孫東
孫東，JP（英文：Sun Dong，1967年—）係香港政府現任創新科技及工業局局長，係頭一個用普通話做溝通語言嘅香港特別行政區主要官員。
| 孫東 | |
|---|---|
| 出生日 | 1967年  |
| 出生地 | 北京 |
| 國籍 | 中華人民共和國 |
| 識嘅語言 | 英文、中文 |
| 母校 | 清華大學、香港中文大學 |
| 職業 | 工程師、政治人、大學教員、科學家 |
| 僱主 | 香港城市大學 |
| 網站 | scholars |
[改維基數據] | |
佢做過香港立法會選舉委員會界別議員，同埋香港城市大學生物醫學工程學系主任及講座教授，佢亦都係加拿大工程院院士、歐洲科學與人文學院院士，同埋美國電機電子工程師學會會士。
簡歷
編輯孫東喺北京出世，喺1994年到香港攻讀博士學位，之後去海外深造，2000年返香港創辦高新科技公司，同喺香港城市大學做教授。
2021年12月19號，佢喺2021年香港立法會選舉選舉委員會界別選舉科技創新界以1,124票排名第30贏得議席，由2022年1月1號上任。
2022年4月，佢喺李家超無提政綱嘅情況下，有份提名李家超參與2022年香港行政長官選舉[1]。
佢喺2022年6月19號辭去立法會議員職務，同日畀國務院根據候任行政長官李家超嘅提名而任命為創科工業局局長[2][3]，7月1號就職。
言論
編輯以造假展覽聲稱香港重返國際
編輯喺2023年，包括機電工程署同香港警察等一啲政府部門同埋機構，喺「日內瓦國際發明展」獲獎，孫東就聲稱，香港代表團嘅參與正係香港重返世界舞台嘅最佳證明。但香港同台灣都曾經有傳媒人批評呢個活動嘅公信力，其中台灣《商業周刊》喺2013年就分析指，所謂嘅攞獎，其實獲獎率好高[4]，而時事評論員馮睎乾亦揶揄，呢個展覽根本係「第三世界盛事」[5]。
參考
編輯- ↑ 〈一文看清李家超786張提名〉。《信報網站 hkej.com》。喺2022-09-02搵到。
- ↑ 〈国务院任命香港特别行政区第六届政府主要官员〉 (簡體中文)。中華人民共和國國務院。2022年6月19號。
- ↑ 第六屆香港特區政府主要官員名單（附圖）
- ↑ 〈別被騙了！日內瓦發明展拿金牌沒什麼了不起－有物報告｜商周〉。《商業周刊 - 商周.com》 (中文)。2013-04-18。喺2023-05-08搵到。
- ↑ 〈馮睎乾：第三世界盛事——日內瓦國際發明展〉。《大紀元時報 香港｜獨立敢言的良心媒體》 (香港中文)。2023-05-05。喺2023-05-11搵到。