官渡之戰

官渡之戰係三國時期規模最大嘅三場仗之一，亦係中國歷史入便嘅一場出名嘅弱贏強嘅仗。

官渡之戰

東漢獻帝建安五年，即係西曆200年，曹操嘅軍隊同袁紹嘅軍隊嚮官渡（而家河南省中牟東北方向）呢個地方決戰。袁紹有馬步騎兵共十五萬，糧草豐足。但曹操只得四萬，糧草又唔夠。雙方大戰各有勝負，情況膠着。袁紹嘅謀臣許攸投靠曹操，出咗一條橋畀佢。曹操用許攸嘅橋，奇襲袁紹嘅糧食倉庫所載地烏巢，燒晒袁紹嘅糧食。袁紹大軍冇咗糧食，軍心大亂，主力好快就俾曹操消滅。呢場戰爭奠定咗曹操統一中國北方嘅基礎。