對轉

對轉，音韻學一說，講解古文之中，貌似唔同嘅音，喺古時如何押韻，如何通假。對於同源字嘅考證亦好重要。學說出於大清時，當時只為歸納上古韻部，分為陰陽兩類，有鼻音韻歸為陽，無就陰。而兩者間有互押情況，就可能有陰陽對轉。入聲字歸入邊類，又各有所據。後亦有入聲另分一類。唔單止古文，亦見於今日各話。對轉可以同義唔同音唔同字，亦可以同義唔同音用同一字。

如今講韻，入聲就入聲韻，收鼻音叫陽聲韻，而兩者皆非就陰聲韻。佢哋之間有可能轉入其他一類，個情況就叫對轉。故此除咗陰陽對轉，亦有陰入對轉，以及陽入對轉。

各家推斷上古音，對轉現象有一啲解釋。如古音有啲韻收尾，後世唔見咗。而舊時對押韻唔係咁嚴，用咗啲古韻來押。故此，後世睇來唔似，上古時就近似押到韻。

例

說文，「逆。迎也。从辵。屰聲。關東曰逆。關西日迎。」逆入聲韻，迎陽聲韻。佢哋可謂陽入對轉。

廣東話都有，如啄之意。啄本為入聲，雀嘴亦叫啄讀陽聲韻，有鼻音。尖如雀嘴叫啄，娼婦做啄地，以及以尖嘢啄碎嘅啄啄糖，全都為陽聲啄。咁亦為陽入對轉一例。