孖生，又叫雙生、雙胞胎，係人同其他胎生動物同一次生仔生咗兩個出嚟。
孖生主要分同卵孖生、異卵孖生兩種。前者因為嚟自同一粒受精卵，所以個樣會好似，好易睇得出係孖生。後者因為精子唔同，差別就會大啲，而且有機會唔同性別，叫龍鳳胎。
孖生出世時間通常相差唔夠一個鐘，先出世嘅叫大孖，遲出世嘅叫細孖。
