馬來西亞地理
馬來西亞主要由東馬來西亞同西馬來西亞組成，中間隔住南中國海。馬來西亞大部分沿海地區都係平原，中部係布滿茂密熱帶雨林嘅高原。最高山峰係沙巴州嘅京那巴魯山，又叫神山。馬來西亞靠近北緯1°同7°以及東經100°同119°之間嘅赤道，氣候潮濕炎熱，全年雨量充沛。受到海洋影響以及印度洋同南中國海吹過嚟嘅季候風系統變化。通常呢度嘅氣候分為西南季風同東北季風。每年4月至11期間吹西南季候風，11月至2月期間吹東北季侯風。馬來西亞大部分地區平均氣溫維持喺21°C至32°C之間，全年濕度亦好高。
| 馬來西亞地理 | |
|---|---|
 | |
| 洲 | 亞洲 |
| 地區 | 東南亞 |
| 坐標 | 2°30'N 112°30'E |
| 面積 | 第68位名 |
| • 總計 | 329,847平方公里（127,355平方英里） |
| • 陸地 | 99.63% |
| • 水域 | 0.37% |
| 海岸線 | 4,675公里（2,905英里） |
| 毗鄰 | 陸地邊界線 2,669 km（1,658 mi） 泰國： 506 km（314 mi） 印尼： 1,782 km（1,107 mi） 汶萊： 281 km（175 mi） |
| 最高點 | 京那巴魯山（4,095.2 m） |
| 最低點 | 印度洋（0 m） |
| 最長河流 | 拉讓江 |
| 最大湖泊 | 肯逸湖（人工湖） 百樂湖（天然湖） |
區域 編輯
西馬（馬來西亞半島）可以分做4個部分，分別係
馬來西亞分咗13個州同3個聯邦直轄區。最大嘅州係沙撈越，有超過124,000平方公里。馬來西亞半島最大嘅州係彭亨州，面積有35,965平方公里，而玻璃市係最細嘅州，面積只有795平方公里。
東馬喺婆羅洲島上面，主要可以被分為沙巴、沙撈越兩個部分，另外亦有納閩聯邦直轄區。沙巴州由5個分區組成，分別係斗湖、山打根、古達、沙巴西海岸地區同沙巴內陸地區。納閩聯邦直轄區面積只有91平方公里，喺沙巴嘅西海岸。沙撈越包括古晉、斯里阿曼、詩巫、美里、泗里街縣、林夢、加帛、民都魯同三馬拉漢省。
布城係聯邦政府新建立嘅行政中心，主要係避免首都吉隆坡太塞車。總理府喺1999年搬咗去布城，所有中央政府辦事處亦喺2005年搬去布城。除咗議會之外，吉隆坡只係留返少量政府機構。其他城市包括怡保、喬治市、新山、古晉同亞庇。
數據 編輯
極端位置 編輯
馬來西亞最南點喺沙撈越西連縣。柔佛州嘅丹絨比艾係馬來西亞半島，同時亦係成個歐亞大陸嘅最南點[1][2]。最東點喺沙巴州拿篤嘅Dent Peninsula。最北點喺沙巴州嘅邦吉島。最西點喺霹靂島，佢屬於吉打州一部分，係馬六甲海峽海中心一個砂岩。
地質 編輯
山脈 編輯
馬來西亞最高嘅山脈係沙巴州嘅克洛克山脈，佢將沙巴州分成一半。呢個山脈包括京那巴魯山，佢係全馬最高嘅山峰[3]，同埋坦布幼崑山，佢係全馬第三高嘅山峰。4,095.2米（13,436英尺）高嘅京那巴魯山係全馬最高嘅山峰，佢畀京那巴魯國家公園保護，一個聯合國教科文組織嘅世界遺產[4]。京那巴魯山係55% (by 1,453.2米（4,768英尺） margin) 高過馬來西亞第二高山特魯斯馬迪山。
東部嘅山脈沿住南北或者東北-西南路徑延仲，而最高嘅山脈成為咗馬來西亞同印尼之間嘅邊界。山上有好多鋸齒狀嘅石灰岩峰[5]。喺沙巴州嘅Trus Madi山脈，係安置特魯斯馬迪山（Mount Trus Madi）所在。沙巴州嘅邦巴萊山係馬來西亞唯一一座活火山。
馬來西亞半島有無數山脈，沿住半島由北向南平行伸展[5]。主要山脈係蒂迪旺沙山脈，佢將半島分為東海岸同西海岸[6]。半島第二高峰可布山都喺嗰度。呢啲山脈係茂密嘅森林，主要由花崗石組成。山脈範圍係馬來西亞半島一啲河流系統嘅發源地[7]。呢個山脈東面係冕登山脈[8]。馬來西亞半島最高峰係大漢山，佢喺Tahan 山脈入面。
洞穴 編輯
喺東馬姆祿山國家公園嘅Mulu Caves係全球最大嘅洞穴。佢哋喺Penambo range同汶萊之間，形成咗一個主要遊客景點。喺700米（2,297英尺）長同 70米（230英尺）高嘅沙撈越洞廳係全球最大嘅洞廳。其他出名嘅洞穴包括1.6公里（1英里） 鹿洞同Lang's Cave[5]。
島嶼 編輯
馬來西亞擁有無數嘅島嶼，最大係沙巴嘅邦耳島，佢面積有440.7平方公里（170平方英里）[9]。第二大係沙撈越嘅Betruit Island，之後係吉打嘅浮羅交怡以及檳城州嘅檳島。同第二啲國家分享土地最大島嶼係婆羅洲，其次係石巴迪島。另外，馬來西亞喺珊瑚礁分佈範圍入面[10]。珊瑚礁通常可以喺島嶼附近揾到，例如西巴丹島、拉央拉央島同理熱浪島[未記出處或冇根據]。西巴丹島係一座海底山，亦係馬來西亞唯一一個海島[11]。
氣候 編輯
.PNG)
沿海地區仲會受到西南季風同東北季風嘅交替影響。
氣温分佈 編輯
作為靠近赤道嘅國家，馬來西亞全年氣溫幾乎無咩大落差。除咗馬來西亞半島東海岸同沙巴嘅北部同東北部以外，全年溫度差距少過2°C。喺北半球冬天東北季候風期間，沙巴嘅北部同東北部有時亦會受到西伯利亞吹過嚟嘅冬季季候風所影響。不過，年溫度普遍唔會有多過3°C嘅變化。
每日氣溫變化都幾大，沿海地區變化大約係5°C至10°C，內陸地區大約係8°C到12°C，但係從未遇到過好似熱帶地區咁高溫。即使日頭通常好熱，但係除咗西南季風之外，其他空曠地方夜晚都好涼爽，西南季風夜晚就相對較熱。
即使季節性同局部溫度變化相對較少，但係喺某啲情況入面可能有未知之數。對於馬來西亞半島嚟講，東北季風期間溫度變化明顯，特別喺馬來西亞半島東海岸、沙巴州嘅北部同東北部。但係喺沙撈越州，睇唔出有明顯嘅溫度變化。4月同5月嘅平均氣溫最高，而12月同1月嘅平均氣溫最低。
喺東北季候風影響期間，瓜拉登嘉樓一常日頭溫度好少高過32°C，如果落大雨，通常唔會去到27°C；而喺沙巴州嘅山打根，喺雨季嘅東北季候風期間，即使無落雨，12月至2月嘅每日最高溫度亦好少去到31°C或者以上，同時嗰幾個月嘅最低溫度有時更加會跌到落介乎22°C至24°C之間。夜晚平均溫度通常維持喺21°C至24°C之間。較涼爽嘅夜晚通常隨後係較炎熱嘅日子。
降雨分佈 編輯
季節嘅風向同當地地形嘅特質決定咗馬來西亞降雨分佈嘅型態。東北季候風，暴露嘅地區，例如馬來西亞半島東海岸、沙撈越西部同沙巴東北海岸，會經歷幾個暴雨期。相反，內陸地區或者山區就相對唔受呢種天氣情況所影響。
馬來西亞半島季節性降雨變化 編輯
馬來西亞半島嘅季節性降雨變化可以分為3種主要類型：
- 對於馬來西亞半島東海岸嘅州屬嚟講，11月至1月係降雨量最多嘅月份，而6月同7月係降雨量最少嘅月份。
- 馬來西亞半島西南海岸嘅降雨模式顯示咗兩個最大降雨期同兩個最少降雨期之間嘅間隔。第一個最大降雨期通常發生喺10月至11月之間，而第二個最大降雨期發生喺4月至5月。
- 馬來西亞半島西南海岸10月至11月係降雨量最多嘅月份，而2月係降雨量最少嘅月份。
沙巴同沙撈越季節性降雨量變化 編輯
- 喺沙撈越嘅沿海地區，最少降雨量通常喺6月或者7月，而沙巴嘅東北沿海地區，最少降雨量通常喺4月。喺呢個規則入面，大部分降雨都係喺東北季候風月份（即係12月至3月）帶嚟嘅。而沙撈越西部地區嘅全年降雨量更加超過全年日數嘅一半。
- 沙撈越內陸地區全年降雨量相對平均分佈。即使係咁，受西南季候風所影響，6月至8月嘅降雨量亦會相對較少。相對另外嘅係，馬來西亞最大全年降雨量係喺沙撈越內部嘅山坡上。隆阿卡全年平均降雨量超過5,000毫米。
- 沙巴州嘅西北海岸經歷兩個最大同兩個最少降雨模式。主要最大降雨喺10月同6月發生。最少主要發生喺2月同8月。
- 沙巴州嘅中部，嗰度多山同有山脈遮蔽，降雨量同其他地區相比較少，而且分佈相對平均。2月同8月比較少雨，而5月同10月比較多雨。
- 沙巴州南部嘅降雨分佈比較平均。同其他月份相比，2月至4月係一個相對乾嘅時期。
風 編輯
即使馬來西亞嘅風通常比較微弱，同埋會有唔同方向，但係風型會有周期性嘅變化。根據呢啲變化，大概可以分做4個季節，包括西南季候風、東北季風同兩個較短嘅季候風過渡季節。
西南季風通常喺5月下半月至6月初開始，喺9月下旬結束。西南地區普遍風速較弱，即係低過15節。
東北季候風通常喺11月初開始，大約3月結束。喺呢個季節入面，盛行嘅風係由東面或者東北面吹過嚟，風速大約喺10至20節之間。當中，馬來西亞半島東海岸嘅各個州屬同埋沙巴州北部同東北海岸受風速影響最大，風速可以去到30節，或者喺西伯利亞吹過嚟嘅陣強風（冬季陣風）風速會更加大。
喺季候風過渡季節，風速通常比較微弱，方向可變。喺兩個季節入面，赤道低谷都橫跨馬來西亞。
喺4月至11月期間，颱風成日喺西太平洋形成並向西橫越菲律賓，嗰段時間，沙巴同沙撈越西北沿海地區嘅西南風會變強，甚至可以去到20節或以上。
作為一個畀海洋包圍嘅國家，海風同陸地風對陣風模式嘅影響好大，尤其係喺陰天同埋陽光普照嘅下晝，成日會有速度喺10到15節之間嘅海風，呢啲風可以去到內陸幾十公里。
濕度 編輯
馬來西亞整體濕度好高，平均每月相對濕度維持喺10％至90％之間，會隨住地點同月份唔同而有變化。
喺馬來西亞半島，最低相對濕度通常喺1月同2月，除咗東海岸嘅吉蘭丹州同登嘉樓州，最低相對濕度喺3月。最高相對濕度通常喺11月。
同溫度一樣，相對濕度喺每日嘅變化大過全年變化。喺相對較乾嘅月份，每日最低平均濕度可以低至42％，而喺較潮濕嘅月份，每日最低濕度都可以高達70％。半島地區西北部各個州屬，即係吉打州同埋玻璃市以及東馬嘅沙巴北部，平均每日嘅相對濕度變化比較大。
照射率 編輯
由於馬來西亞係一個喺赤道附近嘅國家，自然會吸收大量陽光光線。但係，除咗較乾嘅季節期間，好少成日都無雲層覆蓋。雲層可以減少日頭光線含量，從而減少日照率。馬來西亞平均每日接受6個鐘嘅陽光照射。
但係，唔同季節同埋地點亦有唔同，太陽光線接收量亦有唔同。例如，亞羅士打同哥打巴魯每日大約接受7個鐘嘅日照，而古晉喺1月更加平均每日只有3.7個鐘。另外，亞羅士打喺同一個月平均每日獲得嘅最大值有8.7個鐘。
蒸發率 編輯
喺所有影響蒸發速率嘅因素入面，陰天同溫度係兩個最主要嘅互相關聯因素。陰天意味住太陽光線照射率低，缺乏光線會導致溫度降低。根據蒸發數據進行嘅測試表明，陰天或者多雨、潮濕月份嘅蒸發率較低，而比較乾嘅月份係蒸發率較高嘅月份。柔佛州士乃嘅監測站係地勢比較低嘅監測站之一，當中11月全日平均蒸發率係最低，有2.6毫米。而4月喺亞庇嘅全日平均蒸發量最高，有6.0毫米。
對於金馬侖高原、雲頂高原、福隆港、太平山等高地地區，溫度同蒸發率亦相對較低，低地地區每日嘅平均蒸發量有4毫米至5毫米。但係，金馬侖高原每日嘅蒸發率只有2.5毫米左右。
森林 編輯
馬來西亞嘅森林可以歸類為熱帶雨林。馬來西亞大約58.2％嘅土地畀森林覆蓋。有大量低地森林低過海拔 760米（2,493英尺）[8]。東馬同婆羅洲其他部分，以前畀婆羅洲低地熱帶雨林所覆蓋[12]。有超過2000種樹品種 [5]。但係，佢哋好多已被清除[12]，主要因為喺1960年代開始以嚟伐木量同輪耕數量有所增加。沙撈越有超過80％嘅森林被砍伐，成個東馬嘅伐木污染咗水路、加劇咗水土流失同埋破壞咗農業[5]。部分州政府依家已經採取咗措施制止熱帶雨林嘅降級[12]。
馬來西亞嘅熱帶雨林有多種類型，主要係龍腦香科、樹沼同埋紅樹林。主要森林係龍腦香科森林[12]。龍腦香料物種集中喺馬來西亞[13]。馬來西亞有超過1,425平方公里（550平方英里） 紅樹林[8]。有啲區域被劃定為森林保護區、州公園或者國家公園。呢啲保護區由Department of Wildlife and National Park、the Forest Department of Sarawak、the Sabah Forestry Department, Sabah Foundation同埋沙巴公園所管理。截至2000年，一共有兩個世界遺產喺自然類別之下：京那巴魯國家公園同埋姆祿山國家公園。
生態區 編輯
馬來西亞半島有Peninsular Malaysian rain forests、Peninsular Malaysian montane rain forests、Peninsular Malaysian peat swamp forests同埋Tenasserim-South Thailand semi-evergreen rain forests。
東馬有婆羅洲低地熱帶雨林、Borneo montane rain forests、Borneo peat swamp forests、Southwest Borneo freshwater swamp forests同埋Sundaland heath forests[14]。
馬來西亞半島西海岸有Myanmar Coast mangroves。印度支那紅樹林邊緣住馬來西亞半島嘅東海岸。Sunda Shelf mangroves喺婆羅洲嘅岸邊。
地質 編輯
水體 編輯
喺馬來西亞半島同東馬之間嘅南中國海，係馬來西亞範圍最大嘅水體。對住馬來西亞半島嘅西海岸一直去到半島嘅南部係馬六甲海峽，而北部係安達曼海。馬六甲海峽喺蘇門答臘同馬來西亞半島之間，佢係世界上最重要嘅船隻航道之一[15]。以上提及嗰啲海係印度洋嘅邊緣海[未記出處或冇根據]。
馬來西亞半島嘅東海岸東面係南中國海[5]，而北部一小部分屬於泰國灣。呢啲海形成咗太平洋邊緣海嘅一部分。馬來西亞半島南部嘅柔佛海峽係海上嘅馬來西亞-新加坡邊界[未記出處或冇根據]。喺東馬，沙巴同沙撈越嘅西海岸對住南中國海。沙巴嘅東北海岸對住蘇祿海，而沙巴嘅東南海岸對住西里伯斯海[5]。
馬來西亞聲稱佢哋水域有12 nm (22公里（14英里）)[16]，一直延伸去到珊瑚三角區[17]。同時，亦有334,671 km2（129,217 sq mi）根據距離沿海基線200米（656英尺）海里嘅專屬經濟區。同時，亦聲稱200米（656英尺）深嘅大陸架或者喺勘探深度範圍內嘅南中國海被叫做巽他古陸[18][同來源不符]。馬來西亞聯邦亦聲稱，根據喺1970年簽署嘅印尼及馬來西亞之間有關確定馬六甲海峽邊界領海線條約（Treaty Between the Republic of Indonesia and Malaysia on Determination of Boundary Lines of Territorial Waters of the two Nations at the Strait of Malacca），馬六甲海峽係馬來西亞同印尼一齊共用[19]。
湖 編輯
彭亨州嘅百樂湖係馬來西亞其中一個最大嘅湖，計埋珍尼湖一齊係馬來西亞唯一兩個嘅天然湖。柏魯湖係一個12公里（7英里）長嘅湖，佢離馬泰邊境大約5公里（3英里），肯逸湖係東南亞最大嘅人工湖。
河流 編輯
馬來西亞有好多河流系統。沙撈越嘅拉讓江係馬來西亞最長嘅河流，全長760公里（472英里）。第二長嘅河流係沙巴州嘅京那巴當岸河，全長560公里（348英里）。馬來西亞半島最長嘅河流係彭亨河，全長435公里（270英里）。
自然災害 編輯
馬來西亞嘅地理位置保護咗大馬免受主要重大自然災害所影響。馬來西亞喺穩定嘅板塊度，所以可以減低地震同火山帶嚟嘅直接風險，同時亦畀周邊嘅陸地保護，可以部分避免畀海嘯沖擊，另外，馬來西亞亦係熱帶氣旋罕見嘅目標。但係，馬來西亞嘅熱帶氣候令到大馬面臨洪水、山泥傾瀉同長時間乾旱嘅風險。全球氣候變化可能會加劇東南亞嘅極端天氣事件，從而加劇馬來西亞嘅經濟、政治同社會風險[20]。
暴風雨同洪水 編輯
馬來西亞擁有189條河流域，全年平均降雨量超過2000-4000毫米，容易引發生河流、泥濘嘅洪水，由幾個鐘嘅食水洪水到長時間喺主要河流同支流附近嘅平地同低窪地區洪水。喺1926年以嚟，馬來西亞發生咗15次大型水災事件。呢幾十年嚟，洪水一直係最關注嘅問題。由於喺河流集水區嘅急速發展，導致咗增加河水徑流同地面逕流流量增加、河流入面嘅沉積物亦有所增加以及河流沿岸有頻繁侵蝕。當中，2006年同2007年洪水事件喺柔佛州造成咗15億令吉損失、18個人死咗、110,000人要臨時流離失所[21]。
由於靠近赤道導致Coriolis力弱，熱帶氣旋喺馬來西亞國係好罕見，即使大馬好接近活躍嘅西北太平洋熱帶氣旋 basin。由記錄開始以嚟，唯一對馬來西亞造成重大影響嘅熱帶氣旋係2001年嘅熱帶風暴畫眉。
地震活動 編輯
馬來西亞喺好大程度上係穩定，無咩地震，只有好少現代火山活動歷史，完全喺巽他板塊上面，喺澳洲板塊同歐亞板塊兩個主要板塊邊界之間。其中，澳洲板塊同歐亞板塊喺馬來西亞半島西面，菲律賓板塊同歐亞板塊喺馬來西亞婆羅洲。馬來西亞半島更加有機會有嚟自印尼蘇門答臘島嶼附近地震引起嘅輕微震顫，呢啲地震主要由蘇門答臘斷層同Sunda megathrust造成[22]。但係，喺1922年1月31號同1922年2月7號嘅馬來亞同新加坡大部分地區都感受到兩次非蘇門答臘發源嘅罕見地震[23]。婆羅洲州屬，特別係沙巴州，處於中程度嘅 板塊間地震同埋板塊內地震，因為佢接近活躍嘅板塊活動，沿住環太平洋火山帶，沙巴州有紀錄以嚟發生嘅地震有1976年嘅沙巴地震同埋2015年嘅沙巴地震，喺平均6.0嘅Mw[24]。同新加坡一樣，由於機械共振所影響，喺馬來西亞人口稠密嘅市中心摩天大廈上面，震顫嘅影響亦會更加明顯。喺沙巴州東部邊嘅邦巴萊山係依家馬來西亞唯一一座已知嘅火山，上一次爆發已經係喺大約10,000年前。
自從2004年印度洋大地震以嚟，啲人開始對海嘯對馬來西亞嘅風險興趣有所提高。即使馬來西亞半島嘅西海岸畀印尼蘇門答臘大部分作為緩沖區所保護，免受海嘯波浪嘅完全影響，但係相對較弱嘅偏斜海嘯波浪亦會導致馬來西亞半島西北海岸造成破壞、傷亡同財物損失，影響嘅沿海地區包括玻璃市、吉打州、檳城同霹靂。呢場災難仲凸顯咗進一步海嘯帶嚟嘅風險，呢啲海嘯可能喺南中國海附近由海底斷層引起，直接沖擊海岸[25]。
天然資源 編輯
礦物同石油 編輯
馬來西亞生產石油，係淨出口國[26]。馬來西亞亦製造液化天然氣以及其他相關產品，大部喺登嘉樓、沙巴同埋沙撈越沿岸揾到。其他出名嘅天然資源包括錫、木材、銅、鐵、礦石同埋鋁土礦。
喺1980年代成個行業崩潰之前，馬來西亞係錫最大嘅出口國。錫礦可以喺雪蘭莪州、霹靂州近打縣嘅近打山谷、彭亨州同柔佛州揾到 [27]。同時，亦有重要嘅金礦喺彭亨州勞勿同埋瓜拉立卑小鎮以及吉蘭丹州嘅話望生縣[28]。
林業 編輯
馬來西亞尤其係東馬廣闊嘅森林入面可以揾到木材。馬來西亞2007年木材同其他木材產品嘅出口總額有234億令吉[29]。
土地運用 編輯
馬來西亞好多土地用嚟做棕櫚油種植場、橡膠種植場同稻田。馬來西亞係世界上最大嘅棕櫚油出口國，2007年生產咗1580萬噸嘅棕櫚油原油[26][29]。馬來西亞亦係橡膠同其他橡膠產品其中一個最大嘅生產國同出口國之一[30]。
截至2011年，馬來西亞嘅可耕地百分比為5.44％。農田佔17.49％，而其他土地用途佔77.07％[31]。截至2009年，灌溉土地覆蓋面積有 3,800 km²。截至2011年，可再生水資源總量為580立方公里。
人文地理 編輯
馬來西亞半島人口比東馬來西亞多，其中79.2％人口住喺馬來西亞半島。 喺2002年，59％馬來西亞人口住喺市區，其餘人口居住喺鄉村地區[32]。最大城市係吉隆坡，人口有189萬，計埋大都市區巴生谷人口大約有700萬人。其他大型城市包括喬治市、怡保、 新山、古晉同埋亞庇。大型港口主要集中喺半島西面，人口稠密嘅地區，其中喺巴生谷區域嘅巴生港係全馬最繁忙嘅港口，2019年更加係全球第12繁忙嘅港口。
邊界分爭 編輯
馬來西亞嘅陸地邊界劃分得好清晰。馬來西亞同泰國嘅邊界喺1909年設立，當時暹羅將吉打、吉蘭丹、玻璃市同登嘉樓割讓畀英國。馬來西亞同汶萊之間有海上邊界爭議，當中汶萊聲稱沙撈越林夢，經過咗20年嘅談判，兩國終於喺2009年3月16號通過交換信件解決咗呢一個問題[33]。
馬來西亞同印尼亦有一啲重疊嘅海域主張，特別係沙巴附近地區。為咗解決呢啲主張進行咗一系列會議（截至2010年9月）達成咗16項邊境協定[34][35]。馬來西亞同新加坡亦有一啲關注海上邊界嘅分爭[36]。
菲律賓終止咗佢哋聲稱對沙巴州東部嘅領土主權[36]。馬來西亞亦捲入涉及越南、汶萊、中華人民共和國、菲律賓同中華民國（台灣）就喺南中國海嘅南沙群島嘅紛爭[36]。
睇埋 編輯
參考 編輯
- ↑ "Asia's southernmost tip". Travel Times. 3 July 2007. 原著喺3 July 2007歸檔. 喺26 October 2010搵到.
- ↑ Sager Ahmad (22 August 2003). "Tanjung Piai, The End of Asia". Travel Times. 原著喺22 August 2003歸檔. 喺26 October 2010搵到.
- ↑ Simon Richmond (2010). Malaysia, Singapore & Brunei. Lonely Planet. ISBN 978-1-74104-887-2.
- ↑ "Mount Kinabalu – revered abode of the dead". Ecologyasia.com. 喺17 September 2010搵到.
- ↑ 5.0 5.1 5.2 5.3 5.4 5.5 5.6 引用錯誤 無效嘅
<ref>標籤；無文字提供畀叫做Marshall嘅參照 - ↑ Alan M. Stevens (2004). A comprehensive Indonesian-English Dictionary. PT Mizan Publika. ISBN 978-979-433-387-7.
- ↑ "Main Range (mountains, Malaysia)". Encyclopædia Britannica. 喺1 October 2010搵到.
- ↑ 8.0 8.1 8.2 8.3 引用錯誤 無效嘅
<ref>標籤；無文字提供畀叫做Swee-Hock嘅參照 - ↑ Mohd Huzaifah Muntalip (16 May 2011). "Top 5 Largest Islands in Malaysia". Akademi Fantasia Travel. 原著喺2021年2月25號歸檔. 喺2 September 2016搵到.
- ↑ "Coral reef image". NASA. 原著喺5 August 2008歸檔. 喺31 July 2008搵到.
- ↑ "Go: A diver's paradise". New Straits Times. 1 12月 2010. 原著喺22 June 2011歸檔. 喺15 December 2010搵到.
- ↑ 12.0 12.1 12.2 12.3 "The Malaysian Rainforest". Wwf.org.my. 喺1 October 2010搵到.
- ↑ Terrestrial ecoregions of the Indo-Pacific: a conservation assessment by Eric D. Wikramanayake, pg 93
- ↑ Wikramanayake, Eric; Eric Dinerstein; Colby J. Loucks; et al. (2002). Terrestrial Ecoregions of the Indo-Pacific: a Conservation Assessment. Washington, DC: Island Press.
- ↑ Andrew Marshall (31 July 2006). "Waterway To the World - Summer Journey". Time. 原著喺2006年9月1號歸檔. 喺28 October 2010搵到.
- ↑ "Malaysia Maritime claims - Geography". www.indexmundi.com. 喺2018-01-29搵到.
- ↑ "WWF – Coral Triangle". Wwf.panda.org. 喺14 September 2010搵到.
- ↑ "Maritime Claims". CIA The World Factbook. 原著喺2012年11月19號歸檔. 喺31 July 2008搵到.
- ↑ "Indonesia-Malaysia Territorial Sea Boundary" (PDF). The Geographer, Department of State, USA. 喺31 July 2008搵到.
- ↑ Overland, Indra et al. (2017) Impact of Climate Change on ASEAN International Affairs: Risk and Opportunity Multiplier, Norwegian Institute of International Affairs (NUPI) and Myanmar Institute of International and Strategic Studies (MISIS).
- ↑ "Flood and Drought Management in Malaysia". Ministry of Natural Resources and Environment Malaysia. 21 June 2007. 原著喺10 September 2008歸檔. 喺1 August 2008搵到.
- ↑ "Keseismikan Malaysia" (馬來文). Meteorological Department of Malaysia. 原著喺24 June 2008歸檔. 喺30 July 2008搵到.
- ↑ Martin, Stacey Servito; Wang, Yu; Muzli, Muzli; Wei, Shengji (2020-05-27). "The 1922 Peninsula Malaysia Earthquakes: Rare Intraplate Seismicity within the Sundaland Block in Southeast Asia". Seismological Research Letters (英文). doi:10.1785/0220200052. ISSN 0895-0695.
- ↑ "Recent Earthquake Near Sabah, Malaysia". earthquaketrack.com. 喺16 July 2015搵到.
- ↑ Dr Salleh Buang (26 4月 2006). "Dealing with a restless planet". New Straits Times. 原著喺22 8月 2006歸檔. 喺31 7月 2008搵到.
- ↑ 26.0 26.1 "Malaysia export growth slows to 16.9%". International Herald Tribune. 4 January 2005. 喺30 July 2008搵到.
- ↑ "Tin Mine Operators in Malaysia". Geoscience and Minerals Department of Malaysia. 原著喺10 November 2008歸檔. 喺4 August 2008搵到.
- ↑ "Gold Mine Operator in Malaysia". Minerals and Geoscience Department of Malaysia.
- ↑ 29.0 29.1 "Key Statistics of Malaysia". Department of Statistics Malaysia. 原著喺23 March 2008歸檔. 喺30 July 2008搵到.
- ↑ "Malaysia Chemical Reports 2008". Business Monitor International. 原著喺29 April 2008歸檔. 喺31 July 2008搵到.
- ↑ "Environment at a Glance 2004: Malaysia" (PDF). World Bank. 喺31 July 2008搵到.
- ↑ "FACT Sheet Malaysia: Rural Women in the Malaysian Economy". Food and Agriculture Organization for the United Nations. 喺30 July 2008搵到.
- ↑ "Border Issues Between Malaysia, Brunei Solved: Official". CRIENGLISH.com. Xinhua News Agency. 原著喺2016年9月21號歸檔. 喺6 September 2010搵到.
- ↑ "Indonesia, Malaysia to discuss border issues in September". Xinhua News Agency. 喺6 September 2010搵到.
- ↑ "Malaysia, Indonesia ministers meet to soothe tensions". Channel NewsAsia. 原著喺2012年10月21號歸檔. 喺6 September 2010搵到.
- ↑ 36.0 36.1 36.2 CIA. The World Fact Book: Malaysia. Retrieved 4 April 2019.
