稻米

  「稻」跳轉到呢度。想搵稻屬植物，請睇「稻屬」。

  「米」跳轉到呢度。想搵其他用法，請睇「米 (搞清楚)」。

稻米（粵拼：dou6 mai5），係草本稻屬（Oryza）植物嘅種子，係世上其中一種重要嘅穀物，產量只係少過粟米排第二，而家地球一半人口都食稻米。煮熟咗嘅米叫「飯」，亦都可以磨粉整其他嘢食，例如米粉同河粉。

稻米粒

稻米可以跟米身長度分做兩大類：長身嘅絲苗同短身嘅珍珠米，當中絲苗可以再細分唔同品種，譬如原產泰國嘅茉莉香米。另外稻米又可以跟黏性分做兩大類：無咁黏嘅粘米同比較黏嘅糯米。