有殺錯冇放過（書面語：寧枉勿縱、寧枉毋縱）係古時行嘅法制，意思係情願冤枉好人亦唔想畀兇手逍遙法外[1]。家下喺日常用語：凡係可疑都當係有問題咁處理。【枉】係【冤枉】，【縱】係【放縱】或【縱容】。
有放過冇殺錯（寧縱勿枉）即係放過疑犯都唔想冤枉好人[2]。「寧縱勿枉」係一般行普通法國家法律上定罪嘅原則[3]。呢個原則係基於「無罪假定」（en:Presumption_of_innocence）。
