孔聖誕，孔誕，孔子誕辰日係紀念孔子出世嘅節日，農曆八月廿七或公曆9月28號。全名叫孔子誕辰紀念日。
喺孔聖誕，中國大陸、香港、澳門、台灣、南韓、日本都有紀念活動。喺文廟搞「祭孔典禮」。
目前，有唔少嘅儒家門徒叫孔子誕辰日做「聖誕節」，冇乜地方係法定假期。喺台灣，孔子誕辰日係9月28號，係法定嘅教師節。
喺香港，孔子誕辰日唔係公眾假期，但有啲學校會放假，喺2006年10月，香港孔教學院話同香港嘅一啲宗教團體就孔子誕辰日變為公眾假期達成共識[1]。2014年開始，香港特區政府將9月嘅第三個星期日訂為「香港孔聖誕日」。
