巴生河

巴生河（馬來話：Sungai Klang），《航海圖》譯吉令河，係馬來西亞一條流經吉隆坡同雪蘭莪嘅河，全長大約120公里，流域面積達1288平方公里。條河起源自吉隆坡以北大約25公里、海拔100米嘅一個高原，最終向東流入馬六甲海峽。

長度	120 km（75 mi）

巴生河

支流

巴生河一共有11條支流，主要包括鵝麥河（亦叫做鵝嘜河）、峇都河、克拉容河、白沙羅河、Keruh River、古腰河、本查拉河同安邦河。

流經市鎮

吉隆坡喺鵝麥河流入巴生河處。然後再南流至八打靈再也。更下流，巴生河流經雪州首府莎阿南。而巴生市喺呢條河嘅下流。

因為巴生河流經人口達四百萬嘅巴生河流域，再加上巴生河一帶嘅急速發展，河道多處已變窄，改為排水道。另外，亦搞到條河好污漕。

馬來西亞最大海港巴生港喺巴生河入海口。