公園前站 (廣州)

公園前站（粵拼：gung1 jyun2 cin4 zaam6；英文：Gongyuanqian Station）係廣州地鐵1號綫同2號綫嘅轉車站，喺1999年6月28號開始營運，位置喺越秀區人民公園南邊地底，隔籬冇幾遠有間動漫星城。

公園前 Gongyuanqian
公園前站（2號綫）嘅站名
概覽
車站代碼	109 213
位置	越秀區嘅中央公園地下
座標	23°7′31.55″N 113°15′51.12″E
車站色	1號綫：　 2號綫：
經過路線	1 2
啟站	1號綫：1999年6月28號 2號綫：2002年12月29號
月台數	6
站口數	12
商店數目	8
營運資訊
車站服務時間	06:10～00:02
列車服務時間	06:15～23:57
廣州地鐵1號綫 西塱　◄西門口 （850m） （1.2km）農講所►　廣州東站
廣州地鐵2號綫 廣州南站　◄海珠廣場 （1.3km） （790m）紀念堂►　嘉禾望崗

佢既係廣州地鐵嘅歷史入面，最早開放嘅轉車站；又係成個廣州地鐵入面，最繁忙嘅車站，一連禮拜七日都有好多人上落；更加係1號綫同2號綫最多出入口嘅車站。

結構

樓層

呢個站一共有3層樓嘅地下區域，其中地下1樓係1號綫同埋2號綫嘅共用站廳，有票務設施，客務中心同商鋪；地下2樓係1號綫月台同埋2號綫嘅北站廳；地下3樓係2號綫月台。同大多數嘅1號綫同2號綫嘅車站一樣，冇廁所響度，但係休息室喺動漫星城G出入口附近，而母嬰室喺J出入口附近嘅2號綫南站廳範圍。

打掂

地面	-	出入口
地下 １樓	共用站廳	自動售票機、客務中心、車站商舖
	地下通道	五月花購物廣場地下2樓商城（E出入口嗰邊）、動漫星城
地下 ２樓	2號綫北站廳	自動售票機、客務中心
	側式月台（月台兩邊出站、中間轉2號綫）
	42月台	←1號綫列車去西門口站（行西塱嗰邊）
	島式月台 （上車）
	13月台	1號綫列車去農講所站（行廣州東站嗰邊）→
	側式月台（月台兩邊出站、中間轉2號綫）
地下 ３樓	側式月台（月台兩邊出站、中間轉1號綫）
	75月台	←2號綫列車去紀念堂站（行嘉禾望崗嗰邊）
	島式月台（上車）
	68月台	2號綫列車去海珠廣場站（行廣州南站嗰邊）→
	側式月台（月台兩邊出站、中間轉1號綫）

水平分佈

公園前站嘅西站廳（1號綫區域）	公園前站嘅1號綫嘅上車月台，喺2014年8月1號影。	柱上啲字（1號綫）
公園前站嘅北站廳（2號綫區域，喺動漫星城入面）	公園前站嘅2號綫嘅上車月台，喺2014年7月23號影。	柱上啲字（2號綫）

站廳

公園前站入面有2個站廳，分別喺地下一樓同地下二樓嘅動漫星城入面，而地下一樓係1號綫同2號綫南區嘅共用站廳，而地下二樓係2號綫嘅北站廳。而家為咗疏導啲客流同埋方便畀乘客出入站，所以收費區喺地下一樓嘅東、西、南邊同埋地下二樓嘅北邊，而且佢哋都冇連埋一齊，甚至四周圍俾人行通道同商舖圍住嗮，所以呢個站嘅商舖大多數都喺免費區入面。而收費區入面重整咗好多扶手電梯同樓梯、專用𨋢往返月臺都得，但係有部分專用𨋢係喺站廳嘅免費區入面，而且佢同月台連埋一齊嘅，所以乘客如估有需要嘅話，可以嗌車站嘅工作人員幫手，查咗車飛之後嚟用就得。

公園前站嘅站廳全景

地下１樓嘅部分站廳（喺2015年1月28號影）

地下２樓嘅站廳（喺2015年1月28號影）

月台

呢個站嘅1號綫月台喺1999年6月28號開始用，喺中山五路嘅地底；而2號綫月台喺2002年6月28號開始用，喺廣州起義路嘅地底；而兩個月台之間都有1個島式月台同2個側式月台，而2個側式月台都起喺島式月台嘅兩邊，用咗條路軌嚟隔開咗。呢種設計喺歐洲入面話係西班牙式月台佈局。

公園前站嘅月台全景

1號綫嘅上車月台（行廣州東站嗰邊，喺2015年1月8號影）

1號綫嘅落車月台（行西塱嗰邊，喺2017年11月21號影）

2號綫嘅上車月台（行嘉禾望崗嗰邊，喺2015年1月8號影）

2號綫嘅落車月台（行廣州南站嗰邊，喺2015年3月21號影）

佢重係成個廣州地鐵入面，唯一一條係用咗列車嘅兩邊車門嚟開門嘅車站。呢個站更加係中國大陸入面，第一個用呢個布局嘅車站。

商舖同自助服務

而家嘅公園前站入面有好多唔同類嘅鋪頭畀乘客買嘢同埋食嘢，好似有便利檔、麵包檔同洗衫舖、書店、手機檔等。而廣州地鐵整嘅唯一一間地鐵文化館喺呢個站地下1樓嘅最中間嗰度；而羊城通客户服務中心喺地下1樓嘅南站廳入面（差唔多J出入口嗰度）。

另外，公園前站入面重有好多自助服務設施畀乘客用，包括咗自動櫃員機、自動販賣機、自動影相機同羊城通充值機等；重有可以充羊城通、交水電費同交通嘅罰錢、查地鐵嘅路線、頭尾班車同埋地鐵嘅安全指引同畀乘客登記變成廣州地鐵薈嘅會員嚟查獎分、換獎品嘅服務。

商舖 鴻福堂 7-Eleven 羊城通客戶服務中心 家簡盛廚 天天洗衣 美心西餅 自然派 日閱堂 棉元素 中國聯通 地鐵文化館

自助服務 自動販賣機 自助影相機 中國建設銀行自動櫃員機 M-Touch地鐵資料查詢 好易（Hotye）多媒體自助服務終端

出入口

公園前站冚唪唥嘅出入口
I2出入口 I2出入口  J出入口附近 J出入口附近  B1同B2出入口 B1同B2出入口  A出入口 A出入口  D出入口 D出入口  E出入口附近 E出入口附近  F出入口（地底） F出入口（地底）  動漫星城西區專用出入口，呢度凈畀出唔畀入。 動漫星城西區專用出入口，呢度凈畀出唔畀入。  動漫星城東區專用出入口，呢度凈畀出唔畀入。 動漫星城東區專用出入口，呢度凈畀出唔畀入。

呢個站有12個出入口，分別係A、B、C、D、E、F、G、H、I1、I2、J，K。方便畀乘客去邊度都得。喺未實施「人過安全門、物過X光機、液體過檢測儀」嘅安檢制度之前，個個出入口往返邊度都得。自從2017年10月10號開始實施嚴格安檢之後，任何出入站啲乘客都要接受安檢（即使係過街到對面馬路或商場都要噉做）。期間凈得I1同I2兩個出入口之間毋須安檢通過，後嚟地鐵方考慮到往返五月花（E出入口）同動漫星城東地下門（F出入口）啲人流要成日喺咁近嘅商場都要接受安檢而減慢出入站效率關係，而喺兩個商場嘅出入口之間整咗條毋須安檢嘅通道嚟分流過街行商場啲人。而近F出入口嘅安檢設施位置，喺2018年夏初從五月花商場門口隔籬向後移到動漫星城東門（F出入口）隔籬；同年9月底又向後移咗8m。從2018年11月20號開始，地鐵方又整咗條毋須安檢嘅通道往返D、E、F三個出入口。2019年7月中旬，地鐵方考慮到將軍東電器城喺中旅商業城重新開幕嘅關係，將A同I1、I2三個出入口之間嘅通道連成毋須安檢範圍。不過喺2020年1月24號到2020年2月21號當日，受到新冠病毒影響，動漫星城、將軍東同五月花亦相繼停業，E、F、G、H、I1、K同東西區夾埋8個出入口亦同時閂檔，車站亦恢復返各個出入口入站必須要安檢嘅制度，不過同2017年10月10號當日啱實施嘅相比，多咗個監測體溫。

若果喺呢個站嘅A、I1、I2出入口免安檢通道範圍同D、E、F、G、H、K出入口免安檢通道範圍間當成過街通道兼毋須安檢通過嘅話，必須要入動漫星城嘅地下1樓廣場先至得。不過喺禮拜一到四淨限10:00～21:30，禮拜五到日淨限10:00～22:00開放。

另外，若果搭1號綫喺呢個站落車想直接去動漫星城嘅地下3樓商場範圍嘅話，必須要喺左門落車，跟住行樓梯落去2號綫月台範圍內偏北位置先至到。其中：

• 動漫星城西區入口——喺1號綫月台西邊條樓梯行落去，到2號綫月台範圍轉左先至搵到。
• 動漫星城東區入口——喺1號綫月台東邊條樓梯行落去，到2號綫月台範圍轉右先至搵到。

冧巴	標記	方位	去到邊度
出入口A	解放中路	西南偏西	解放中路、中山五路、中旅商業城
出入口B	廣州起義路	西南	廣州起義路、百匯廣場
出入口C	中山五路	東南	中山五路、北京路步行街
出入口D	教育路	東南偏東	教育路、西湖路、大佛寺、北京路步行街、百駿地鐵廣告有限公司、廣百百貨北京路總店、西湖路滔博運動城、天河城百貨北京路店、摩登百貨北京路店、中山五路巴士站
出入口E	廣大路	東	廣大路、廣仁路、中山四路、北京路步行街、廣仁大廈、五月花商業廣場、新大新百貨北京路店、廣百黃金珠寶大廈、中山五路巴士站
出入口F	吉祥路	東北偏東	吉祥路、廣衛路、府前路、人民公園、廣州市人民政府、珠江國際大廈、廣衛路巴士總站
出入口G	動漫星城	東北	動漫星城
出入口I1	動漫星城	西北	動漫星城
出入口I2	解放北路	西北偏西	解放北路、中山五路、連新路、廣州市人民政府、人民公園、六榕寺、廣東迎賓館、迎賓館巴士站
出入口J	廣州起義路	東南偏南	廣州起義路、廣州市公安局、廣州起義舊址紀念館、廣東華僑中學、起義路巴士站
出入口K	動漫星城	東北	動漫星城
註： 有盲人引導徑 | 有輪椅升降臺 | 出入口都喺同一層樓

頭尾班車信息同配線圖

配線圖
例 █ 1號綫 ▲　農講所站 1／2聯絡綫　◀ ▼　西門口站

配線圖
例 █ 2號綫 ▲　紀念堂站 ◀　1／2聯絡綫 ▼　海珠廣場站

行去邊頭	頭班車	尾班車
每日
1號綫
去西塱站	06:15	23:44
去廣州東站	06:10	23:10
2號綫
去廣州南站	06:16	23:37
去嘉禾望崗站	06:12	23:57
注意： 喺晚黑最後一班車開走之前嗰5分鐘之內， 係唔畀入閘坐車（包括埋買車飛）。

車站歷史

規劃

喺1988年嘅地鐵網規劃嘅初步方案入面，嗰時規劃凈係得2條地鐵綫，而且呢個站重係嗰時「十字線網」規劃入面，唯一一個轉車嘅車站。

施工

到咗1993年12月28號就開始郁手起1號綫。而呢個站喺設計1號綫同2號綫嗰陣，係直接起咗西班牙式月臺佈局嘅車站。佢喺起緊1號綫嗰陣留低咗轉車位嚟轉2號綫嘅。而2號綫嘅首通段喺1999年10月10正式開始逳手起，而工程就一直去到2002年底先至搞掂。

開通

1號綫時期（1999年6月28號～2002年12月27號）

喺1999年6月28號嘅1號綫通車之後，公園前站正式開放。嗰時凈係得1號綫開通嗰陣（1999年6月28號——2002年12月27號），由於車站凈係開咗中間嘅島式月台，所以嗰時列車停呢個站嗰陣，成日都開左邊棟門。

兩綫轉車車站，舊2號綫時期（2002年12月28號～2010年9月21號）

到咗2002年12月28號嘅2號綫首通段（三元里往返曉港）開放嗰陣，呢個站又開多咗一邊嘅牆，重用咗之前冇開到嘅兩邊側式月台。喺嗰時開始，車站就用咗地鐵列車兩邊開門嘅辦法嚟搞上落客重一直用到而家。

2號綫一分為二

喺2010年9月22號，由於舊嘅2號綫一分為二嘅關係，2號綫停運咗3日咁耐。而工程去到2010年9月25號先至重新開放返2號綫嘅月台畀人去坐車。

出入口

呢個站嘅出入口都好多下，以前喺凈得1號綫嗰陣，呢個站有8個出入口咁多，後嚟開咗2號綫嗰陣又多咗4個。

早期D出入口條通道用嘅係馬賽克牆面裝飾，附近都有廣告牌響度。

2018年10月7號，D出入口通道喺度搞緊翻新裝修工程。

裝好嗮焗漆牆面嗰時嘅D出入口通道

而D出入口入面連接地鐵站嘅站廳條通道裝飾方面，初期一直係淺黃色長方形馬賽克拼貼瓷磚，從2018年9月17號開始，原有嘅裝飾亦拆嗮兼逐步統一換成白色焗漆帶廣告燈箱嘅裝飾，直到同年10月25號先至裝好。

不過E、F、G、H、I1、K同地下三樓東西區夾埋8個出入口，試過喺2020年1月24號到2020年2月29號間受到武漢疫情一級響應，受到出入口附近所在嘅商舖停止營業嘅關係而全天候閂檔。

1號綫加裝月台幕門

喺2007年2月份，啱裝好咗幕門冇幾耐嘅1號綫月台。

喺2005年，地鐵公司為咗慳能源同防止乘客墮軌，所以就喺行緊嘅成條1號綫入面加裝月台幕門、半高式安全門，仲搞埋月台風道同埋管線改造工程。而呢個站嘅月台幕門方面，就喺2007年2月16號起好晒仲開始用埋。

利用狀況

呢個站係廣州市嘅地鐵入面，最繁忙嘅一個站。因為附近有間動漫星城、五月花商業廣場、廣百百貨、新大新百貨同埋北京路步行街響度，加上客流又多。附近重有個廣州市嘅政府辦公樓響度。重有嘅係喺農曆新年期間，呢個站成日都爆滿嘅（因為附近嘅西湖路同埋教育路有個花市響度）。重有，廣東華僑中學同埋廣州市第十三中學嘅學生仔都成日嚟呢個站坐車嘅。

轉車須知

如估地鐵嘅車到咗公園前站嘅話，喺落車之前嗰陣，請喺部車向前行緊嘅方向嘅右邊棟門落車。如估咁啱得咁橋唔好彩喺車站從左邊嘅門落咗車嘅話，就要跟住睇下點轉車（有3個辦法）：

通用（兩條線都啱用）

• 等下一班車嚟咗之後上車，重喺對面嘅門未閂之前即刻迅速噉行埋過去對面嘅門嗰度。

呢個辦法要嘥好長時間。因為下班車唔知要等幾耐，以前1號綫試過6分鐘一班車喇，加上2號綫試過區間因為突發事件導致停運都有。

限1號綫轉2號綫啱用

• 行過去有向下嘅樓梯地方落去：

  月臺東邊——去嘉禾望崗站。

  月臺西邊——去廣州南站。

雖然話轉車平台有字样寫話去唔到2號綫，但冇理佢，繼續照落去一樣都轉到。

• 出咗去站廳度先，再搵條寫住「换乘2号线」呢5個字嘅藍底白字箭咀指住嘅月台方向落去。

限2號綫轉1號綫啱用

行過去有向上嘅樓梯地方上去：

• 月臺南邊——去廣州東站。
• 月臺北邊——去西塱站。

因為2號綫出站上咗1層樓就係1號綫嘅月臺，站廳去唔到1號綫嘅上車區範圍。若果係高峰期，千祈冇俾工作人員發現。另外，2號綫月台有四條樓梯，千祈唔好行去最南或最北兩邊嗰條樓梯。因為：

• 2號綫月台最北邊嗰條樓梯——去到動漫新城東區同西區之間嘅商場入面，同1號綫月台唔連通。
• 2號綫月台最南邊嗰條樓梯——去到近住J出入口嗰邊個站廳，同1號綫收費區唔連通。

附近嘅建築同景區

動漫星城

大佛古寺

藥洲遺址

商場

• 動漫星城
• 五月花商業廣場
• 廣州百貨大廈
• 中旅商業城
• 新大新百貨
• 光明廣場
• 將軍東電器城

政府機構

• 廣州市人民政府
• 廣東省財政廳
• 廣州市公安局

酒店

• 廣州大廈
• 廣東迎賓館

寫字樓

• 珠江國際大廈

公園

• 中央公園

文物地區

• 廣州起義舊址紀念館
• 粵秀書院
• 藥洲遺址
• 大佛古寺

商業一條街

• 北京路步行街
• 陶街

學校

• 廣東華僑中學

文化牆

喺2014年4月10號，廣州地鐵入面嘅9個車站會添加「文化牆」嘅裝飾，當中就包括咗呢個站。而呢個站添加文化牆嘅理由係：呢度係廣州城區入面，最重要嘅城市文化中心站，佢重係喺廣州入面，本土性最強嘅地區。

註同攷

註

攷

上一站•下一站

上一站⇚⇚　　　　廣州地鐵　　　　⇛⇛下一站
西門口站 西塱站←	公園前站 1號綫	農講所站 →廣州東站
海珠廣場站 廣州南站←	公園前站 2號綫	紀念堂站 →嘉禾望崗站