開主選單
珠江新城入面嘅花城廣場,由黃埔大道西開始一直去到廣州塔嗰邊。(左邊嗰張係白天,右邊嗰張係晚黑。)

珠江新城粵拼zyu1 gong1 san1 sing4英文Zhujiang New Town),又可以嗌珠江新城中央商務區zyu1 gong1 san1 sing4 zung1 joeng1 soeng1 mou6 keoi1Zhujiang New Town Central Business Area),喺中國廣東省廣州市天河區西邊,最東邊到華南快速幹線,最西邊到廣州大道中,最南邊到珠江邊,最北邊到黃埔大道西,其中廣州嘅新城市中軸線經過呢度。

呢個區同時都係中央承認嘅三個國家級嘅其中一個中央商務區,珠江新城更加係廣州中心商務區嘅組成部分,將來可以發展成為國際金融、貿易、商業、文娛、外事、行政同埋居住區[1]

目錄

發展經歷

其實呢個珠江新城,係從1990年開始發展行到依家啦。

1990年代初

由於受到中國大陸嘅改革開放政策影響,搞到廣州經濟發展得好快,其中城市嘅空間結構已經發生咗好大變化,結果一個新嘅商業同埋商務中心逐漸喺天河地區開始出現咗。加上嗰陣時廣州市政府話「東進」用埋「起國際化城市」嘅城市發展戰略,要大力發展第三產業。所以起一個全新嘅城市中心——「珠江新城」就係咁樣嚟喇[2]

1993年

廣州市政府同埋美國湯瑪斯設計公司一齊搞合作,寫咗篇珠江新城嘅第1版規劃方案,又可以嗌控制性詳細規劃方案。而呢個規劃就借鑒咗紐約曼克頓嘅發展模式:

1999年—2003年

喺1999年,廣州市政府話過,對珠江新城前期規劃同埋建設管理情況進行全面檢討,其中有睇埋規劃對地塊嘅指導作用同埋會遇到嘅問題而幫咗珠江新城規劃調整嘅契機成熟[3]。而呢次規劃調整呢,就係令珠江新城喺一定程度範圍入面成為周圍地區嘅商業同埋城市公共嘅生活中心 [3]。喺呢四年入面,廣州市政府分別委託同濟大學同埋廣州市城市規劃勘測設計研究院等呢啲專業機構對珠江新城嘅規劃進行改善咗,決定降低珠江新城的開放強度同埋容積率,增加政府推動嘅大型項目以促進初步嘅發展[3]。 呢次劃分重加咗兩個發展模式嘅地方就係:

  • 4. 主要係補充完善咗公共服務嘅設施,增加咗綠地面積,重適當調整埋城市嘅空間形態。
  • 5. 14個20——40公頃嘅規劃功能區(包括商務、行政辦公街區、高層居住街區、金融貿易街區、文化活動街區、商業購物街區等)。其中14個規劃功能區由東到西主要有以下呢幾個:
 
珠江新城地區地圖
    • 西區
      • A——商務辦公
      • E——商住區
      • I——商務辦公同埋商住綜合區
    • 中軸線區
      • B——入口廣場同埋金融辦公區
      • F——商貿辦公區同埋中央廣場
      • J——商務辦公區同埋文化廣場
    • 東1區
      • C、G、K——自然村址同村留商主用地。
    • 東2區
      • D——商務辦公同埋商住綜合區
      • H——別墅區同埋珠江公園
      • L——商住用地
    • 東3區
      • M——文化娛樂綜合區同埋賽馬場
      • N區——商住珠江新城同埋酒店區。

規劃發展成為集國際金融、貿易、商業、文娛、行政同埋居住等城市嘅一級功能設施喺埋一齊,推動國際文化交流同埋合作嘅基地。重有將來嘅珠江新城從居住社區或者係辦公大廈出嚟喺一個鐘內就可以到廣州入面嘅邊度都得喇,其中珠江新城嘅東西向交通主幹道係花城大道,重有地鐵3號線喺體育西路入去華夏路之後跨過珠江新城入去海珠區,向南同番禺區接埋一齊,喺花城大道同埋華夏路嘅十字路口入面起地鐵站。

到咗2003年,珠江新城嘅發展又出現咗好多問題,例如出現咗大量住宅同埋政府辦公樓、搞到商業嘅氛圍好差,所以2003年出版嘅《珠江新城規劃檢討》喺公共服務設施、交通建設等方面對珠江新城的規劃進行改善[2][4]。呢次規劃將大概400個細地皮整合成為270個大地皮,提供綠化水準,同時都升級埋公共交通,提出起一個由高架嘅人行天橋、地下隧道同埋地面商業街組成嘅步行系統,規劃好多條地鐵行過珠江新城嘅中心區[2]

2010年,廣州亞運會嘅推動

由於喺2004年嗰陣,廣州攞咗2010年亞運會嘅主辦權,搞到廣州嘅國際化水準猛咁喺度提升,而珠江新城嘅發展都全面開始喇。尤其係地下空間、APM同地面綠化專案嘅嘢就開始起喇,重有嘅係喺呢個發展嘅同一時間入面,金融、貿易同商業辦公嘅需求發展,越嚟越多嘅寫字樓都起啦[2]

地區面積

呢個地區嘅面積有6.44平方公里,核心地區大概1平方公里。其中:

  • 商建面積大概4500000平方米,規劃可以住到170000——180000居住人口,提供接近300000個就業崗位。

地標性建築

交通

睇埋

  1. 鳳凰網 (2011年12月12號). "星展银行进驻广州珠江新城 全国网点增至24家". 事件發生喺 15:15. 
  2. 2.0 2.1 2.2 2.3 "珠江新城規劃和發展回顧". 城市規劃. 第33卷. 2009年. 
  3. 3.0 3.1 3.2 "广州CBD与天河的互动发展". 城市问题 (第4期). 2004年. 
  4. "珠江新城規劃之痛:建了16年,CBD還是大工地". 時代週報. 2009-08-16. (原先內容喺2009-08-19歸檔). 喺2012-07-18搵到.