廣州「城市原點」標誌

廣州「城市原點」標誌嘅地面標記

 廣州「城市原點」標誌（粵拼：gwong2 zau1 sing4 si5 jyun4 dim2 biu1 zi3） 係中國廣東省廣州市嘅一個標記性建築，喺越秀區嘅人民公園南門嘅動漫星城門口（公園前站I出入口同F出入口之間）附近之間嘅位嗰度。呢度之所以出名，係因為喺2004年之前重未開發珠江新城同海珠區嘅廣州大道南東邊附近嗰時，攞過「廣州城市中軸線」嘅稱號。呢度重係證明廣州市嘅一個傳統文化嘅地區。

史

其實呢嚿嘢喺2005年3月份由廣州市城市規劃勘測設計研究院開始負責搞設計方案，跟住到咗2010年初，越秀區人民政府嘅廣衛街辦事處嚟負責出咗差唔多350萬蚊嚟喐手起呢嚿嘢，而工程喺2010年8月份先至搞掂，到咗2010年10月21號就正式開咗畀人睇。

主要證明對象

佢唔單止主要證明廣州市嘅文化、行政同商業、區域交通嘅聚集位，重可以將原點當成個城市座標原點、主要建築、名勝古跡等，用座標嚟記低佢喺邊度同離佢有幾遠，重有佢所在嘅地理海拔高低。

風格同曬士

一個圓餅環形，直徑3米，表面稍微凸咗大概15cm，而出面嗰個圓係用咗黑金剛砂嘅花崗岩嚟整，入面嘅園喺用咗精銅嚟整，有2cm咁厚，重量可以去到3t。佢嘅設計相係用咗西漢南越王墓入面出咗土嘅「龍鳳紋重環玉珮」同埋喺銅尊嗰度嘅「羽人駕尊」浮雕出嚟，而呢個浮雕嘅相係啱好有明顯嘅嶺南民族文化特徵。喺標誌嗰度重劃咗廣州城市原點嘅地理座標、高度、舉例同埋幾時起好嘅嘢。而原點嘅標誌重整咗可以俾乜人踩嘅嘢。

喺原點標誌嘅東邊重整咗嚿廣州古城十八門嘅沙盤雕塑響度，佢以1：1500嘅比例嚟還原咗清朝嗰時，廣州城嘅樣出嚟。

攷

• 广州城市原点8月底人民公园亮相 广州市越秀区信息网
• “城市原点”——渐渐觉醒的城市标识 彰显城市精神与文化品牌 中国文明网（四川）