小粉紅最初係中華人民共和國人士,尤其係自由派社交網絡用戶描述中國大陸立場偏向民族主義網民嘅用詞。之後可以用嚟指2010年中期,通過中國留學生翻牆手段,喺境外社群網絡上湧現出大量傾向民族主義,同宣傳中國共產黨又愛(中國共產)黨嘅中國大陸青年,部分媒體將「小粉紅」視作現代版嘅「紅衛兵」,大部分小粉紅形成深受中國GFW建設所影響,因為中華人民共和國媒體都屬政府控制,民眾無法自行創建報刊同新聞網站,導致社會上「只有一種聲音」,一旦出現輿論宣傳錯誤等就會畀中國官方控制。中國大陸嘅媒體集體聽從中宣部等辦公室嘅指揮,長期喺新浪微博等社交媒體入面轉發或者自行發佈煽動性文宣,例如「中國人民不吃這一套」、「XX國家沒資格對中國內政說三道四」,喺呢類舉措長期灌輸下,令到小粉紅堅持中國當局所認定嘅「網絡不是法外之地」[1],所以小粉紅好難同世界其他互聯網主流自由言論融合,導致自身同大眾區別鮮明。佢哋雖然同呢幾年嚟同時湧現親中共人士立場相似,但係佢哋主要特徵係往往表示喺言論入面帶有偏激性,內容討論唔理性,外語使用能力生疏,提出嘅主張缺乏數據同可靠嘅文章做支撐,成日通過各種諷刺、揚言抵制方式喺網絡社交平台入面攻擊、辱罵同佢政見相反嘅人,又易過度解讀辱華一詞嘅定義嚟舉報受到歧視,令到當事國家或者人不明所以。對於中文圈而言,甚至唔單純只攻擊持唔同立場嘅網民,甚至將無同佢相同立場嘅所有人,都誇張標籤為分離主義或者叛國份子。

小粉紅亦經常喺YY直播嘅頻道入面、騰訊QQ群嘅語音功能等中國大陸廣泛使用嘅交流平台進行網絡化集結,並喺領導(指揮)者嘅統一帶領下,「出征」各個反對中國共產黨或者其當權者嘅媒介、個人、機構嘅社交媒體主頁(例如Facebook主頁、Twitter主頁、YouTube影片評論區、直播留言區)等一切可以留言嘅區域。

小粉紅成日出征嘅媒體評論區包括三立新聞蘋果日報立場新聞自由亞洲電台德國之聲美國之音新唐人電視台大紀元時報BBC,因為佢哋唔受中華人民共和國審查制度所幹擾,喺發表涉中等資訊後成日令到小粉紅睇到之後覺得萬分羞辱,認為呢啲媒體抹黑緊中國,內容係虛假報道,更加有小粉紅唔理呢啲媒體所發表嘅內容,無論有無提及中國,都會留言攻擊,甚至用同一個帳戶喺唔同帖文發表同一個言論。

喺2019年之後嘅中國,小粉紅大批出征甚至會畀中國官方媒體高度讚揚,例如喺2019年嘅央視新聞聯播入面,表揚帝吧出征呢一個行為[2], 人民日報亦專門發文表揚佢哋,而文章亦被央視網站轉載[3]

「小粉紅」同「自乾五」兩者嘅意思相若。

睇埋 編輯

參考 編輯

  1. 絡空間再不是法外之地-新華網. www.xinhuanet.com. 原著喺2020-08-08歸檔. 喺2021-04-01搵到.
  2. 共青團中央之後 "帝吧出征"獲央視新聞聯播點讚!_手機搜狐網. m.sohu.com. 喺2021-04-01搵到.
  3. .