岑應（1977年—）係香港無綫電視女編審，2012年開始幫無綫製作過唔少話題性嘅節目而出名。
岑應中學讀保祿六世書院，喺香港城市大學傳意學系學士畢業，之後讀埋香港中文大學新聞系碩士課程。
岑應喺2017年同細佢四年嘅消防員蔡明曦結婚。佢老公2016年參與撲救淘大工業村大火而攞過「行政長官公共服務獎狀」。
