廣州地鐵6號綫粵拼gwong2 zau1 dei6 tit3 luk6 hou6 sin3 ,第個名係蘿崗綫lo4 gong1 sin3沿江綫jyun4 gong1 sin3,係廣州第9條通車嘅地鐵路綫,由白雲區嘅金沙洲到新黃埔區嘅香雪牌坊附近。綫路代表色係紫紅色

廣州地鐵6號綫
概覽
營運地區 中國 中國廣東廣州
服務類 城市軌道交通
線路類 加密綫
線路長 41.7km
車站總數 32
軌道標準 1435mm
列車偏組 4節編組L型列車
營運資訊
營運時期 2013年12月28號~而家
營運單位 廣州市地鐵集團有限公司
乘客量 1,020,000 (2017.9.30統計)

歷史 編輯

規劃 編輯

1997年,廣州市政府發佈咗《廣州市城市快速軌道交通綫網規劃研究(最終報告)》,入面嘅7號綫西起佛山嘅三眼橋火車站,過咗石圍塘之後下穿珠江,沿著珠江北岸行進,經過黃沙、海珠廣場同越秀南客運站後就兜去北邊,喺烈士陵園站1號綫轉車,之後穿過烈士陵園,跟住先烈路向東北行穿過廣州大道北興華路之後跟住廣汕公路行,去到高塘石為止。

喺2003年嘅方案入面,條綫正式改名做6號綫,重改咗啲:西邊過咗黃沙之後唔過石圍塘,而係去舊時嘅廣州南站,之後過江上大坦沙,行到沙頭頂,再兜向西邊過珠江去到金沙洲,到咗環城高速就轉向北,喺潯峰崗站搞終點;而中間嗰橛就改成下穿東山湖公園再兜向北邊,喺東山口站1號綫接駁。後嚟沙貝站到潯峰崗站呢橛俾拗直咗,依家嘅6號綫首期基本成型。

6號綫分咗兩期起,其中潯峰崗站長湴站係6號綫首期,而長湴站到高塘石站係二期。首期喺2005年動工。

後嚟為咗照顧埋蘿崗區(依家屬黃埔區),6號綫二期繼續延伸,從高塘石站開始,喺黃陂轉向東南,跟住開創大道新敷設,經過廣州科學城嘅北邊,去到蘿崗嘅香雪牌坊附近為止。

有關部門諗過等6號綫首期整條支綫出嚟,由東湖站開始,經過二沙島,去到赤崗塔站(而家嘅廣州塔站)為止,但之後又取消咗。而家呢段係規劃緊嘅12號綫嘅其中一橛。

6號綫西邊原嚟亦有計劃延伸去佛山嘅里水鎮,但後嚟改成咗等12號綫由槎頭過江去里水,而6號綫就唔延伸;依家又話要12號綫過嚟潯峰崗支援6號綫,等佛山8號綫(舊時嘅佛山6號綫)由里水過嚟接駁12號綫。

喺2015年3月,最新地鐵規劃入面話要用上植物園站嘅拆解預留,將地鐵6號綫嘅二期拆解出去,變成而家23號綫嘅一部分[1]。而6號綫就向北入龍眼洞一帶設新終點站同車輛段。

施工 編輯

一期 編輯

2005年6月28號,試驗段黃沙站正式開工,之後嘅工期用咗8年咁耐。因為六號綫行過嘅地方都係啲爛融融嘅地帶,施工時試過爆水管、地陷、施工意外同地底爆炸。而拆遷補償都有冬瓜豆腐(例如一德路站黃花崗站沙河頂站沙河站),搞到工期一拖再拖。尤其係沙河站,到依家都未搞掂,結果車站嘅大堂同設備層都起唔到,凈係得個月台隧道起好咗,所以而家啲車唔停沙河站,就噉穿過。而黃花崗站就有少部分居民反對,喺開咗工無耐就停咗,重將個站位向北移咗下,搞到拖嗮工期,於是,施工嘅圍蔽時間都延長埋,搞到好多市民唔知情而猛咁鬧。

由於成條線嘅進度唔同站都相差好遠,所以有部分車站已經搞掂咗好耐啦,而重有部分車站未搞掂,甚至有車站都未逳手,拖嗮路線嘅開通時間。

2013年4月24號,搞掂咗廣茂鐵路改建明挖段隧道,即係話六號綫首期嘅隧道全部通嗮。

2013年5月30號,首期全線短軌通嗮。

2013年10月14號,全線通車前搭客演練。

二期 編輯

  • 2009年10月30號,二期實驗性工點蘿崗站開工。[2]佢喺2010年亞運會開幕前封頂。
  • 凈低嘅路線同車站喺2011年6月17號之後陸續開工。
  • 2013年6月3號,蘿崗站到香雪站區間嘅左線隧道貫通。[3]
  • 2014年4月1號,5月21號同2015年1月5號從金峰站蘇元站、及柯木塱站高塘石站嘅區間都搞通埋。
  • 2013年10月15號,高塘石站封頂。
  • 2015年12月29號,最後一個車站蘇元站封頂,標誌著所有車站嘅主體工程完工[4]
  • 2016年1月中旬,高塘石站到黃陂站區間嘅右線隧道貫通,標誌著二期全線洞通。[5]
  • 不過植物園站柯木塱站因為出入口同風機嘅徵地問題,喺後延段通車之後需要飛站通過。
  • 2016年6月29號,隨住香雪站最後兩條鋼軌搞掂焊接之後,成條地鐵嘅長軌順利貫通。
  • 2016年9月13號03:05(UTC+8):二期全線列車已經完成列車熱滑輪試驗。
  • 2016年9月25號:二期正式入咗系統調試階段。
  • 2016年11月1號:二期正式入咗貫通試運行階段。

營運 編輯

  • 2013年12月28號14:00:6號綫一期開通[6]
  • 2015年1月28號06:00:一德路站正式開通。
  • 2016年12月28號朝早:頭班車開始,6號綫二期東延段開通,路線亦延伸到香雪站。同時喺每兩班去香雪嘅車之間,加插部去長湴做總站嘅車。
  • 2017年6月28號06:00:植物園站、柯木塱站正式開通。

綫路信息 編輯

 
6號綫圖示

車站 編輯

  • 首期全綫總共有32個站,由西往東依次為:(斜體係未開嘅站)

潯峰崗、橫沙、沙貝、河沙、坦尾、如意坊、黃沙、文化公園、一德路、海珠廣場、北京路、團一大廣場、東湖、東山口、區莊、黃花崗、沙河頂、沙河、天平架、燕塘、天河客運站、長湴、植物園、龍洞、柯木塱、高塘石、黃陂、金峰、暹崗、蘇元、蘿崗、香雪。

其中,潯峰崗、橫沙、沙貝3個站係高架站,其餘全部都喺地底;沙河站由於地面係保護建築,冇辦法建設站廳,到依家都唔可以開通。

轉車車站 編輯

開咗 編輯

  • 東山口:轉1號綫
    呢個站喺1號綫起緊嗰陣,冇事先留低轉車條件,要轉車嘅話要出去6號綫站廳,行原嚟嘅A出口同埋部份嘅市政通道改成嘅轉車通道,去到1號綫站廳再落去。距離又長又多梯級。
  • 黃沙:轉1號綫
    呢個站喺1號綫起緊嗰陣,冇事先留低轉車條件,要轉車嘅話需要上到6號綫站廳,行長通道去到1號綫站廳再落去。條通道嘅距離重遠過東山口站。
  • 燕塘:轉3號綫
    呢個站係T形節點轉車站,6號綫站台東端有樓梯連接-3樓嘅轉車樓,通過轉換層可以落到3號綫站台。依家呢條通道單向運作,由3號綫轉6號綫需要上站廳再落6號綫站台。
  • 天河客運站:轉3號綫
    呢個站喺3號綫起緊嗰陣,冇事先留低轉車條件,要轉車嘅話要上4層樓嘅樓梯到6號綫站廳,再行通道到3號綫嘅站廳落去先至到。
  • 坦尾:轉5號綫
    呢個站係T形節點轉車,其中5號綫係高架站,6號綫係地底站,6號綫轉5號綫需要通過地面站廳。
  • 區莊:轉5號綫
    呢個站係T形節點轉車,6號綫嘅月台北邊有樓梯去到站廳下邊嘅轉車樓,而轉車樓用樓梯連接5號綫站台中間。
  • 海珠廣場:轉2號綫
    呢個站係L形節點轉車,2號綫喺-4樓,6號綫喺-6樓。條轉車通道由設備房改出嚟。由於客流控制嘅原因,高峰時期兩條路綫嘅轉車方法都唔一樣:
    62:直接行6號綫月台西邊新起嘅轉車通道,坐扶手電梯去到2號綫嘅月台。
    26:行出站廳後向北行到㞘,之後轉右坐𨋢或扶手電梯落去就可以到6號綫嘅月台。
  • 蘇元:轉21號綫
    呢個站係L形節點轉車,6號綫喺-2樓,21號綫喺-3樓。
  • 文化公園:轉8號綫
    呢個站係L形節點轉車,6號綫喺-3樓,8號綫喺-4樓。由於客流控制原因,高峰時期兩條路綫嘅轉車方法都唔一樣。

未開 編輯

呢個站起緊嗰陣冇預留換乘條件,未知係點轉車。

本站為雙島四綫式平行跨站台轉乘站,留低咗拆解條件。開通初期只使用內側兩條路軌,等6號綫二期拆成23號綫之後,呢個站就將變成換乘站。

節點部分同6號綫同期實施,係T型節點換乘,6號綫喺負六層,11號綫喺負四層,節點喺車站嘅西邊。

呢個站設計為站廳換乘車站,6號綫上跨11號綫。依家6號綫淨係完成咗站台層同部分附屬設施。

喺呢個站起緊嗰陣,冇預留換乘條件,依家重未知係點轉車。

喺呢個站起緊嗰陣,冇預留換乘條件,未知係點轉車。

列車嘅編號 編輯

 
家下營運緊嘅6號綫部份列車,會發現部份車廂俾地鐵方話加大運力嘅理由而拆走咗座位。
6號線
國產L型地鐵列車(L3)
06A001 - 06B001 - 06B002 - 06A002 06A035 - 06B035 - 06B036 - 06A036 06A069 - 06B069 - 06B070 - 06A070
06A003 - 06B003 - 06B004 - 06A004 06A037 - 06B037 - 06B038 - 06A038 06A071 - 06B071 - 06B072 - 06A072
06A005 - 06B005 - 06B006 - 06A006 06A039 - 06B039 - 06B040 - 06A040 06A073 - 06B073 - 06B074 - 06A074
06A007 - 06B007 - 06B008 - 06A008 06A041 - 06B041 - 06B042 - 06A042 06A075 - 06B075 - 06B076 - 06A076
06A009 - 06B009 - 06B010 - 06A010 06A043 - 06B043 - 06B044 - 06A044 06A077 - 06B077 - 06B078 - 06A078
06A011 - 06B011 - 06B012 - 06A012 06A045 - 06B045 - 06B046 - 06A046 06A079 - 06B079 - 06B080 - 06A080
06A013 - 06B013 - 06B014 - 06A014 06A047 - 06B047 - 06B048 - 06A048 06A081 - 06B081 - 06B082 - 06A082
06A015 - 06B015 - 06B016 - 06A016 06A049 - 06B049 - 06B050 - 06A050 06A083 - 06B083 - 06B084 - 06A084
06A017 - 06B017 - 06B018 - 06A018 06A051 - 06B051 - 06B052 - 06A052 06A085 - 06B085 - 06B086 - 06A086
06A019 - 06B019 - 06B020 - 06A020 06A053 - 06B053 - 06B054 - 06A054 06A087 - 06B087 - 06B088 - 06A088
06A021 - 06B021 - 06B022 - 06A022 06A055 - 06B055 - 06B056 - 06A056 06A089 - 06B089 - 06B090 - 06A090
06A023 - 06B023 - 06B024 - 06A024 06A057 - 06B057 - 06B058 - 06A058 06A091 - 06B091 - 06B092 - 06A092
06A025 - 06B025 - 06B026 - 06A026 06A059 - 06B059 - 06B060 - 06A060 06A093 - 06B093 - 06B094 - 06A094
06A027 - 06B027 - 06B028 - 06A028 06A061 - 06B061 - 06B062 - 06A062 06A095 - 06B095 - 06B096 - 06A096
06A029 - 06B029 - 06B030 - 06A030 06A063 - 06B063 - 06B064 - 06A064 06A097 - 06B097 - 06B098 - 06A098
06A031 - 06B031 - 06B032 - 06A032 06A065 - 06B065 - 06B066 - 06A066 06A099 - 06B099 - 06B100 - 06A100
06A033 - 06B033 - 06B034 - 06A034 06A067 - 06B067 - 06B068 - 06A068 06A101 - 06B101 - 06B102 - 06A102

雖然話6號綫入面嘅編號係L3型列車,而唔係04型城軌車,但係,車入面嘅牽引系統係一樣嘅,而列車嘅內外嘅嘢重細個4號綫、5號綫用緊嘅列車。由於喺6號綫嘅早期規劃嗰陣,冇考慮到金沙洲嗰邊嘅將來發展,所以喺開通之前,分析同研究咗一日嘅平均客流、發現客流有可能好大。所以有部分列車嘅座椅,原先由4條變成2條嚟提高個客流運輸能力。

將來嘅發展 編輯

拆解 編輯

喺2015年嘅新一輪規劃中,而家嘅6號綫二期將會獨立成為23號綫並向兩端延伸:東邊(原6號綫三期)由香雪開始繼續向東北行,去到[[增城永和片區之後轉向東南,到官湖站為止,途中可以換乘16號綫同13號綫;而西邊就由植物園站開始,向南到長湴村之後轉向西,止於京溪南方醫院;6號綫自身亦會由植物園向北延伸入龍洞地區。兩條綫將會喺植物園站同台換乘。

呢個拆解計劃最終未納入新一輪(2016-2022)年建設計劃中,估計之後重有變數。

西延(已經取消咗) 編輯

喺幾年之前,佛山方面有建議過等6號綫由潯峰崗向西延伸,一直去到佛山市南海區里水鎮[7],但建議後嚟俾廣州市規劃部門以路綫冇向西延長嘅條件為由拒絕咗。依家新嘅佛山規劃顯示,佛山8號綫(獅山城軌站-槎頭)將會由里水鎮延伸過嚟金沙洲,不過冇同6號綫換乘。

編輯

  1. 22号线通南沙 起点未定 互聯網檔案館歸檔,歸檔日期2015年3月12號,. 广州日报 (2015-03-12 A6版)
  2. . 原著喺2020年3月16號歸檔. 喺2016年10月22號搵到.
  3. 线. 原著喺2019年5月21號歸檔. 喺2016年3月2號搵到.
  4. 广州地铁6号线二期 全部车站封顶 互聯網檔案館歸檔,歸檔日期2016年1月27號,. 广州本地宝
  5. 广州地铁6号线二期隧道全部贯通(2016.1.20) 广州本地宝
  6. 六号线首期12月28日14时开门迎客 互聯網檔案館歸檔,歸檔日期2013年12月26號,. 广州地铁 (2013-12-25)
  7. 广. 原著喺2011年7月26號歸檔. 喺2014年5月31號搵到.