小泉進次郎
小泉進次郎（ こいずみ しんじろうKoizumi Shinjirō、1981年4月14號—），係日本政治人，前任環境大臣兼內閣府特命擔當大臣（原子能防災）、內閣府大臣政務官、復興大臣政務官、自民黨青年局長、自民黨農林部會長、自民黨厚生勞動省會長等等。
| 小泉進次郎 | |
|---|---|
 | |
 日本第27任環境大臣第11任內閣府特命擔當大臣 （原子能防災） | |
| 任期 2019年9月11號－2021年10月4號 | |
| 總理 | 安倍晉三 菅義偉 |
| 前任 | 原田義昭 |
| 繼任 | 山口壯 |
| 個人資料 | |
| 出世 | 1981年4月14號 日本神奈川縣横須賀市 |
| 政黨 | 自民黨 |
| 配偶 | 瀧川雅美 |
| 仔女 | 一個仔同一個女（冇公佈個名） |
| 父母 | 小泉純一郎（老豆） 宮本佳代子（阿媽） |
| 母校 | 關東大學學院附屬關東學院六浦小學 關東學院大學經濟部 哥倫比亞大學 |
| 網站 | 官網 |
因為有住日本政界入面少有嘅靚仔樣，所以佢畀日本坊間叫做「政界師奶殺手」[1]。
屋企
編輯佢老豆係前內閣總理大臣小泉純一郎，阿媽係泰道照山個孫女宮本佳代子（又叫小泉佳代子），太外公係日本出名生意佬泰道照山，哥哥係日本演員小泉孝太郎，老婆係日本女廣播員瀧川雅美。老婆響2020年1月17號生咗個仔。
經歷
編輯
佢由關東大學學院附屬關東學院六浦小學同埋關東學院大學經濟部畢業之後，去咗哥倫比亞大學攻讀政治碩士，期間做咗戰略與國際研究中心嘅非常任研究人員。讀完書之後，佢回流返日本，做咗老豆嘅私人秘書。後嚟老豆純一郎響2008年宣佈退出政界，所以佢就做咗純一郎嘅接班人，響第45屆眾議院議員選舉神奈川縣第11選區當選眾議院議員，重連續四屆（2009年、2012年、2014年、2017年）響同一個選區當選。響2019年，佢畀當今日本首相安倍晉三委任做環境大臣，兼做埋內閣府特命擔當大臣（原子防災）。
響2020年，佢老婆瀧川雅美生咗個仔，佢話要陪個老婆，所以要求放產假[2]，係日本政界第一個放產假嘅官員[3]。但係爾件事就響日本引起極大爭議（原因為響日本好少男人會放產假），有好多人話佢一個堂堂大男人，應該要以事業為先[4]。不過進次郎就話，陪老婆係好應該嘅事，重話自己要帶頭改變日本古老、大男人嘅思想[5][6]。
攷
編輯- ↑ 〈日本政界"师奶杀手"小泉进次郎宣布"休产假"-旅日侨网〉。www.jpchinapress.com。原著喺2020-06-08歸檔。喺2020-06-08搵到。
- ↑ 〈【以身作則】小泉進次郎將公開放侍產假 創日本內閣大臣先河〉。《Apple Daily 蘋果日報》 (香港中文)。原著喺2020-06-08歸檔。喺2020-06-08搵到。
- ↑ 聯合新聞網 (2020-01-18)。〈小泉進次郎放侍產假惹爭議 日本另類職場欺凌有幾嚴重？〉。《香港01》 (香港中文)。喺2020-06-08搵到。
- ↑ 〈日本環境大臣小泉進次郎休陪產假計劃引熱議〉。《BBC News 中文》 (繁體中文)。2020-01-17。喺2020-06-08搵到。
- ↑ 聯合新聞網 (20200115T120326Z)。〈改變職場氛圍 日環境大臣小泉帶頭休育嬰假 | 聯合新聞網：最懂你的新聞網站〉。《聯合新聞網》 (中文)。喺2020-06-08搵到。
{{cite web}}: Check date values in:|date=(help) - ↑ 〈小泉進次郎：考慮休陪產假的38歲日本新大臣〉。《BBC News 中文》 (繁體中文)。2019-09-17。喺2020-06-08搵到。