小販事務隊
(由小販管理隊跳轉過嚟)
小販事務隊（英文：Hawker Control Teams），2000年之前叫小販管理隊，係香港食物環境衞生署轄下嘅執法隊伍，職責係管制香港嘅所有販賣活動。
組織
編輯小販事務隊分為190隊小隊（港島同九龍各分區124隊，新界各分區66隊），其中包括總區小販管理特遣隊（港島同九龍總區15隊，新界總區11隊），呢啲隊伍都會配備手提式無線電通訊器材同車。
職責
編輯- 確保持牌小販按照有關牌照所訂嘅條件經營，並且遵守《公眾衞生及市政條例》（第132章）、同附屬法例，以及香港特別行政區其他有關法例嘅規定；
- 管制持牌小販所引致嘅街道阻塞同環境滋擾情況；
- 定期巡查持牌固定小販攤檔，整頓喺街頭販賣嘅流動小販，並喺適當情況之下，根據違規行為採取執法行動；
- 檢控無牌小販。
法例
編輯香港特別行政區政府喺管制販賣活動方面施行嘅法例包括：
- 《公眾衞生及市政條例》（第132章）第83至86D條；
- 《小販規例》（第132章附屬法例）；
- 《食物業規例》（第132章附屬法例）；
- 《簡易程序治罪條例》（第228章）第4A條。