孖寶兄弟64

孖寶兄弟64（英文：Super Mario 64），又叫《超級馬利奧64》，係任天堂電子遊戲孖寶兄弟嘅任天堂64版本，響1996年6月23號出。

呢隻遊戲廣泛噉畀電子遊戲設計同製作方面嘅工作者視為一件大創新，因為隻遊戲用咗好有探索性嘅設計，畀玩家對於「要以咩次序過關」有巨大自由度，創始咗搜集拉松呢種平台遊戲設計風格；除此之外，隻遊戲仲被指係電子遊戲史上第一隻取得重大成功嘅 3D 平台遊戲，吸引咗好多平台遊戲嘅設計師同製作師仿傚，所以隻遊戲對打後啲平台遊戲嘅設計影響深遠。

影響

睇埋：搜集拉松

搜集拉松（collectathon / collect-athon）係平台遊戲嘅一個子類型，指集中於「搜集」嘅平台遊戲，個名嚟自搜集（collect-）同馬拉松（marathon）嘅結合。一隻搜集拉松嘅核心特徵如下：

1. 隻遊戲有個虛擬世界，分做若干關，啲關會有一定嘅先後次序；
2. 隻遊戲有 N 類事物要搜集；舉具體例子說明，《孖寶兄弟 64》呢件作品被指係普及咗搜集拉松，而喺呢隻遊戲入面，玩家可以探索遊戲嘅虛擬世界，個世界有能量星、黃金幣同紅金幣等嘅幾樣物件可以搜集；
3. 每樣可搜集嘅物件都有一定嘅功能，當中可能有啲比較重要有啲冇咁重要－例如物件 A 係過關必要嘅、物件 B 對過關嚟講唔必要但有用、物件 C 對過關冇乜用但搵到嗮玩家就有得玩小遊戲等嘅得意嘢... 呀噉。用返《孖寶兄弟 64》做例子：
   • 能量星對過關嚟講係必要嘅：遊戲虛擬世界有好幾道障礙，每道障礙都要求玩家搵到若干數量嘅能量星先過得；例如第一道障礙噉，第一道障礙係要手上有 8 粒能量星先以可以過到，而第一道障礙前有 5 個關卡，當中每關有 6 粒能量星收埋咗喺入面，即係話玩家可以喺呢 30 粒能量星入面攞是但 8 粒就過到第一道障礙；
   • 紅金幣對過關有用但唔必要：隻遊戲每一關都有 8 個紅金幣，搵到嗮就可以得到 1 粒能量星；玩家大可以完全唔理紅金幣，但搵紅金幣幫到佢攞過關必要嘅嘢（能量星）；
   • 黃金幣都對過關有用但冇紅金幣咁有價值：黃金幣要搵夠 100 個，先至可以攞到一粒能量星；

場地

• 炸彈戰場
• 沃姆普的堡壘
• 海盜旗灣
• 涼爽，涼爽的山
• 大布鬼出沒
• 朦朧迷宮洞
• 金屬帽洞穴
• 致命熔岩之地
• 流沙地
• 可怕的，可怕的碼頭
• 雪人之地
• 乾濕世界
• 高高的山
• 小而大的島嶼
• 滴答時鐘
• 彩虹騎行

睇埋

• 搜集拉松

拎

• 孖寶兄弟64嘅官方網站
• 瑪利奧維基孖寶兄弟64
• 孖寶兄弟64影片