粵港澳大灣區（Guangdong-Hong Kong-Macao Greater Bay Area）簡稱大灣區，係由廣東珠江口、香港同澳門組成嘅一個經濟圈概念，由中華人民共和國國務院總理李克強晌2017年3月開嘅第十二屆全國人民代表大會提出，目的係推動中國大陸同香港、澳門兩個特區嘅深化合作。大灣區範圍包括廣東其中九個珠江三角洲城市：廣州、深圳、珠海、佛山、東莞、中山、江門、惠州（成個）同肇慶（成個），加埋香港、澳門，務求將佢打造成繼美國紐約灣區、三藩市灣區同日本東京灣區後全世界第四大灣區。
