廣州地鐵7號綫
| 廣州地鐵7號綫 | |
| |
| 概覽 | |
|---|---|
| 營運地區 |  中國廣東廣州
|
| 服務類 | 城市軌道交通 |
| 線路類 | 局域綫 |
| 線路長 | 54.2km |
| 車站總數 | 28 |
| 軌道標準 | 1435mm |
| 列車偏組 | 6卡編組B型列車 |
| 營運資訊 | |
| 營運時期 | 2016年12月28號～而家 |
| 營運單位 | 廣州市地鐵集團有限公司 |
| 乘客量 | 179,000 (2017.1.1統計)[1] |
概況
編輯
7號綫係廣州南部一條環向區域綫。綫路由佛山市順德區北滘鎮開始，向東北穿過佛山市順德區、廣州市番禺區、黃埔區，止於黃埔區水西，全長約48km，採用6卡B型列車，最高時速80km/h。
- 7號綫首期工程由佛山北滘嘅美的大道站開始，經過廣州南站，去到廣州番禺嘅大學城南站。廣州南站到大學城南段長18.6km，設站9座，其中換乘站4座，全部都係地下站；設置大洲車輛段。呢段已經喺2016年底開通；美的大道到廣州南站段係7號綫首期西延段，全長13.447km，設置8座車站，其中換乘站3座，全部都係地下站，平均站距1.68km；增設益豐停車場同益豐主變電所。綫路喺2015年調整入7號綫首期，喺2016年7月開工，預計將喺2020年前後完工。
- 7號綫二期工程將綫路由番禺區大學城南站向北延長到黃埔區蘿崗水西北站，途徑新舊黃埔區府同埋長洲島。目前呢條綫已經納入咗廣州地鐵新一輪規劃(2016－2022)。
歷史
編輯規劃
編輯喺2003年嘅地鐵規劃入面，已經出現咗7號綫嘅樣。嗰時同而家嘅施工路程相比，起點係西塱，行過南浦島，跟住經過大石而最後到小谷圍一帶。不過2005年改咗一次規劃，東邊總站去到新造，而且重經過大石，不過唔入大學城。由於廣州新客站（宜家嘅廣州南站）規劃搬到咗番禺石壁，佢嘅起點亦隨之更改。而二期綫路會經化龍，之後過河到黃埔區一帶，最後到而家5號綫嘅大沙地站。
2010年，廣州地鐵又出咗一次地鐵規劃，入面講到7號綫嘅情況。綫路先從廣州南站出發，經過番禺鍾村一帶，但同3號綫嘅轉車車站變成經漢溪長隆站，而唔經大石站。而跟住條綫路改返早期規劃嗰樣，過咗大學城南站之後繼續向東北行，經過長洲之後過珠江，之後去到5號綫嘅大沙東站。遠期重規劃到去蘿崗街道附近同6號綫換乘。
首期西延段（美的大道⇄廣州南站）
編輯2015年3月，廣州地鐵規劃要7號綫去到廣州南站之後，繼續向西南延長，去到佛山順德入面[2]。同年11月重話咗綫路會延長到北滘新城，同起緊嘅3號綫換乘[3]。
2016年10月，順德區嗰邊話要7號綫首期西延段喺陳村同韋涌之間起多個陳村北站，實現轉乘11號綫[4]。
二期（大學城南⇄燕山）
編輯原先份規劃二期路線凈去到大沙東站為止，但後嚟考慮到蘿崗地區嘅交通遠期發展關係而將佢一齊打包到二期入面，將路線延長到蘿崗站，中間加咗奧體東站（而家嘅姬堂站）、科學城東站（而家嘅科豐路站）呢兩個站點。
2016年5月嘅消息話，原先規劃嘅東延段從蘿崗站延長到水西站，方便同21號綫轉車[5]。
2017年1月嘅消息話，二期規劃喺之前嘅計劃上加多水西站同燕山站。
2017年初，廣州將7號綫二期同其他9條綫路打包成為第三期建設規劃，上報俾國家發改委。到咗3月20號，廣州地鐵第三期建設規劃獲得國家發改委批復，7號綫二期喺埋入邊。[6]3日後正式搞第一次環評公示[7]。同年5月25號進行第二次環評公示，調整咗車廠位置。
工程
編輯廣州南站⇄大學城南
編輯- 2009年，國家發改委批准咗7號綫首期工程。但工程由於規劃一改再改，一直未能動工。
- 2013年4月1號，石壁站、鍾村站、漢溪長隆站同鶴莊站(現南村萬博站)正式動工。之後嘅南村站(現板橋站)同謝村站分別喺同年6月18號、12月18號起。
- 2014年5月27號，第一條盾構隧道貫通。
- 2014年11月28號，最後一個車站官堂站（今日嘅員崗站）動工。之後工程起得好快，冇再遇到大嘅阻礙。
- 2015年1月5號，首個盾構區間雙綫貫通。
- 2015年年底，隨著鐘村站嘅封頂，首期全部車站主體結構正式完工。
- 2016年1月初，鋪軌同機電施工正式開始。
- 2016年2月28號朝早，隧道正式全面貫通[8]。
- 2016年8月26號同30號，全綫相繼正式實現軌通同電通。
- 2016年9月28號，全綫正式三權移交。
- 2016年11月20號，綫路開始按營運時間表唔搭客試運行。
美的大道⇄廣州南站
編輯- 2015年10月9號，發改委批准咗7號綫西南延段工程。
- 2016年6月23號，7號綫首期西延段試驗性工點陳村站動工。[9]
大學城南⇄水西北
編輯- 2018年1月16號，發改委批准咗7號綫東北延段工程。
- 2018年1月24號，長洲站開始勘探。
開通
編輯- 2016年12月28號09:00，首期路線（廣州南站⇄大學城南）正式開通試營運，同日12:00正式對外營運。
- 2022年5月1號09:00，西南延段（美的大道⇄廣州南站）正式開通試營運，同日14:00正式對外營運。
- 2023年12月28號09:00，二期路線（大學城南⇄燕山）正式開通試營運，同日12:00正式對外營運。
地鐵路線
編輯呢條地鐵冚唪唥都係地底車站。有28個站：
美的大道、北滘公園、美的、南涌、錦龍、陳村、陳村北、大洲、廣州南站、石壁、謝村、鍾村、漢溪長隆、南村萬博、員崗、板橋，大學城南、深井、長洲、洪聖沙、裕豐圍、大沙東、姬堂、加莊、科豐路、蘿崗、水西、燕山
轉車車站
編輯開咗嘅
編輯- 北滘公園站：轉佛山地鐵3號綫。
- 平行逆向跨月臺轉乘。
- 廣州南站：轉2號綫、22號綫同埋佛山地鐵2號綫。
- 2→7：上1層樓行到東面個樓梯口落去
- 7→2：直接行去對面月台
- 7→22號綫／佛山地鐵2號綫：長通道轉乘。
- 石壁站：轉2號綫
- 起緊2號綫時冇事先留低轉車條件，轉車方式係大堂通道轉車。轉車方法：
- 2→7：上一層樓向北行，到水藍色個站廳嗰邊入去，再落一層樓就到。
- 7→2：上一層樓向南行，到深紅色個站廳嗰邊入去，再落一層樓就到。
- 起緊2號綫時冇事先留低轉車條件，轉車方式係大堂通道轉車。轉車方法：
- 漢溪長隆站：轉3號綫
- 起緊3號綫時冇事先留低轉車條件，轉車方式係大堂通道轉車。轉車方法：
- 3→7：上一層樓向北行，望到有草綠色個站廳嗰邊入去，再落兩層樓就到。
- 7→3：上兩層樓向西行，望到有海綠色個站廳嗰邊入去，再落一層樓就到。
- 起緊3號綫時冇事先留低轉車條件，轉車方式係大堂通道轉車。轉車方法：
- 南村萬博站：轉18號綫
- 起緊7號綫時冇事先留低轉車條件，係長通道轉乘。
- 大學城南站：轉4號綫
- 起緊4號綫時已經事先留咗島側節點轉乘，轉車方式係十字島側節點轉車。轉車方法：
- 4→7：出車門之後唔好出閘，而係行月台中間條樓梯落去即到。
- 7→4：出車門之後直接行月台中間條樓梯上去即到。其中西南邊條樓梯去南沙客運港，東北邊條樓梯去黃村。
- 起緊4號綫時已經事先留咗島側節點轉乘，轉車方式係十字島側節點轉車。轉車方法：
- 裕豐圍站：轉13號綫
- 起緊13號綫已經事先留咗島節點轉乘，轉車方式係十字島節點轉車。
- 大沙東站：轉5號綫
- 起緊5號綫時冇事先留低轉車條件，轉車方式係大堂通道轉車。
- 蘿崗站：轉6號綫
- 起緊6號綫時冇事先留低轉車條件，轉車方式係大堂通道轉車。
- 水西站：轉21號綫
- 起緊21號綫已經事先留咗島節點轉乘，轉車方式係十字島節點轉車。
重未開
編輯車廠
編輯首期路綫喺廣州南站西北1km處設大洲車廠，貼住中車廣州廠同埋2號綫大洲停車場；首期西延段喺美的大道東側設益豐停車場。
聯絡綫
編輯綫路喺大洲車廠內設2號綫聯絡綫，喺大學城南站東南邊整咗同4號綫之間嘅聯絡綫。
註
編輯- ↑ 〈地鐵元旦客流873.8萬人次〉。Guangzhou Metro Corporation。2017-01-03。原著喺2021-05-12歸檔。喺3 January 2017搵到。
- ↑ 广州地铁7号线西延至顺德段首披露 大学城将直达顺德[失咗效嘅鏈] 广视网 （2015-11-20）
- ↑ 广州地铁7号线将西延至顺德北滘 互聯網檔案館嘅歸檔，歸檔日期2020年3月16號，. 交通出行网 （2015-06-29）
- ↑ 7號綫將增加陳村北站
- ↑ 〈地铁7号线二期延长到21号线水西站，萝岗九龙居民去番禺将更便捷〉。原著喺2021年4月30號歸檔。喺2016年12月26號搵到。
- ↑ 〈廣州地鐵第三期建設規劃獲批〉。原著喺2018年8月30號歸檔。喺2017年4月16號搵到。
- ↑ 〈廣州地鐵第三輪各新綫環評第一次公示〉。原著喺2020年3月16號歸檔。喺2017年4月16號搵到。
- ↑ 七号线隧道全通 互聯網檔案館嘅歸檔，歸檔日期2016年2月29號，. 廣州日報 （2016-02-29 A15版）
- ↑ 〈陳村站動工〉。原著喺2020年3月16號歸檔。喺2017年1月28號搵到。