林士街天橋
香港道路
林士街天橋（Rumsey Street Flyover），又叫干諾道中天橋（Connaught Road Central Flyover），係香港一條行車天橋，喺香港島上環一帶，喺正干諾道中近租庇利街交界以西一段嘅頂頭，橫跨林士街呢個主要路口，接駁干諾道西天橋。呢條天橋係4號幹線其中一段。
名
編輯林士街天橋因為經過上環信德中心，小巴界俗稱做「信德橋」。
史
編輯1980年代，為咗疏導中環日益擠塞嘅交通，政府由1986年開始起林士街天橋，1990年1月啟用。到1990年代後期，配合中環填海工程，林士街天橋東行增設咗民寶街出口，通去當時搬到新填海區嘅中環碼頭一帶，同埋第時中環及灣仔繞道入口。
為咗配合中環灣仔繞道西行接駁干諾道西天橋嘅工程，林士街天橋東行通去干諾道中嘅一段已經響2019年1月20號繞道通車後停用同拆走，東行車輛要改行民寶街出口離開林士街天橋。