廣州市第3中學

(由廣州市第三中學跳轉過嚟)

廣州市第三中學中國廣東省廣州市嘅一間中學,響越秀區大新路353~355號。呢間學校喺1863年創辦,以前係私立聖心中學同埋明德女子中學兩間嘅教會學校。

廣州市第三中學
Guangzhou No.3 Middle School
 勤儉·仁愛·敏毅·忠誠
位置
越秀區大新路353~355號
明細
廣東省一級學校
校訓 勤儉·仁愛·敏毅·忠誠
成立1863年
校區越秀區
級別中學六年全日制
網站

介紹 編輯

學校嘅佔地面積係差唔多有50000平方米,其中課室同埋教輔室嘅比差唔多五十五十咁滯,喺呢間學校入面整咗好多猛人出嚟。呢間學校重係目前越秀區到成個廣州市中心城區面積最大、學校環境最靚同埋設施同埋設備最完善、硬件條件最好嘅其中一間名校。

校服色 編輯

廣州市第三中學嘅校服
   
 
  • 短袖:
    衫: ,左右對稱,有領冇紐扣;衫領同袖口都係 
    褲:純 
  • 長袖:
    衫:   ,左右對稱,袖口同衫腳帶有些少  邊嘅線。
    褲: ,兩邊有粗嘅 線。

歷史 編輯

廣州市第三中學從開辦到依家已經有151年歷史,係廣州市嘅其中一間辦學比較耐嘅學校。

聖心書院時期 編輯

響1857年嘅第二次鴉片戰爭之後,法國政府向就話向政府想攞咗間舊衙門(而家係廣州市兒童公園)嚟起領事署,後嚟就話冇起到,結果就辦咗間「丕崇書院」,而嗰間書院就係以前嘅聖心書院喇,而呢間聖心書院完全係由天主教教堂嚟辦學嘅。到咗1904年嗰陣,就正式成立咗聖心書院,而呢間書院如估係英文班嘅要學6年,如估係法文班嘅話就要學4年。而嗰陣時唔經過考試就想入去法國佬辦嘅韜美醫院做醫科學生?好難啊!而英文版畢業出嚟呢,凈係可以去到海關同埋郵政呢啲部門做嘢啫(因為嗰陣時做呢行要識雞腸先至得)。嗰陣時嘅教學同埋人事配備都好落後下,而最高負責人竟然係一個光棍佬(依家講係校長)就乜負責管理嘅主任都冇嗮喇。而收學費方面,竟然係書院最繁忙嘅一日,係由教友、教員負責收錢,監督簽發收據就搞掂算數。而監督重要睇賣書同埋練習簿嗰啲人呢,就畀啲學生仔交咗學費之後就可以向監督買書喇。嗰陣時嘅書院,一、二、三班係由中國佬嚟教書;而四、五、六班係由法國佬嚟教書嘅。呢間學校辦到1914年就改咗名叫廣州私立聖心中學。

私立聖心中學時期 編輯

到咗私立聖心中學開辦嗰陣,學校教學上都係以傳播宗教同埋傳授啲鬼佬文為主嘅。由於學校將天主教教義列入咗课程,所以規定咗學生必須要參加宗教活動,唔可以接觸啲激進人士。結果師生就因為呢個問題就發起咗「創新校」運動,導致咗有部份老師同埋學生走佬。到咗1917年,學校繼續擴展,改成完全中學,而學生人數幾乎達到1000人噉多。到咗1927年,由於國民政府話咗唔畀外國教會係中國入面辦學嘅規定,重規定咗學校校長係由中國佬做,學校都交畀中國天主教會嚟辦。結果天主教教義課程同埋學生必須要參與宗教活動嘅規定全部取消嗮。

新中國成立之後到文化大革命之前 編輯

喺1949年秋季,由於中國共產黨控制嘅中國人民解放軍廣州市軍事管制委員會成立咗,加上軍管會文教接管委員會派咗接管小組嚟接咗廣州市教育局(後嚟重成立咗廣州市文教局),重陸續派咗一大堆人去接管嗮各間學校(其中包括1923年開辦嘅越山中學),到咗1950年2月,喺大新東路19號(原嚟嘅越山中學校址)成立咗廣州市第三中學。1952年9月又將啟育中學、明德女中、真光中學嘅高中部、南武中學嘅高中部、新中華會計學校、珠海大學、東方無線電學校、導正、華夏、協和等呢三間補習學校(總共10間)一齊合併入去三中。

文革嗰陣 編輯

喺1967年初,雖然話軍宣隊同埋工宣隊一齊殺埋入去學校成立「革命委員會」,但係學校重係唔可以繼續正常教學。到咗1969年底,由於學校受到中央嘅「一號命令」督促而開始咗「戰備教育」。喺20世紀70年代中,學校因為受到中央文件嘅指示,就開始玩「複課鬧革命」。

文革之後到20世紀末 編輯

 
學校東門,電影《我的影子在奔跑》就喺呢個門口附近拍過。
  • 1978年:越秀區重點中學
  • 1994年:學校成為咗廣州市第一批省一級學校

21世紀初到依家 編輯

  • 2004年11月:學校將廣州市第96中學合併咗入去
  • 2007年:呢間學校評咗係廣東省教學水平優秀等級
  • 2009年:學校將廣州市第34中學合併咗入去
  • 2011年:呢間學校指定咗係廣州市第一批創建示範性高中嘅其中一間學校
  • 2012年8月份:接手重完成咗電影《我的影子在奔跑》嘅部分攞場景嘅拍攝工作[1][2]

入面有乜嘢 編輯

呢間學校有嘅設施同埋設備:

  • 國際標準嘅400米環形跑道運動場
  • 7600平方米嘅室内多功能體育館
  • 50×25米嘅國際標準泳池
  • 獨立籃球場5個
  • 其它波嘅場地有7個
  • 一批乒乓波臺
  • 可以裝到1000幾位學生搭食嘅飯堂
  • 課室同埋實驗室等其它各種現代化嘅教學專用場室。

學校攞過嘅獎 編輯

呢間學校連續好多年攞過高中同埋初中畢業班工作嘅一等獎,重有攞咗《國家體育鍛煉標準施行辦法》全國先進單位、全國青少年無線電測向競賽活動先進集體、廣東省電子電腦教學優秀學校、廣東省廣州市群眾體育工作先進單位、廣州市普教系統現代教育技術先進單位、廣州市教育技術裝備管理工作先進單位、廣州市安全文明校園、廣州市綠色學校、廣州市文明單位、廣州市德育工作先進單位、廣州市語言文字工作先進單位元、廣州市人防教育先進單位、廣州市先進黨組織、廣州市教育系統安全文明單位、義務獻血模範單位、越秀區先進黨組織、越秀區安全文明校園、越秀區文明單位等等呢啲噉嘅獎項。

附近嘅交通 編輯

編輯

  1. 影-我的影子在奔跑的微博精選- 新浪新聞微博(第9頁). 原著喺2016年3月5號歸檔. 喺2019年11月22號搵到.
  2. 方刚亮访谈:《我的影子在奔跑》像珍珠项链