公追老婆 | 刑 豐（Ryan） |
| 情事緝私檔案 | 朱卓豪（車神） | |
| 絕世好爸 | ||
| 2003年 | 衛斯理 | 溫寶裕 |
| 撲水冤家 | ||
| 戀愛自由式 | 江冠傑（Sam） | |
| 2004年 | 隔世追兇 | 高 明 |
| 一屋兩家三姓人 | Calvin | |
| 水滸無間道 | 梁家樂 | |
| 2005年 | 學警雄心 | 玲男友 |
| 妙手仁心III | 高 樂 | |
| 窈窕熟女 | 程 俊 | |
| 2006年 | 潮爆大狀 | 高開霆 |
| 法證先鋒 | 莫卓浩（Frankie） | |
| 2007年 | 突圍行動 | 假警察 |
| 十兄弟 | 高腳七 | |
| 同事三分親 | Don | |
| 布衣神相 | 楚晚弓 | |
| 通天幹探 | Ken | |
| 2008年 | 與敵同行 | 賓館老闆 |
| 少年四大名捕 | 金國隨從 | |
| 原來愛上賊 | 鄭偉成 | |
| 銀樓金粉 | 尚世祖 | |
| 珠光寶氣 | Oscar | |
| 師奶股神 | 司徒曉光 | |
| 溏心風暴之家好月圓 | 黃曉龍（Jimmy） | |
| 2009年 | 大冬瓜 | 小王爺 |
| 學警狙擊 | 郭景祥 | |
| 老婆大人II | 李景豪 | |
| 巴不得爸爸... | 伊利沙伯 | |
| 2010年 | 施公奇案II | 戚銘賢 |
| 秋香怒點唐伯虎 | 夏侯勇 | |
| 飛女正傳 | 容文禮 | |
| 囧探查過界 | 王俊峰（Sean） | |
| 翻叮一族 | 鍾 正 | |
| 天天天晴 | 冼 璞 | |
| 女人最痛 | Owen | |
| 2011年 | Only You只有您 | Keegan |
| 誰家灶頭無煙火 | 田 凱 | |
| 花花世界花家姐 | 古叔藍 | |
| 真相 | 王志南（Ben） | |
| 2012年 | 當旺爸爸 | Peter |
| 心戰 | 江承宇（Jasper） | |
| 衝呀！瘦薪兵團 | 何正直（Jacky） | |
| 回到三國 | 曹小威 | |
| 天梯 | 魏保羅 | |
| 幸福摩天輪 | 盧彥斌（Marcus） | |
| 2013年 | 初五啟市錄 | 汪振邦 |
| 戀愛季節 | 戴宇軒（Hinson） | |
| 情越海岸線 | 陳滿基 | |
| 師父·明白了 | 程英雄 | |
| 2014年 | 單戀雙城 | 程展博 |
| 守業者 | 洪初九 | |
| 忠奸人 | 古惑仔 | |
| 2015年 | 師奶MADAM | 長恨哥 |
| 2016年 | 火線下的江湖大佬 | 廖守基 |
| 2018年 | 果欄中的江湖大嫂 | 黃友財（財仔） |
| 2020年 | 機場特警 | 馬容義（Easy） |
| 迷網 | 司徒忠（Sunny） | |
| 2021年 | 伙記辦大事 | 秦永熙 |
| 我家無難事 | 郭得明 |
MTV改
廣告改
其他改
- 瀛珍大作戰（2000年）
- 瀛珍好玩新攪作（2000年）
- 康泰日本旅遊特輯（2000年）
- 全城響應助更生（2000年）
- 星星相識醫療輔助金禧夜（2000年）
- 和你玩得起
- 世界先生選舉
- 強積金透視（2000年）
- 萬千星輝賀台慶（2000年）
- 歡樂滿東華（2000年）
- 萬千星輝賀台慶（2001年）
- 好客之道滿分（2001年）
- 智醒用氣群星夜（2001年）
- 小城巨星挑戰賽（2001年）
- 銀行同業為公益（2001年）
- 十載同行共環保（2001年）
- 職安資訊速遞（2001年）
- 星晨旅遊山東真的感受（2001年）
- 康泰旅遊泰國真情趣（2002年）
- JUNO與他的迷失空間（2003年）
- 萬家團圓喜洋洋（2003年）
政治立場同其他事件改
楊明係親中派嘅支持者，曾經支持唔同親中派嘅活動，例如曾經幫親中派政黨公民力量搞嘅「KOL明日之星選拔大賽」做評審[3]，親中派立法會議員梁美芬亦曾經為佢嘅燉湯店同埋劇集《機場特警》宣傳，大讚楊明「湯好飲，劇好睇」[1]。喺娛樂圈多年，佢試過多次捲入政治、撐警、侵犯版權同埋個人操守嘅爭議。佢嘅親中撐警立場，亦受到民主派支持者嘅不認同。
同香港警察關係改
佢亦同香港警察有密切關係，例如係撐警活動等，協助警察嘅宣傳活動等。佢亦曾發表唔少支持警察嘅言論，因而被廣泛視為撐警藝人。喺2021年11月，因墮海殉職嘅高級督察林婉儀出殯，佢亦有獻上花牌，並且喺花牌上為自己嘅燉湯店宣傳[4]。
旗下舖頭事件：被揭侵權、無牌經營同埋武漢肺炎期間停業改
喺2020年1月，楊明位於荔枝角昌隆工業大廈地舖嘅燉湯店，被傳媒揭發得「食物製造廠牌照」，唔可以招待食客。食物環境衞生署回覆傳媒查詢時，表示曾接獲有關投訴，並且喺2019年9月同埋2020年1月發現違規嘅情況，已向有關店鋪嘅負責人以無牌經營食肆罪行提出檢控[5]。楊明回應有關投訴嘅時候，指責網民無理投訴，自己被針對[6][7]。
去到2020年1月22號，楊明嘅燉湯店被揭發盜用泰國藍象嘅商標，而藍象嘅香港代理百利行環球亦喺同日發表聲明，表明自己從未同燉湯店有過任何嘅商業合作關係或收到燉湯店任何使用藍象嘅肖像權/品牌/商標嘅申請，並表明如果佢哋唔移除有關宣傳品，將會採取進一步嘅行動[8][9]。
去到2021年2月，有傳媒報道佢嘅餐廳再度違規，話佢只有工廠食堂牌照，但就繼續招呼街客[10]。
去到2022年，因為武漢肺炎疫情，佢嘅燉湯店幾乎全線停業，佢女朋友莊思明話每個月淨係計租金已經蝕成過百萬。有啲唔鍾意佢嘅網民就因而揶揄佢，話佢又可以「借酒澆愁」，叫佢「信政府無事」，問佢嘅朋友去左邊，亦有人質疑係咪真係蝕咁多[11]。
幫女朋友莊思明涉嫌洩露他人私隱事件做辯護改
於2020年1月8日，楊明嘅女朋友莊思明，因為佢坐國泰航班時，唔可以借筆畀佢，而喺社交媒體表達不滿，又公開呢班機所有機艙服務員嘅資料，俾網民批評佢喺度公審同洩露其他人嘅私隱[12][13][14]。
單嘢其後發酵，連國泰嘅本地主要競爭對手香港航空都喺社交媒體對呢單嘢抽水，舉行送筆活動，而且仲溫馨提示乘客搭飛機嗰陣，自己要帶筆填入境紙。[15]去到1月12號，楊明唔單止無回應到莊思明洩漏機組人員名單嘅爭議同埋私隱專員公署對單嘢嘅回應，仲質疑香港航空係咪有需要都可以向空姐或空少要求幫手。另一個支持警察嘅藝人朱庭萱就直接話香港航空係以「黃絲角度揶揄撐警藝人」，「同支持祖國嘅人作對」，又祝香港航空早日結業。[16]
去到2021年11月，學術期刊Journal of Organizational Computing and Electronic Commerce刊登咗一篇文章討論網上捍衛品牌行為，其中就攞咗呢次莊思明同楊明攻擊網民引來大批反駁嘅例子，作為呢種行為嘅其中一個案例[17]。
醉駕同多次違反交通條例改
2005年，楊明被發現將自己架車停咗喺佐敦道間行車線，仲喺車入面瞓覺，接受酒精測試嗰陣被證實超標後被拘捕，之後被判罰款7,000元同停牌1年[7]。
2006年，楊明曾經因為被夜店保安員拒絕入場，用腳踢保安員而被判守行為。但喺守行為期間，佢再次因為醉酒之後去便利店，2次用回鄉卡當八達通用嚟買嘢，唔成功之後將店內八達通機掟出店外，仲打爛店內一個香煙廣告箱，結果被判社會服務令150小時同埋向便利店賠償3,880元[7]。佢認罪個陣，承諾以後滴酒不沾[18]。
2020年1月28號，《壹週刊》報導，楊明喺當日揸車沿軒尼詩道行緊嗰陣，喺大有商場附近，將自己部車停喺前面嘅巴士站，阻住其他車行，俾網民批評[19]。
曾經喺2006年喺法庭承諾滴酒不沾嘅佢[18]，喺2020年8月，再涉嫌酒後駕駛，經過馬己仙峽道嘅時候失控撞到交通指示牌同石壆。佢車禍後腳步浮浮，需要兩名警員攙扶先能夠上車[20]。被送院後，佢懷疑因為拒絕提供血液樣本作酒精測試機嘅用途被捕。而且，佢喺醫院度仲大吵大鬧，醫護人員同保安要為佢著上約束衣[21]。後來，佢被正式起訴三宗罪，包括「門窗玻璃透光度不足」、「拒絕提供血液樣本以作化驗」同埋「不小心駕駛」[7][22]。開審嗰陣，作供嘅警員都話佢當時唔太清醒，而且身上仲有酒氣[21]。去到2021年10月21日，楊明被判罪名「不小心駕駛」同埋「車窗玻璃光度不足」兩項控罪罪名成立[23]。
武漢肺炎期間涉嫌違反限聚令改
楊明、莊思明、莊思敏同曹永廉等藝人喺2020年7月為電影《時代》進行拍攝，但半百演員同埋工作人員喺招待傳媒訪問及拜神儀式期間，眾多人群都無戴到口罩，被指違反限聚令，現場有路過街坊同電影工作人員同演員講叫佢哋返戴口罩，但佢哋同在場警察都無理到[24]。
東京奧運期間被指未經同意盜用其他社交媒體專頁嘅製圖改
以足球為主題嘅社交媒體專頁波事春秋，曾經喺第32屆奧林匹克運動會期間，指控楊明偷咗佢哋恭喜張家朗奪金嘅製圖，然後喺IG當自己嘅Post又冇註明來源，又冇為意佢哋落咗一個好暗嘅水印[25]。
碎料改
2021年4月22號，新加坡藝人包勳評因為醉酒駕駛被控上法庭。去到5月4號，新傳媒正式同包勳評解約[26]。由於佢同楊明喺相對接近嘅時間期間涉嫌醉駕，所以有一啲新加坡網民揶揄佢係新加坡版楊明[27]。不過，兩人算係同人唔同命，楊明唔止無被解約，而且繼續得到無綫電視嘅力捧。而包勳評亦因為認罪而且態度良好，後來得到新加坡資深藝人李南星旗下嘅LNX Global招攬入旗下重新出發，但楊明就唔認罪，官司到依家都仲進行緊。
參考改
- ↑ 1.0 1.1 "Hong Kong Contestant - Ming Lok Lam". 原先內容歸檔喺2012年5月22號. 喺2012年6月15號搵到.
- ↑ 〈大公報 楊明傷人判守行為一年 2006-9-1〉. 原著喺2007-09-30歸檔. 喺2012-06-15搵到.
- ↑ 〈【Emily】建制派選拔KOL 楊明李力持評審 - 20211009 - 港聞〉. 《每日明報》. 原先內容歸檔喺2021-11-04. 喺2021-11-04搵到.
- ↑ 〈水警林婉儀殉職 警隊舉行最高榮譽喪禮 | 立場報道 | 立場新聞〉. 《立場新聞 Stand News》. 原先內容歸檔喺2021-11-03. 喺2021-11-03搵到.
- ↑ 〈【獨家】楊明工廈燉湯店違規供堂食 遭食環署檢控無牌經營食肆〉. 《Apple Daily 蘋果日報》 (中文). 原先內容歸檔喺2021-03-09. 喺2020-01-18搵到.
- ↑ 葉詩 (2020-01-17). 〈楊明燉湯店涉違規遭食環檢控無牌經營食肆：可能我做咗啲嘢令佢哋好憎我〉. 《香港01》 (香港中文). 原先內容歸檔喺2020-04-28. 喺2020-01-18搵到.
- ↑ 7.0 7.1 7.2 7.3 〈楊明刑事罪行感情生活懶人包！ 醉駕、襲擊、刑毀樣樣齊 | 最強精選〉. 《東方新地》 (美國英文). 2021-03-11. 原先內容歸檔喺2021-03-12. 喺2021-03-12搵到.
- ↑ 〈【衰出國際】楊明燉湯店盜用藍象註冊商標 泰國總部要求移除相關宣傳〉. 《Apple Daily 蘋果日報》 (中文). 原先內容歸檔喺2021-03-09. 喺2020-01-22搵到.
- ↑ 〈楊明燉湯店涉盜用藍象商標 泰總部要求限期內移除宣傳 (13:08) - 20200122 - SHOWBIZ〉. 《明報OL網》 (繁體中文). 原先內容歸檔喺2021-03-09. 喺2020-01-22搵到.
- ↑ 〈楊明餐廳疑似再度違規 有機會被吊銷牌照？食客本想打卡朝聖 怎料成揭露違規有力證據？！〉. 《HolidaySmart 假期日常》 (中文). 原先內容歸檔喺2021-02-28. 喺2021-02-26搵到.
- ↑ 新假期 (2022-03-10). 〈楊明湯店「燉」分店停業＋裁員 女友莊思明指租金每月蝕過百萬！姊妹莊思敏茶飲店都要停業｜飲食熱話 | 飲食〉. 《新假期》 (美國英文). 喺2022-03-12搵到.
- ↑ 〈莊思明不滿空姐表現變政見問題 網民︰一定要炒咗佢 - 娛樂〉. am730 (英文). 原著喺2020-03-27歸檔. 喺2020-01-08搵到.
- ↑ 〈【因XX而XX】莊思明坐國泰欲借筆填表 屢遭空姐無視 - 娛樂〉. am730 (英文). 原著喺2020-02-17歸檔. 喺2020-01-08搵到.
- ↑ 〈【按燈無人理】莊思明搭飛機遇不快 Ig發長文講述經過 (19:33) - 20200108 - SHOWBIZ〉. 《明報OL網》 (繁體中文). 原先內容歸檔喺2020-01-09. 喺2020-01-08搵到.
- ↑ 〈【#拒絕和妳坐同一班機】王喜遠離「類恐怖分子」乘客 (17:56) - 20200109 - SHOWBIZ〉. 《明報OL網》 (繁體中文). 原先內容歸檔喺2020-01-10. 喺2020-01-09搵到.
- ↑ 〈不忿港航抽莊思明水 楊明為女友開腔 - 娛樂〉. am730 (英文). 原著喺2020-03-27歸檔. 喺2020-01-12搵到.
- ↑ Au, Cheuk Hang; Ho, Kevin K. W.; Law, Kris M. Y. (2021-11-02). "The bright and dark of consumers' online brand defending behaviors: exploring their enablers, realization, and impacts". Journal of Organizational Computing and Electronic Commerce. 0 (0): 1–21. doi:10.1080/10919392.2021.1949192. ISSN 1091-9392.
- ↑ 18.0 18.1 女生日常, GirlStyle. 〈《機場特警》劇中壞男人特別多？已婚黎振燁私會朱智賢，楊明、黃子恆都「出過事」！〉. 《GirlStyle 女生日常》 (中文). 原先內容歸檔喺2021-10-21. 喺2021-10-21搵到.
- ↑ 121625551334730. 〈【燉湯店違規兼侵權】楊明又無視法紀巴士站泊車 市民睇唔過眼：行為令人討厭｜壹週刊〉. 《壹週刊》. 原著喺2020-10-26歸檔. 喺2020-01-28搵到.
{{cite web}}: CS1 maint: numeric names: 作者名單 (link) - ↑ 陳栢宇 (2020-08-08). 〈楊明涉醉駕︱《東張西望》講車禍經過 冇認曾飲酒：撞完車比較暈〉. 《香港01》 (香港中文). 原先內容歸檔喺2021-03-12. 喺2021-03-12搵到.
- ↑ 21.0 21.1 〈涉醉駕後喺醫院大吵大鬧 楊明被穿上約束衣拒抽血做酒測〉. www.bastillepost.com. 2021-03-02. 原先內容歸檔喺2021-03-12. 喺2021-03-12搵到.
- ↑ 〈藝人楊明不小心駕駛案開審〉. 《Now 新聞》 (香港中文). 原先內容歸檔喺2021-03-12. 喺2021-03-12搵到.
- ↑ 〈莊思明落淚︱楊明不小心駕駛案押後下月判刑 望有非監禁式懲罰〉. hk.news.yahoo.com (中文). 原先內容歸檔喺2021-10-21. 喺2021-10-21搵到.
- ↑ 〈【無視限聚令】楊明莊思明拍維穩片聚半百人 街坊鬧爆演員冇戴口罩〉. 原著喺2020-08-18歸檔. 喺2020-08-10搵到.
- ↑ 〈讀者莊尼報料，楊明偷左我地恭喜張家朗奪金嘅製圖喺IG當自己po又冇俾credit，冇為意我地其實有落一個好暗嘅水印，而家揚名立萬左，研究緊如何被楊明偷圖而不失霸氣？〉. Facebook (英文). 原先內容歸檔喺2021-12-12. 喺2021-10-02搵到.
- ↑ 〈包勋评打破沉默：对不起 让你们失望了〉. 原先內容歸檔喺2021年8月26號. 喺2021年6月10號搵到.
- ↑ 〈Lianhe Zaobao 联合早报〉. fo-fo.facebook.com (法羅文). 原先內容歸檔喺2021-08-26. 喺2021-06-10搵到.