干諾道中
香港道路
干諾道中（英文：Connaught Road Central），係香港一道，喺香港島中環一帶，原本喺填地海邊，後尾再填海，就變內陸。佢向上環伸延，叫干諾道西。干諾道中與干諾道西，合稱干諾道。
干諾道中近租庇利街交界以西起咗條行車天橋，叫林士街天橋；橫跨畢打街路口就起咗條地底行車隧道，叫畢打街隧道。干諾道中部份路段舊時係4號幹線一部份，直到2019年中環及灣仔繞道通車後畀佢取代。
名 編輯
干諾道以干諾公爵命名。干諾公爵係當時太子，當時由印度返英京倫敦，順道訪港。佢主持填海典禮。《香港雜記》有講「一千八百九十年⋯⋯三月卅一號，英國太子偕夫人，由印度囘京順道遊港⋯⋯適是時塡海舉行，四月二號，太子親爲之下石，猶有天子親耕，皇后親蠶遣意。於是車君打起而言，曰：『港人久慕太子恩威，今者有勞貴手，他日者履道坦坦，當名以太子之名，不忘其始。』」