尻
字
提示：呢篇文講嘅唔係㞗。尻（多數同孤立讀音為「haau1」，响部分詞語中俗讀作「gau1」）指囉柚，人體脊柱嘅尾段，即係尾龍骨嘅位置[1]。根據康熙字典，「尻」讀「考平聲」，「髖也」。《說文解字》記載：「尻、𦞠也。从尸九聲。苦刀切。」。
其他用法
編輯因為字形下面有個「九」字，好多香港人就誤以為係粗口字。但其實粵語粗口本字係「㞗」字，正音讀求，不過一般俗音讀 gau1(鳩)。「尻」字意思亦唔係鳩所指嘅意法，所以用「尻」假借粵語粗口嘅「㞗」係錯誤嘅用法。
無厘頭
編輯無厘頭由廣東南海一帶嘅粵語俚語莫釐頭尻（mok6 lei4 tau4 gau1）演變而成。「莫釐」係指「無乜道理，分唔清楚」，尻就係指脊骨尾部或者重未長成嘅尾，喺呢度引申為「末端、最尾」嘅意思。夾埋一齊嘅意思係：「形容人或事分唔清次序同頭尾，毫無邏輯可言[2]。」「莫釐」後來變音成「無釐」，又或者係「莫」通「無」而假借；「尻」字由於以上原因，為求避諱而去咗。再因「釐」通「厘」，常年簡略之下變成「無厘頭」。
