廣州動物園

 廣州動物園（粵拼：gwong2 zau1 dung6 mat6 jyun4） 係中國廣東省廣州市嘅一間動物園，喺越秀區環市東路北邊，先烈中路東南邊、雲鶴街東邊同內環路西邊之間嘅蔴鷹崗地區。佢係中國三大動物園之一。

廣州動物園嘅北門

史

1912年，廣州嘅東堤一帶有間東園養咗一隻老虎、一隻獅子、一條鱷魚同幾隻馬騮。直到1928年，廣州市政府喺惠愛東路（今日嘅中山四路），城隍廟附近搞咗間永漢公園做動物園而將班動物搬埋過去，入面有60幾種動物。1950年，永漢公園改名做人民公園。1955年5月正式改名做廣州動物園。到咗1956年7月，廣州市人民政府徵咗先烈路地段嘅蔴鷹崗一帶做新嘅廣州動物園，喺1958年10月起好之後，將啲動物搬嗮過去，而惠愛東路嚿地改成兒童公園。

敘述

動物園用嘅係自然式嘅亞熱帶風光樹林，入面有一共5000幾隻450幾種唔同嘅動物，除咗中國內地有嘅大熊貓、華南虎、麋鹿、坡鹿、黑頸鶴等等……重有喺世界各大洲嚟嘅黑猩猩、長頸鹿、非洲象、河馬、斑馬、犀牛、黑天鵝等等嘅動物……重按昆蟲類、兩棲爬行類、鳥類，靈長類同貓科動物、食草動物嚟分類。重有中國內地最大嘅蝴蝶生態園同戶外觀賞魚展覽園，馴獸表演等。公園東邊有專門畀細路玩嘅逗趣園。

飛

公園入場要畀錢，￥20／人次。

附近嘅交通

• 地鐵：

  5號綫：動物園站

  6號綫：黃花崗站

• 巴士：

  動物園站、黃花崗站、動物園南門站

有關嘅書

• 广东玩全攻略 （广州篇 绿色部分第09号景区） 广西师范大学出版社　ISBN 978-7-5495-0379-7

出面網頁

• 廣州動物園嘅官方網站