香港工會聯合會

(由工聯會跳轉過嚟)
 呢篇文講嘅唔係工聯

香港工會聯合會英文Hong Kong Federation of Trade Unions),簡稱工聯會HKFTU),前稱港九工會聯合會,1948年創會,係香港傳統左派工會,亦都係個政治團體。

 
香港工會聯合會
Hong Kong Federation of Trade Unions
 
會長吳秋北
理事長黃國
榮譽會長林淑儀黃國健
副會長梁頌恩謝愛紅麥美娟陳鄧源李子健
秘書長馬光如
 
創立1948年4月17號
總部 香港九龍土瓜灣馬坑涌道12號
象徵顏色  紅色
 
立法會議席
8 / 90 (9%)
區議會議席
5 / 479 (1%)
全國人民代表
大會
代表數目
2 / 36 (6%)
 
政治派系傳統親中派(左派)
意識形態中國民族主義
保守主義
社會主義
民主社會主義中文民主社会主义(部分派系)
社會愛國主義英文Socialist patriotism
社會自由主義中文社会自由主义(以前,部分派系)
中共香港政府
政治立場中間偏左中文中間偏左
左翼極左翼中文極左派(以前)
 
工聯會土瓜灣總會

工聯會係香港各左派工會,聯合嘅組織,會員都係團體會員,各行各業都有。有252間屬會同贊助會。屬會會員數約莫四十萬,係目前全港會員人數最多嘅工會。

政治上,佢同另一個政黨民建聯關係十分之密切[1],有時選舉嗰陣議員會互相配合。1997年之後,政見多數配合香港政府,政見有時傾向工人利益,亦有時相反,如默許廢工人集體談判權[2][3]

歷史 編輯

歷史上工聯會多次參與勞工維權、災民救濟同社會運動,而家主要工作包括幫僱員追欠薪、工傷賠償、遣散費同長期服務金,政綱包括取消強積金對沖、改革政府外判、14周產假、7日侍產假。

創辦勞工子弟學校 編輯

1946年之前,香港有6間官立小學,每學期學費30緡;而私立學校收費100緡以上。當時一名五金廠女工日薪得1.5緡,負擔唔到高昂學費。1946年9月,工聯會前身「港九勞工子弟教育促進會」(後改名為「港九勞工教育促進會」,簡稱「勞教會」)創辦勞工子弟學校(簡稱「勞校」),為基層勞工子女提供教育機會。當時工聯會未正式成立,冇獨立校舍,要借用海軍船塢華員職工會會址上堂。直至1948年工聯會正式成立後,勞工子弟學校已經有12間。

1949年5月,港英政府擔心左派人勢力增長,企圖解散勞校,工人、家長、「勞校」師生展開大規模護校運動[4]。由於佢左派背景,劳工子弟學校喺英國殖民時期受歧視,畢業生好難入職公務員[5]

大火救災 編輯

1951年11月21號,東頭村發生大火,有16,000人受災。當時香港底層民眾普遍生活困難,災民缺乏食物。工聯會第二日將5,000包餅乾送到災民手上[6]

1953年12月25日,石硤尾發生大火,58,000名災民無家可歸。工聯會受內地中國人民救濟總會委託,喺界限街、楓樹街長沙灣球場,將70萬斤大米同23萬港元款項發放畀災民。當時一碗細蓉(雲吞麵)售價5毫[7]

工人醫療所及俱樂部 編輯

香港當時失業嚴重,好多基層市民三餐不繼,更缺乏醫療及藥物。五十年代,工聯會創辦第一工人醫療所、九龍同香港兩間工人留產所、第二工人醫療所、荃灣工人醫療所、九龍同香港兩間中醫診所,為基層工人提供廉價醫療服務[8][9]

50年代,香港工人普遍缺乏娛樂場所,生活苦悶。1958年8月,工聯會11屆二次會議議決籌建工人大會堂(「工人俱樂部」前身),9月成立籌建工人大會堂委員會。1958年至1964年期間,工聯會為工人俱樂部周圍籌款,引來眾多工人捐款響應。香港資深藝人周驄當時亦動員演藝界人士參與義演籌款[10]。8月28號,工人俱樂部建成開幕,為當時工人提供一個多樣化嘅活動場所[11]

六七暴動 編輯

內文:六七暴動

1967年,香港發生多宗勞工維權事件,遭到港英政府鎮壓。香港左派受中國大陸文化大革命同澳門一二·三事件極端主義影響而發起暴動,工聯會旗下嘅工會係主要發起者。時任工聯會理事長楊光出任港九各界同胞反對港英迫害鬥爭委員會主任委員。暴動期間最少造成212名警務人員在內嘅802人受傷及51人死亡。香港商業電台節目主持林彬喺節目中強烈批評左派囓暴力行徑,幾日後,佢同堂細佬俾人掟汽油彈燒死,被認為係香港六七暴動場面最慘烈嘅標誌性事件。

廢除集體談判權及市政局 編輯

工聯會被批評曾經多次投下出賣工人嘅議案,包括1997年喺臨時立法會投票支持廢除香港工人嗁集體談判權[12],理由係原議案部分條款不利工人維權,同時允許工會將資金用喺境外社會運動。1998年,工聯會投票廢除市政局區域市政局[13]

男士侍產假 編輯

2012年工聯會立法會議員黃國健王國興都曾以「要求立法推行7天男士有薪侍產假」作為政綱,但立法會討論男士3日有薪侍產假嘅《2014年僱傭(修訂)條例草案》時,公共專業聯盟梁繼昌議員雖然曾經提出修正案,要求將假期增加至7日,但工聯會全體議員都冇投票支持呢項修訂,被質疑政綱出爾反爾。[14][15]工聯會議員事後解釋,唔支持修訂係因為修訂等同推翻勞資談判結果,因為議員提出嘅修訂政府認為未取得勞顧會共識,政府強調3日侍產假嘅建議係經過勞顧會中勞資雙方反覆辯證而達成嘅共識並且平衡勞方福利同資方承受力,政府話如果議員提出嘅任何修訂獲通過,當局將無可奈何撤回條例。最後工聯會迫於無奈只能投棄權票。工聯會陳婉嫻事後話唔投贊成票被斥責出賣工人「絕唔好受」,亦介意有關指控。[16][17]

2018年,工聯會同勞聯6位代表勞工階層嘅建制派議員支持政府提出嘅5日侍產假議案,但反對7日侍產假嘅建議。當議案表決時,只係撳「出席」掣。佢哋辯稱7日侍產假一旦通過,政府會收回法例,所以仍哋要「務實」。而唔支持修訂係因為修訂等同推翻勞資談判結果,破壞勞顧會共識,令資方有藉口拒絕談判,而該黨重視勞顧會談判結果,最後迫於無奈只能投棄權票,又話希望立法會今次通過草案後,政府未來可繼續向7日嘅目標邁進。而7日侍產假提議最終差5票被否決。[18][19]工聯會呢次表決再一次違背當年「7日待產假」嘅競選承諾。

行業 編輯

工聯會屬會主要分布響汽車鐵路交通業、海員海港運輸業、航空業、政府機構、公共事業、文職及專業、旅遊飲食零售業、服務業、製造業、造船機械製造業、建造業等等。

會員福利 編輯

工聯會資金充裕,會員福利各方便都有,甚至有啲服務其他市民都可以用。福利部有工人醫療所、工人俱樂部、業餘進修中心、職業再訓練中心、就業輔導中心、勞工服務中心、地區服務處及聯絡處。

所有屬會會員都有工聯咭,方便用各種福利。

2004年底,工聯會又響開中國內地諮詢服務中心,係同廣州深圳東莞三地市總工會合辦。中心幫香港人返大陸做嘢、做生意、讀書等等。有時重會供埋緊急援助。[20]

 
同樂日活動
 
2013年五一勞動節活動

工會代表 編輯

前會長鄭耀棠係前任行政會議成員。

主要成員:

組織架構 編輯

第37屆常務理事會(2018─20) 編輯

由29間工會組成,包括:

編輯

  1. 民建聯有啲創黨成員係工聯會出身,包括陳婉嫻、王國興等等
  2. .
  3. . 原著喺2007年12月3號歸檔. 喺2008年6月27號搵到.
  4. (PDF). .
  5. 倪一祥 (2018-05-02). .
  6. 聯會60周年圖本集 (PDF). . 原著 (PDF)喺2016年7月7號歸檔. 喺2019年6月3號搵到.
  7. (PDF). .
  8. (PDF). .
  9. . 原著喺2007年10月26號歸檔. 喺2007年10月22號搵到.
  10. .
  11. (PDF). .
  12.  . . 2006-10-28. 原著喺2018-11-23歸檔. 喺2019-06-03搵到.
  13. 鍾祖康 (2013-01-23). . 蘋果日報. 原著喺2018-11-23歸檔. 喺2019-06-03搵到.
  14. 3天侍產假落實 全薪修正案否決. 2014年12月19日. 原著喺2014年12月19日歸檔. 喺2019年6月3日搵到.
  15. 支持7日侍產假 工聯會出賣選民. 2014年12月19日.
  16. 法會男士7天侍產假修正案遭否決 工聯會:支持但不投票. . 2014-12-18.
  17. 士3天侍產假通過 放7天支全薪修訂否決. . 2014-12-19.
  18. 5日侍產假獲三讀通過 孕婦容海恩投反對票阻增至7日點票結果. . 2018-10-25. 原著喺2018-12-31歸檔. 喺2019-06-03搵到.
  19. 7天侍產假修訂 工聯勞聯沒投票 立會通過增至5天 農曆年前實施. . 2018-10-26.
  20. . 原著喺2007年4月12號歸檔. 喺2007年10月22號搵到.

睇埋 編輯

出面網頁 編輯