實政圓桌(英語:Roundtable),係香港嘅親中派政治團體,喺2017年5月7號成立,由田北辰同六個新界西區議員喺退出新民黨之後創立,行溫和親中路線。

歷史

2016年立法會選舉之後,當時有新聞指田北辰葉劉淑儀兩人不和,甚至話田北辰會等埋葉太選完特首之後就走,後來葉劉宣佈參選特首,但係不論民望定係選委嘅支持度都係咁低,最後佢喺2017年3月退出選舉。

喺2017年4月,田北辰終於同其他六個區議員退出新民黨,到5月,佢哋就搞咗實政圓桌出嚟。

2019年嘅區議會選舉,係實政圓桌創立以嚟第一場選舉,佢哋派12人出嚟選,但係有啲區其實同民建聯同新民黨「撞區」,喺反修例運動仍未平息之下,實政圓桌輸淨2席(蘇嘉雯徐曉杰成功冧莊),田北辰自己都畀政治素人劉卓裕打落馬,不過呢個成績已經好過舊東家新民黨(新民黨喺呢場選舉全軍覆沒)。

到2020年6月,蘇嘉雯退出咗實政圓桌,投向何君堯陣營,區議員得返徐曉杰一個。