小學校際通識大賽2019
小學校際通識大賽2019（英文：Primary School Quiz 2019）係香港電台同全港青年學藝比賽大會合辦嘅小學校際問答比賽，由預賽「小學常識挑戰賽2018」成績最好嗰27隊參加。由黃大鈞、沈殷怡、劉焯文（第2集知識睇片題同第10集至第13集競技藍紅綠）主持。
比賽方式 編輯
預賽：小學常識挑戰賽2018 編輯
「小學常識挑戰賽2018」係「小學校際通識大賽2019」嘅預賽，希望入圍參加「小學校際通識大賽2019」嘅學校，需要以學校名義報名並派出最少位學生參加「小學常識挑戰賽2018」。
比賽 編輯
已經報名參加「小學校際通識大賽2019」嘅學校，並喺「小學常識挑戰賽2018」成績最好嗰27間小學入圍比賽[1]，27隊參賽學校需經歷初賽、9隊晉級複賽、最後有3隊進入決賽，以爭奪冠亞季軍寶座。
學術必答題 編輯
以學科知識為主，藍、紅、綠組順序作答，每組有底分100分，限時90秒，回答12條題目，答啱加20分，答錯或棄權唔扣分，限時內答對全部題目額外加30分。
知識睇片題 編輯
考考大家嘅理解同分析能力，同學先睇一段短片，然後回答問題，頭五條係搶答題，答啱加30分，答錯扣20分。第六條係思考題，答啱加40分，答錯唔扣分。
競技藍紅綠 編輯
參賽隊伍每次都會接受兩個挑戰，每集唔同形式。進行第二關前可以考慮使用皇牌，如使用皇牌並喺第二關勝出可以額外加30分；相反使用皇牌而未能勝出者會被扣20分。
通識搶答題 編輯
限時內搶答題目，答啱加30分，答錯或棄權扣20分，所有問題冇得補答。
每集內容（初賽） 編輯
第一集 編輯
- 參賽學校︰
- 藍組︰華德學校
- 紅組︰香港培正小學
- 綠組︰東華三院王余家潔紀念小學
- 知識睇片題
介紹收割稻米嘅過程。
- 競技藍紅綠
競技名︰橙皮500克
第一關：三組同時進行，其中一位隊員要喺購物區揀橙，完成任務可以加30分。
第二關：各組合作搣橙皮，橙皮重量最接近500克者為之第一名。
第二集 編輯
- 參賽學校︰
- 知識睇片題
介紹雞嘅飼養過程。
- 競技藍紅綠
競技名︰真假生熟蛋
第一關：參賽學生需要從生蛋同熟蛋之中要揀選出並運送熟蛋同運送熟蛋，完成任務可以加30分。
第二關：參賽學生需合作剝雞蛋殼，喺限時內完整噉剝得最多完整雞蛋嗰一組為之第一名。
第三集 編輯
- 參賽學校︰
- 藍組︰吳氏宗親總會泰伯紀念學校
- 紅組︰聖類斯中學(小學部)
- 綠組︰聖保羅書院小學
- 知識睇片題
介紹中醫藥。
- 競技藍紅綠
競技名︰粒粒粟米皆辛苦
第一關：每組三名學生合作挑選和運送粟米，完成任務可以加30分。
第二關：參賽學生合作剝粟米衣、粟米鬚同粟米粒，總重量最接近500克嗰一組為之第一名。
第四集 編輯
- 參賽學校︰
- 藍組︰九龍塘學校（小學部）
- 紅組︰聖公會呂明才紀念小學
- 綠組︰北角循道學校
- 知識睇片題
介紹導盲犬訓練。
- 競技藍紅綠
競技名︰拆穿鞋帶Go Go Go
第一關：參賽學生合作拆開同接駁鞋帶，再利用鞋帶運送一對鞋，完成任務可以加30分。
第二關：各組合作穿綁鞋帶之後打結並掛上鞋，最快掛上最多鞋嗰組為之第一名。
第五集 編輯
- 參賽學校︰
- 知識睇片題
- 競技藍紅綠
競技名︰競速菜市場
第一關：參賽學生頭戴特製頭盔運送蔬菜到終點區，完成任務可以加30分。
第二關：各組員合作製作最多數量嘅漢堡包。
第六集 編輯
- 參賽學校︰
- 藍組︰中華基督教青年會小學
- 紅組︰英華小學
- 綠組︰油蔴地天主教小學（海泓道）
- 知識睇片題
介紹環保胡琴嘅特性。
- 競技藍紅綠
競技名︰麵團大作戰
第一關：每組三名學生輪流將麵團掟入同手帶顏色相同嘅方格內，掟入9個或以上麵團嗰組完成任務，可以加30分。
第二關：參賽學生喺限時內計算三條數學題，並按要求製作出相應數量同形狀嘅麵餅或湯圓。答中最多數學題，所製作出嘅麵餅同湯圓又合格嘅組別勝出。
第七集 編輯
- 參賽學校︰
- 藍組︰元朗商會小學
- 紅組︰路德會聖馬太學校 (秀茂坪)
- 綠組︰天水圍天主教小學
- 知識睇片題
- 競技藍紅綠
競技名︰我要做Model
第一關：隊員要依照三個公仔嘅造型，幫自己穿上相同嘅服飾，喺限時內成功完成任務可以加30分。
第二關：參賽學生合作摺衫，限時之內衫數目最多嗰組勝出。
第八集 編輯
- 參賽學校︰
- 知識睇片題
介紹氣象站嘅設施。
- 競技藍紅綠
競技名︰今日我大「曬」
第一關：每組三位學生合作運送指定顏色同數量嘅衫，完成任務後可以加30分。
第二關：參賽學生須計算一條數學題，並以扣衫鈕扣嘅方式表示答案。最快答中數學題，又扣啱鈕扣、掛啱衫嗰組勝出。
第九集 編輯
- 參賽學校︰
- 藍組︰般咸道官立小學
- 紅組︰香海正覺蓮社佛教正覺蓮社學校
- 綠組︰港九街坊婦女會孫方中小學
- 知識睇片題
介紹中式點心製作。
- 競技藍紅綠
競技名︰速度•電•競賽
第一關：各組學生抽出唔同型號嘅電池並接力運送，限時內成功運送指定數量嘅電池可以加30分。
第二關：各組利用電池、電線同開關掣駁通電路，最快成功開着燈泡同風扇嗰組為之第一名。
每集內容（複賽） 編輯
第十集 編輯
- 參賽學校︰
- 藍組︰東華三院王余家潔紀念小學
- 紅組︰陳瑞祺(喇沙)小學
- 綠組︰吳氏宗親總會泰伯紀念學校
- 知識睇片題
搭高鐵要留意事項。
- 競技藍紅綠
競技名︰合力傳球
第一關：隊員合力用羽毛球拍運送20個網球到終點區，完成任務可以加30分。
第二關：隊員用特製膠板，逐一繞過障礙，運送最多數量嘅網球到終點區。
第十一集 編輯
- 參賽學校︰
- 藍組︰聖公會呂明才紀念小學
- 紅組︰道教青松小學
- 綠組︰英華小學
- 知識睇片題
介紹香港嘅街燈。
- 競技藍紅綠
競技名︰環環相扣
第一關：隊員需要疊高骨牌做成兩個橋躉，再將橋面放上。橋面必須高過下面嘅障礙物，喺限時內完成任務可以加30分。
第二關：參賽學生合作砌骨牌，並喺指定位置放入顏色牌，以骨牌推倒最多顏色牌嗰一組勝出。
第十二集 編輯
- 參賽學校︰
- 藍組︰路德會聖馬太學校（秀茂坪）
- 紅組︰北角官立小學
- 綠組︰港九街坊婦女會孫方中小學
- 知識睇片題
介紹陶藝創作。
- 競技藍紅綠
競技名︰齊心入球準準準
第一關：每組隊員輪流蒙住雙眼，聽從隊友指示，由起點區經過障礙物行到終點區射波，限時之內每位隊員都成功射入一球，可以加30分。
第二關：三組輪流挷波入圓筒，以「過四關」形式連成直線，連成最多直線嗰組為之第一名。
每集內容（決賽） 編輯
第十三集 編輯
- 參賽學校︰
- 藍組︰吳氏宗親總會泰伯紀念學校
- 紅組︰英華小學
- 綠組︰路德會聖馬太學校(秀茂坪)
- 「知識睇片題」
今集有兩條短片，第一條介紹香港嘅郵票設計，第二條介紹一種由菇菌生長而成嘅新物料。
- 「競技藍紅綠」
呢回合包括四項挑戰。
第一關︰動動腦筋
三組同學輪流報數，由1數到50，喺指定數字或佢嘅倍數，要做出相應動作，做錯會被淘汰出局。留到最後嗰組為之第一名。
第二關︰路路尋謎
三組同時進行，每組根據手上嘅「尋謎指南」，分別前往四個港鐵站完成指定任務，最短時間完成最多任務組為之第一名。
第三關︰步步「棋」兵
以鐵路路線圖作為棋盤，上面有各種機關，一位隊員擲骰，一位隊員依照所得數字喺棋盤上行走，並尋找金幣，另一位隊員就負責去挑戰站接受考驗。擲骰十二回合之後，得到最多金幣嗰組為之第一名。
第四關︰球球進帳
三組同時進行，波枱上有15個黑色波同3個顏色波。三組同學輪流比賽，用白色波將枱上嘅波撞入窿度。黑波得1分，而顏色波則得3分。得分最高嗰組為之第一名。
得獎學校 編輯
- 冠軍：英華小學
- 亞軍：吳氏宗親總會泰伯紀念學校
- 季軍：路德會聖馬太學校 (秀茂坪)
- 智勝盃：路德會聖馬太學校 (秀茂坪)