小坑村

小坑村喺香港新界粉嶺龍躍頭新圍西北面，大約200年前建村，係龍躍頭「五圍六村」之一。

史

鄧氏祖先原本住喺老圍裏面，後來因為居住環境擠迫而搬去龍堂定居，聽聞喺龍堂居住嗰時只有十間房屋。鄧氏族人大約喺龍堂住咗三代之後，因經常受到賊匪嘅光顧，所以搬返龍躍頭，並喺現址建立小坑村。村前面嘅磚牆同東面村口嘅拱門大約喺1960年因風水理由而起，希望可增添男丁。東面村口起咗褔德祠，用嚟供奉土地。