啄啄糖（啄讀陽聲韻，督梁切，doeng1），有時錯寫做叮叮糖或丁丁糖，係香港一隻糖。啄啄糖本身係一大塊有芝麻同薑味嘅硬麥芽糖。
整啄啄糖首先將麥芽糖煮溶，加入其他料，一路咁攪。佢未完全硬返前，就放響鐵枝度拉成糖膠，最後將條糖膠綁成盤狀。
街邊小販賣啄啄糖嗰陣，就響鋅盆中啄碎佢，所以就叫啄啄糖。家下啄啄糖通常係機製，一早已經包好，所以都聽唔到啄啄聲。口味亦多咗變化，有椰子味、朱古力味、芒果味、芋頭味同士多啤梨味。
啄啄糖呀伯
