富裕縣
黑龍江嘅縣
47°46′26″N 124°28′17″E / 47.77389°N 124.47139°E
| 富裕縣 | |
|---|---|
| 明細 | |
| 普通話拼音 | Fuyu |
| 所屬地級政區 | 齊齊哈爾市 |
| 政區類別 | 縣 |
| 成立 | 1933年 |
| 政府駐地 | 富裕鎮 |
| 面積 | |
| - 全部 | 4,026 km2（1,554 sq mi） |
| 鎮數目 | 5 |
| 人口（2011） | 297680人 |
| 本地生產總值 | 49.63億人民幣 |
| 郵政編碼 | 161200 |
| 電話區號 | 0452 |
| 時區 | 中國時區：UTC+8 |
| 網站： 富裕縣府 | |
富裕（粵拼：fu3 jyu6）係中華人民共和國黑龍江省齊齊哈爾市嘅縣。面積4026km²，2011年人口29萬。富裕地力好，農業上主要係養奶牛同種一系列嘅經濟作物，譽爲「中國鮮奶之鄕」。民國時曾經一度嗌永年縣。
史 編輯
「富裕」呢個名係訛轉自縣內嘅「烏裕爾河」嘅名。「烏裕爾」喺女真話嘅意思係低窪地噉解。古稱瑚裕爾，又寫富裕爾，此外重有烏裕、瑚裕、蒲峪、福余等一系列女真話各時期嘅同音異字寫法。未設縣前就經已有胡雨爾屯，之後又嗌富裕屯，後來變成富裕鄉、富裕設治局，最終升爲富裕縣，箇名一路繼承過來。
- 富裕舊時係北方遊牧民族嘅領地，比如濊貊（春秋前）、扶餘（戰國秦漢）、豆莫婁（魏晉南北朝）、室韋（唐代到遼代）。
- 金代時屬上京路嘅蒲峪路，元代時係成吉思汗細佬貼木哥斡赤斤嘅封地，至元二十四年（1287年）四月斡赤斤嘅重孫乃顏反叛，九月哈丹跟住叛亂，平定後歸遼陽行中書省水達達路萬戶府灰亦爾千户管轄，境內起咗「錫伯圖爾城」（灰亦爾千户所在）同「牙剌」「捻站」兩個驛站，呢兩個驛站後來畀清朝延用，分別改名爲「塔哈爾站」（而家塔哈鄉）「寧年站」（而家富裕鎮）。
- 明代屬奴兒干都指挥使司福余衞，福余就係「烏裕爾」。
- 清代先係歸盛京（瀋陽）總管，順治十年（1653年）歸寧古塔昂邦章京（都統），康熙二十二年（1683年）歸新設嘅黑龍江將軍，受佢嘅手下齊齊哈爾副都統管轄。
- 民國二年（1913年）龍江府改爲龍江縣，富裕西部畀佢轄，東部歸依克明安旗。1929年喺當地鄉紳申請下，12月8號設富裕設治局。1933年6月畀滿洲國政府升爲丁等縣做富裕縣，屬黑龍江省。遞年十二月歸龍江省。日本投降後歸嫩江省，1949年5月撤銷嫩江省同時歸黑龍江省。1948年10月舊縣城（而家富路鎮）經常水浸，交通不便，於是縣府從烏裕爾河南嘅富裕鎮搬去河北嘅寧年鎮，1956年10月24號寧年鎮改名富裕鎮，原先嘅富裕鎮改名富路鄉。1984年12月歸齊齊哈爾市管轄。
政區 編輯
富裕轄5鎮、3鄕、2箇民族鄉、2箇單位。