孔嶺站係香港沙頭角支線一鐵路站，喺粉嶺孔嶺沙頭角公路側跟，近坪輋路，係全條支線唯一重喺度嘅建築物。個站喺1911年開工起，1912年4月1號正式啟用。後來因為起咗沙頭角公路，搞到支線虧損連年，最終喺1928年停止服務，孔嶺站亦從此關閉。其後喺1930年代交咗畀香港政府，期間用過嚟做工務局貨倉。後來車站荒廢，畀人非法堆放雜物同埋建築材料，近年政府先至幫個站圍返鐵絲網做保護。家下畀古物古蹟辦事處列為香港三級歷史建築。
