左㕭

左優（粵音：zo² jaau¹），又寫做左㕭、左𠰋、左撓、左搲、左抓，有時亦寫做左撇（正音zo² pit³，但多數人都照讀zo² jaau¹），係指由細慣咗同擅長用左手做，好似寫字，呢啲平常嘢嘅人。對於右爪用右手一樣。

一個人用左手寫德文詞「Linkshänder」（左爪）

概要

左爪嘅人一般嚟講，用左手嘅次數比右手多出好多，例如寫字、煮餸、揸筷子等。左爪嘅人並唔係所有動作都習慣或偏好用左手，實際上完全左爪嘅人並唔多。例如有啲人習慣用右手寫字、揸筷子，不過打波時就會用左手揸拍，呢種依照唔同行為選擇左或右手嘅情況亦有好多。另外，亦有雙手都能夠順利運用嘅動作。雖然好多人嘅利手同書寫嘅手相同，不過書寫並唔係判斷利手嘅標準。有啲人只係寫字同揸筷子時用左手，其他動作都用右手。

喺印度同好多伊斯蘭國家，去廁所之後用左手裝水將屎窟周圍洗淨（唔用廁紙）嘅習慣，因此認為左手比較唔乾淨，開餐唔露出左手，而有用右手進食嘅文化，一齊食嘢嗰時用左手會畀人覺得無禮貌。但印度同伊斯蘭國家亦有好多左爪嘅人，喺食飯時用右手，其他動作都用左手進行。

根據史前時期留低嘅手印推斷，今時今日左爪佔人口嘅比例同冰河時期嗰陣差唔多。

左爪嘅唔方便

由於社會上大多數人都係右爪，大多數嘅架生、設施、以至文字嘅結構都係為右爪嘅人而設，左爪喺生活中難免會有唔方便。以鉸剪為例，通常手指公外推、其他手指向入嘅動作，經過鉸剪中間嘅支點，可以令刀片夾實以剪斷啲嘢。但左手拎鉸剪做相同動作時，會有刀片夾唔實、剪唔直嘅感覺。除咗阿拉伯文之外，左手寫字唔方便，因為由左到右。好多左爪揸筆嘅人都用慣右手剪嘢，剪嘢時自我摸出用力嘅訣竅。而喺餐枱度，左爪用筷子時，就特別容易同隔離嘅筷子「打交」，而引起誤會同尷尬。近年互聯網興起，唔少左爪喺網上召集更多人，以為左爪發言同捍衛佢哋嘅權利。

左爪名人

• 側田，香港男歌手
• 盛智文，香港生意人，前海洋公園主席
• 張文新，香港電台電視部助理廣播處長
• 馬德鐘，香港男藝員
• 鍾鎮濤，香港男歌手
• 錢嘉樂，香港男藝員
• 許志安，香港男歌手
• 蔡思貝，香港女演員
• 朱凱婷，香港女演員
• 梁烈唯，香港男藝員
• 林子善，香港男藝員
• Lady Gaga，美國女歌手
• 周柏豪，香港男歌手
• 王若琳，台灣女歌手
• 王力宏，台灣男歌手
• 差利，（1889年—1977年）美國男演員
• 東條英機，前日本首相
• 杜魯門，前美國總統
• 謝拉特·福特，前美國總統
• 列根，前美國總統
• 老布殊，前美國總統
• 克林頓，前美國總統
• 奧巴馬，前美國總統

睇𠹺

• 右爪