媒
媒，又叫做媒人，為兩家說親嘅人，撮合婚姻。如說文寫，「媒。謀也，謀合二姓。」又鄭玄箋，「媒者，能通二姓之言，定人室家之道。」古時若要兩家結親，就要有媒，幫兩家做中間人，定好親事。如此亦衍生出媒介之意。
想搵第二個意思嘅話，請睇媒 (搞清楚)。舊時女人做媒，叫做媒婆、媒人婆，而媒人嘅工作就稱為做媒。古有三姑六婆，媒婆都係其中之一。媒亦有冰人之名，出自晉書索紞傳，令狐夢見冰下之人作媒。古時認為冰未解之際，陰陽交替之時，咁就啱婚姻。
遠古唔使媒，知母不知父，條村要多人力，到時到候自然野合。後尾世間事，越來越複雜，要有禮法。男女分隔，就有明媒正娶依回事，必須要有媒，為兩家說親，咁先合禮數。若然成婚，媒人可以收到報酬，叫做媒人利市。若然有無可奈何之因，仍有天地為媒，拜神為媒嘅做法。
要有媒之原因，出於結婚為兩家大事，並非純粹男女情投意合。後生男女，入世未深，未必要諗到咁遠。男女婚後唔夾，搞到兩家不和，又或者兩家唔夾，搞到夫妻都唔好過。做媒責任重大，要清楚兩家，俗語謂「查家宅」，就係咁道理。
如此亦非單單華夏而言，就如舊時西方猶太人，篤信宗教，男女唔會無故見面，見面就為結婚。若有家有意，就搵人做媒，查好晒男女同家底。媒人甚至有專職，要收錢嘅。
自由拍拖興起之後，媒人唔再係婚姻嘅必備一環，離婚亦唔難。不過依然有人未能得偶，怕醜又好，事業太忙又好，周圍無啱嘅人又好，如此種種，就有生意如婚姻介紹所，速配相睇，以求撮合單身人士，都可謂叫媒。
方法
編輯一般而言，媒本身並非職業，能為兩家謀合，只要熟悉兩家就可以，講通就可以。
古時西方各鄉各村，教堂為眾家之媒，無論天主教，定猶太教，身負神職，熟悉地方各人，可以撮合婚姻。或者會安排一啲聚會做機緣，以助撮合。
撮合至棹忌拉錯紅綫，雙方唔夾。如此，想婚姻美滿，古時會問於神明，問於天，尤其古時男女少見面，夾唔夾就要睇命理。唐人來講，多以時辰八字。西洋如猶太、印度亦會用占星術。咁就要靠熟悉依門嘅人。
生意
編輯今下媒人，為一門大生意。由婚姻介紹所，到配對網站都有。
神祇
編輯顧忌
編輯撮合婚姻唔係易事，若然婚姻不合，誤人一生，於心有愧，招來怨恨。所以有謂，「唔做中，唔做保，唔做媒人三代好。」中間人、擔保人、媒人，責任大，會惹上麻煩，都係難做。