廣州市二汽巴士
提示：呢篇文講嘅唔係廣州市第二巴士。 | |
| 類型 | 巴士公司 |
|---|---|
| 開檔 | 1977年10月1號 |
| 總部地址 |  中國廣東省廣州市白雲區增槎路367號 |
| 產業 | 公共汽車 |
| 產品 | 公共運輸營運同管理 |
| 網址 | http://www.gzbus.com/ |
史 編輯
廣州市二汽巴士喺1977年10月1號成立，嗰時嗌「廣州市郊縣交通運輸公司」，嗰時佢專門負責廣州嘅鄉下地區、番禺、增城、新豐（而家係韶關屬下一個縣）、龍門（而家係惠州屬下一個縣）四個縣嘅客運同拉貨嘅運輸；而建築方面，初頭係用一個簡單嘅竹棚場地，後嚟喺1979年先至起咗棟兩層樓嘅磚木結構建築嚟辦公[1]。
1980年9月1號，廣州市公共汽車嘅部分公司同嗰時廣州市郊縣交通運輸公司合併，變成廣州市第二公共汽車公司，專門負責龍門、增城、番禺三縣同一小部分廣州市區嘅巴士路線[2]。甚至喺1984年4月1號同一汽公司嘅部分業務合併同歸口管理，負責嗰時廣州新豐、龍門、增城、從化、花縣（而家係花都區）、番禺嘅市屬六縣同部分跨市路線嘅客運；同年7月1號重開埋去深圳、珠海、台山嘅上下川地區路線[3]。
而呢間公司曾經喺1987年，由香港引入雙層巴士營運[4]。而佢嘅中巴分公司喺1992年9月28號正式成立。喺1993年9月28號學埋一汽搞冇人賣車飛嘅巴士路線[5]。
從1994年1月6號開始，二汽巴士先後開通做好幾條巴士路線，初步形成咗公司喺廣州市區嘅巴士線網[6]。
從2007年6月開始，廣州政府話要解決公交企業嘅惡性競爭同巴士公司數量越嚟越多嘅問題，先至開始整合巴士資源[7]。結果喺2009年9月2號，呢間巴士公司同新福利、新世界、冠忠（今日嘅第二巴士）、恆通、興華巴士合併成而家嘅第二巴士公司[8]。
口號 編輯
- 郊縣線——城鄉之橋，服務大眾。
- 市區線——廣州二汽，為生活提速。
註 編輯
- ↑ 1979年 互聯網檔案館嘅歸檔，歸檔日期2016年3月4號，. 广州市二汽公共汽车公司
- ↑ 1980年 互聯網檔案館嘅歸檔，歸檔日期2015年7月2號，. 广州市第二公共汽车公司
- ↑ 1984年 互聯網檔案館嘅歸檔，歸檔日期2016年3月11號，. 广州市二汽公共汽车公司
- ↑ 1987年 互聯網檔案館嘅歸檔，歸檔日期2016年3月11號，. 广州市第二公共汽车公司
- ↑ 1993年 互聯網檔案館嘅歸檔，歸檔日期2016年3月4號，. 广州市二汽公共汽车公司
- ↑ 1994年 互聯網檔案館嘅歸檔，歸檔日期2016年3月4號，. 广州市第二公共汽车公司
- ↑ 〈广州二汽并购公交民企事件观察〉. 中國客車網. 2009-09-18. 原著喺2016-03-06歸檔. 喺2015-06-26搵到.
- ↑ 广州二汽半年揽下三民营公交(组图) 互聯網檔案館嘅歸檔，歸檔日期2018年3月25號，. 網易（转羊城晚报） 【2009-09-10】