崇正中學

崇正中學（Tsung Tsin Middle School）係位於香港九龍長沙灣嘅一間私立中學，由香港崇正總會創辦。位置係廣利道 11 號。

崇正總會董事會響1947年5月決定籌辦崇正中學，喺跑馬地摩利臣山道崇正會館二樓闢做臨時課室上課，政府即刻撥地三萬尺嚟起學校，海外客屬團體捐款籌建校舍。

1965年位於廣利道嘅新校舍落成，樓高5層，呈L型，地下設禮堂，5樓設實驗室，有標準課室17間。校舍曾經用作崇正小學嘅上課地點。直至1981年，崇正小學停辦，呢座校舍至重新由中學部使用。

1993年香港崇正中學有限公司成立，作為慈善團體開始獨立運營學校。

該校喺2015年9月同朗思國際學校簽訂合作栛議，朗思出任崇正中學國際課程嘅課程總監。但2018年11月因朗思喺校舍內違規開辦朗思國際小學。逾200名學生停課3日後，小學生返回朗思原有嘅九龍塘界限街校舍復課，原有嘅國際中學生就喺崇正中學原有校舍繼續上課。

崇正中學喺2018年同牛津國際教育達成合作關係，提供IGCSE同A-Level國際課程。

榮譽編輯

2006年，呢間學校女子籃球隊響學界精英組賽事贏咗冠軍，決賽擊敗第一組別協恩。男子隊亦奪得九龍區第三組別嘅冠軍。2007年，呢間學校女子籃球隊喺學界馬拉松決賽以一分輸畀青松，得亞軍。2007年，女子籃球隊再次喺學界精英賽決賽贏協恩。2009年，男子足球隊響學界精英組賽事贏咗冠軍。

2018年，成為提供國際課程嘅私立中學。