精蟲

雄性生物嘅生殖細胞
(由精子跳轉過嚟)

精蟲粵拼zing1 cung4[1]又叫做精子zing1 zi2英文spermatozoon)係男性或者其他嘅生物嘅生殖細胞。精蟲同卵子結合成受精卵,跟住發育做胚胎

精子同卵子接觸嘅嗰陣,即將展開受精過程

對後人嚟講,精蟲細胞畀咗大約一半嘅遺傳物質。喺哺乳動物入面,後人嘅性別由精蟲去決定:有Y染色體嘅精蟲受精之後發育做男性後人(XY型),有X染色體嘅精子受精之後發育做女性後人(XX型),卵子淨係提供X染色體。精蟲最初畀雷文霍克喺1677年搵到。

構造 編輯

精蟲主要由頂體細胞膜細胞核、有精子特徵性嘅螺旋狀粒線體同鞭毛所構成。頂體有溶解酶。喺精子同卵子接觸嗰陣,溶解酶會被釋放出嚟,融咗卵子嘅透明帶(zona pellucida)後同卵子結合,變成受精卵。

人類嘅精蟲形狀好似一隻小蝌蚪,大約長50-60微米(0.05-0.06毫米)[2],係人體入面最細嘅細胞。佢個頭嘅細胞核負責攞親代嘅遺傳基因,中段含有大量線粒體以提供能量,條尾部就有運動功能,令精蟲可以向前游。

產生 編輯

精蟲發生(spermatogenesis)係有性生殖嘅雄性動物長達250米嘅睾丸入面,生殖細胞喺精原細胞一直發育到成熟精子嘅過程。

而人類一次正常嘅射精過程入面,佢射出嚟嘅精液,精子嘅數目大約有2億至5億個咁多,但係喺精液嘅總體積入面淨係佔好細嘅比例。


原始生殖細胞有絲分裂,分裂做好多精原細胞。精原細胞之後變咗做初級精母細胞。一個初級精母細胞經減數分裂之後,變做兩個次級精母細胞。兩個次級精母細胞經過減數分裂後變成四個精細胞。精細胞經過分化/精子形成為單倍體嘅精子。

死亡 編輯

精蟲死亡係因為喺空氣逗留得太耐。一般情況下,精蟲喺陰道一個鐘之後就唔會郁,兩個鐘後就會死。

參考 編輯

  1. 精蟲(Sperm、Spermatozoon)- (PDF). 臺北市: 國家圖書館. 2005年修訂版. pp. 頁372. ISBN 957-678-430-1. {{cite book}}: Check date values in: |year= (help)
  2. 子 A+醫學百科. 喺2014-04-05搵到.