孔子鳥

孔子鳥（拉丁文：Confuciusornis，或者根據佢嘅拉丁文音譯做孔夫子鳥）係一種古鳥屬，佢嘅化石遺跡響中國遼寧省北票市嘅熱河組，即係四合屯同埋李八郎溝等白堊紀時期嘅沉積岩裏面發現嘅。響而家公開嘅化石標本裏面，佢嘅骨骼結構好完整，有清晰嘅羽毛印跡。呢啲咁嘅事實令到孔子鳥變成最出名嘅中生代鳥。根據佢嘅出土嘅地點地質形成史推斷，呢種鳥生活響距離而家1.25到1.1億年左右，即係西方學者所講嘅白堊紀早期同埋中國學者講嘅晚侏羅世。孔子鳥係目前已知最早擁有無齒角質喙部嘅鳥類。孔子鳥係用孔子嚟命名。