廣州市新福利巴士
 | |
| 類型 | 巴士公司 |
|---|---|
| 開檔 | 1993年12月8號 |
| 總部地址 |  中國廣東省廣州市天河區黃村環場西路26號 |
| 產業 | 公共汽車 |
| 產品 | 公共運輸營運同管理 |
史 編輯
廣州地區用過嘅新福利巴士品種
.jpg)
1998~2007年用過嘅品種
.jpg)
1993~1998年用過嘅品種
1993年12月1號，嗰時嘅澳門新福利集團喺廣州成立咗個巴士公司，成為廣州第一間中外合資嘅巴士公司[1]。初期凈得5條巴士路線營運，後嚟喺1994~1997年期間加咗20條路線，喺2000年又加咗一條巴士路線。但2001年07月，由於廣州地區取消咗越秀公園總站，巴士一窩蜂噉去嗮而家嘅機場路電車總站，導致廣州市電車公司退出佢嘅合作業務。而巴士公司正式有夜班車路線係2004年嘅事。
2007年，廣州政府話要解決公交企業嘅惡性競爭同巴士公司數量越嚟越多嘅問題而開始整合巴士資源[2]，結果呢間巴士公司喺2009~2010年同二汽巴士、新世界、冠忠、恆通、興華巴士合併成而家嘅第二巴士公司[3]。雖然收購之後，站牌重用各間公司嘅名，[4]但後嚟俾二汽公司收購返嚟嘅車冚唪唥按嗮原先二汽公司嘅標準嚟整。而新福利巴士嘅前門出面左邊、司機位窗口出面嘅下邊同車入面都寫咗原有嘅「新福利」公司名，但商標變成「廣州二汽」而導致一般乘客搞亂。曾經喺2010年換車色期間，俾好多新福利嘅司機抵制，搞到車身變成二汽巴士嘅色之後，車頭同車身都掛咗新福利嘅圓形商標，但之前嘅「廣州市新福利」六個字冇咗。而家啲新福利巴士嘅前門出面左邊嘅位、司機位窗口出面嘅下邊同車入面啲設施都改嗮「第二巴士」嘅商標。但站牌重用緊「新福利」嘅名。
從2011年6月開始到而家，呢間巴士公司一共開通咗4條村巴路線。
口號 編輯
呢度寫嘅係從新福利巴士公司成立之後用過嘅口號：
- 1993年~2007年：新福利巴士，創新求進步。
- 2004年~2009年：以人為本，以客為先。
註 編輯
- ↑ 1.0 1.1 澳門新福利公共汽車有限公司 互聯網檔案館嘅歸檔，歸檔日期2016年3月15號，. 華文百科
- ↑ 〈广州二汽并购公交民企事件观察〉. 中國客車網. 2009-09-18. 原著喺2016-03-06歸檔. 喺2015-06-26搵到.
- ↑ 广州二汽半年揽下三民营公交(组图) 互聯網檔案館嘅歸檔，歸檔日期2018年3月25號，. 網易（转羊城晚报） 【2009-09-10】
- ↑ 〈廣州二汽連購三公交民企 線路站點票價均不變〉. 《南方都市報》. 2009-09-11. 原著喺2014-01-08歸檔. 喺2014-01-08搵到.