工聯會業餘進修中心

工聯會業餘進修中心由工聯會開辦，中心有開辦多個興趣班，由語文、電腦、模型、造餅、成衣等等可謂課程講得出都會有，有時會得到左派報紙報導宣傳。文匯報有報導將工聯會課程政治宣傳化，指部份課程有利「珠三角大灣區」發展。不過，課程亦有好多問題如收費高，質素差等。而家，香港市民只能向消委會投訴，理由係《教育條例》漏洞所致，終遭媒體同議員指責特區政府問題。

報導

• 2016年2月26號，毛記電視指工聯會開6個鐘淘寶課程，收費係$480港元。三年後收費增加近2倍，由$480加到$800，而2019年個「暑期淘寶網購全攻略」課程就比以前多3個鐘。「教你上淘寶，收費八舊水」就連工聯會自己既立法會議員何啟明都同人講話覺得「有啲貴」。

• 2017年，工聯會甚至涉及過「動物傳心」等爭議性收費課程。有業內人士疑遭新聞媒體用科學實證拆穿，涉事「傳心師」鬼話連篇，自圓其說，有人甚至逃避訪問而直接電話收線。有線新聞記者指工聯會相關課程導師，正正牽涉其中，質疑「動物傳心」係偽科學迷信。

• 2018年6月4號，工聯會課程爆出新醜聞，報指有課程涉違規未註冊。

出面網頁

• 工聯會業餘進修中心