廣州南站

  呢篇文講2010年新開放嘅廣州火車南站。想搵地鐵廣州南站嘅話，請睇廣州南站 (地鐵)。

  呢篇文講2010年新開放嘅廣州火車南站。想搵2005年閂咗門嘅廣州南站嘅話，請睇廣州南站 (貨運)。

廣州南站（粵拼：gwong2 zau1 naam4 zaam6）係一個喺廣州市嘅火車站，位置喺番禺區鐘村鎮石壁村，係個大型現代化嘅鐵路客運站。距離廣州市嘅中心17公里，喺2004年12月30號動工興建，2010年1月30號局部啟用。

廣州南站嘅出入口

廣州南站係武廣客運專線三個始發站之一，亦係廣深港高速鐵路、廣珠城際軌道交通、貴廣鐵路、南廣鐵路嘅交匯點，重通過三眼橋聯絡線連接廣州站同廣州東站。廣州南站建成之後，取代咗而家廣州站嘅主導地位，並將會同廣州站、廣州東站重有廣州北站共同形成中國鐵道部規劃嘅全國鐵路六大客運中心之一——廣州鐵路客運樞紐。預計去到2020年客運發送量達8014萬人次。

廣州南站亦係廣州市內一個綜合交通樞紐，旅客可以喺站內直接轉鐵路、地下鐵、巴士、的士等交通工具。廣州地鐵2號線、7號線、20號線、白鵝潭聯絡快線同埋佛山地鐵2號線等地鐵線都會喺廣州南站地底或者附近設地鐵站，形成一個集中嘅公共運輸交匯處。

車站結構

	車站結構
地上三層	高架候車層	長途旅客候車廳、直通車旅客出境聯檢廳
地上二層	月台層	貴賓候車室等
地上一層	出入站層 地面交通層	長途旅客、城際旅客出入站 城市軌道交通轉乘、直通車旅客入境聯檢廳、停車場、的士上客區
地下一層	地鐵交換廳	地下停車場 地鐵出入口
地下二層	地鐵月台層	廣州地鐵2號線、廣州地鐵7號線同佛山地鐵2號線嘅月台 預留咗廣州地鐵20號線、白鵝潭聯絡快線同埋廣佛肇城際線嘅接入條件

車站嘅總建築面積超過37萬平方米（333萬平方尺），整體建築包括主站房、無柱雨棚、高架車場（月台）、停車場等，總投資130億人民幣。車站總用鋼量達到7.9萬噸，差唔多係2008年夏季奧林匹克運動會比賽場館中國國家體育場（「鳥巢」）嘅鋼結構嘅1.7倍。另外，工程又用咗150萬立方米石屎。

主體結構總共五層，包括地上三層同埋地下兩層。地下一層係地鐵嘅進出站廳同埋有1,808個停車位嘅停車場。地上一層主要承擔武廣客運專線列車嘅進展作業，廣珠城際軌道交通、廣深港高速鐵路列車嘅進出站作業，口岸入境、的士站等，預留旅客入境聯檢廳，出站大廳同埋機場聯運辦理廳。地上二層舍友口岸進展廳同埋貴賓候車室、月台等由東向西依次佈置咗武廣客運專線車場、廣深港高速鐵路車場、廣珠城際軌道交通車場、廣茂城際軌道車場、貴廣鐵路車場、南廣鐵路車場。地上三層設有客運專線嘅高架旅客候車廳，高架候車大廳面積達71,722平方米（645,498平方呎），重預留咗面積14,694平方米（132,246平方尺）嘅商業層。成個車站建築總高度50幾米，中間有個64米嘅大跨拱形結構。車站共設有發線28條、月台15座，並預留廣佛肇城際軌道交通嘅引入條件。此外，車站頂重安裝咗面積大約2,000平方米（18,000平方尺）嘅太陽能電池板，可以將太陽能轉化為電能之後，直接為車站供電。

旅客列車目的地

清晨嘅站台

廣州南站站台俯瞰

廣州南站開出嘅列車嘅終點站分布如下。

列車所屬路局	目的地
Guangzhou !廣州鐵路集團	北京西、西安北、鄭州東、信陽東、漢口、武漢 岳陽東、長沙南、深圳北、福田、潮汕、珠海、江門、新會、懷化南 桂林北、貴陽北、南寧東、柳州、北海、合肥南、上海虹橋 成都東、重慶北、百色、永州、邵陽
Beijing !北京鐵路局	北京西、石家莊、深圳北、桂林北、珠海、江門
Zhengzhou !鄭州鐵路局	鄭州東、鄭州、深圳北
Wuhan !武漢鐵路局	武漢、宜昌東、漯河西、深圳北
Xi'an !西安鐵路局	西安北、深圳北
Chengdu !成都鐵路局	成都東、貴陽北
Jinan !濟南鐵路局	濟南西、青島、深圳北
Nanning !南寧鐵路局	南寧東、南寧、柳州、桂林北、北海、防城港北、深圳北、百色
Nanchang !南昌鐵路局	南昌西、上饒、深圳北
Shanghai !上海鐵路局	上海虹橋、杭州東、南寧東

地鐵路線

内文：廣州南站 (地鐵)

轉車鐵路路線

上一站	武廣客運專線	下一站
總站	廣州南	廣州北 往武漢

上一站	廣深港高速鐵路	下一站
慶盛 往西九龍	廣州南	總站

上一站	南廣鐵路（起緊）	下一站
三眼橋（起緊） 往南寧	廣州南	總站

上一站	廣珠城際軌道交通	下一站
碧江站 往江門站（現有）、珠海站（現有）、珠海機場（起緊）	廣州南	總站

出面網頁

• >广州南站〉">〈大站风采>>广州南站〉 (簡體中文). 廣州鐵路（集團）公司.