安老事務委員會

安老事務委員會（英文：Elderly Commission）係香港法定機構之一，由第一任行政長官董建華喺1997年成立，主要向政府提供建議，制訂全面嘅安老政策。

安老事務委員會嘅主要工作包括就老人嘅住屋、經濟保障、醫療衞生、就業等方面嘅有關事宜向政府表達意見，統籌各項安老計劃同服務嘅策劃同發展工作，同埋喺落實各項安老政策同計劃時進行監察。

委員

安老事務委員會自成立起至2004年，一直由香港立法會議員譚耀宗做主席，2005年開始，政府改委任梁智鴻醫生做主席。政府每兩年會委任一次新嘅官守委員，官方委員就由教育局代表、衞生福利及食物局代表、房屋及規劃地政局代表、衞生署代表、房屋署代表、社會福利署代表同埋醫院管理局代表擔任。