寶馬山(英文:Braemar Hill)係香港北角一座山,海拔200米,座山位置約莫喺北角七姊妹南面。
1960年代開始,政府開發北角南面嘅山坡,發展成豪宅區同學校區,嗰一頭亦用咗「寶馬山」個名。而家日常生活講「寶馬山」,多數都係指嗰一個區域,好少指座山。
有啲人會搞錯以為寶馬山區西南面近住寶馬山道盡頭嗰座山係「寶馬山」,但其實嗰座山叫紅香爐峰。