廣州市各區區級不可移動文物

廣州市 > 廣州市各級文物保護單位 > 廣州市各區區級不可移動文物

廣州市各區嘅區級不可移動文物，亦叫區登記保護文物，由廣州市各區嘅文化廣電新聞出版局公佈。

規定

• 凡係市轄區入邊登記同公佈過嘅不可移動文物都會受法律保護。
• 被列爲區登記保護嘅不可移動文物，由所有人或使用人負責修繕、保養、保護建築物同佢附屬文物嘅安全，唔由得人損壞、改建、加起或者拆冧。
• 喺區登記保護文物側近搞工程項目，事必要保證文物安全，唔可以破壞佢嘅歷史風貌。
• 維修區登記保護文物必須遵守保持文物原狀嘅原則，制定維修方案，有齊相關資料再報畀區文物主管部門，批准同意之後先至好施工，並且要喺文物部門同專家指導之下具體實施。
• 區登記保護文物要儘可能原址保護。如無法實施原址保護，事必要遷移異地保護或者拆冧嘅，要報畀區文物行政部門。原址保護、遷移、拆除區登記保護文物要嘅錢，由建設單位列入建設工程預算。
• 所有公民都有保護文物嘅責任同義務，睇到擅自拆建、改建不可移動文物或者損害文物嘅行爲都要去制止，並且立即報區文物管理部門。

名錄

下低列出廣州11個市轄區嘅區級不可移動文物：
　 古遺址  　 古墓葬  　 古建築  　 石刻  　 近現代重要史跡同代表性建築  　 其它 

---

越秀區

第一批（2012年11月15號／50道）

第二批（2014年3月19號／2道）

籌	名	時代	地址	註
01	越秀北路394號建築	近現代	越秀北路394號	嶺南近現代優秀建築之一，喺建築形式同功能方面有特色，係建築師林克明設計嘅現代主義風格早期代表作品。
02	「府學雙泉」古井	清朝	中山五路學源里63-69號之間	井底有兩個活泉眼所以叫「雙泉」。呢個井喺番山东南角古代廣府學宮後邊，水源來自番山，係而家廣州城內罕有嘅活泉。