一德路站
一德路站（粵拼：jat1 dak1 lou6 zaam6；英文：Yide Lu Station）係廣州地鐵6號綫嘅車站，2015年1月28號開放[1]，位置喺越秀區一德路同海珠南路交界嘅東北邊地底。
| 一德路 YIDE LU | |
| |
| 一德路站嘅站名 | |
| 概覽 | |
|---|---|
| 車站代碼 | 609 |
| 位置 | 越秀區一德路同海珠南路交界東北邊地底 |
| 座標 | 23°6′46.27″N 113°15′25.3″E / 23.1128528°N 113.257028°E |
| 車站色 | |
| 經過路線 | 6 |
| 啟站 | 2015年1月28號 |
| 月台數 | 1 |
| 站口數 | 2 |
| 營運資訊 | |
| 車站服務時間 | 06:04—23:45 |
| 列車服務時間 | 06:09—23:40 |
| 廣州地鐵6號綫 潯峰崗 ◄文化公園 （900m） （980m）海珠廣場► 香雪 | |
結構
編輯樓層
編輯呢個站一共有4層樓嘅地下區域，其中地下1樓係站廳，有票務設施同客務中心、保安亭；地下2樓係車站嘅設備；地下3樓係交通嘅轉換廳，最後地下4樓係6號綫嘅月台。呢個站同6號綫嘅區莊站一樣，都係冇休息室同廁所響度。
打掂
編輯| 地下 一樓 |
站廳 | 售票機、客服中心 |
| 地下 二樓 |
設備區 | 車站設備 |
| 地下 三樓 |
交通轉換廳 | 人行橫通道，通向月台嗰邊。 |
| 地下 四樓 |
2月台 | ←6號綫列車去文化公園站（行潯峰崗嗰邊） |
| 1月台 | 6號綫列車去海珠廣場站（行香雪嗰邊）→ | |
打橫
編輯 |
 |
站廳
編輯一德路站嘅站廳嘅收費區分別喺車站嘅西南邊同東南邊A出入口附近嘅角落頭嗰度。中間俾免費區嘅過街通道隔開咗。而A出入口附近嘅收費區係專門畀傷殘人士出入站嗰陣用，雖然話冇好似機場南站噉整部闊嘅閘機出嚟，但係傷殘人士如估有需要嘅話，可以嗌工作人員攞車飛嚟開免費專用通道入去用。
月台
編輯呢個站有一個島式月台，喺一德路嘅地底。
（呢啲冚唪唥講嘅都喺同一層樓！！！）
商舖同自助服務
編輯由於呢個站嘅空間有限，入面乜商舖都冇，但係有一臺羊城通充值機響度。
|
出入口
編輯| 一德路站冚唪唥嘅出入口 | ||||
|---|---|---|---|---|
|
呢個站一共有2個出入口，分別係A同B。
| 冧巴 | 標記 | 方位 | 去到邊度 |
|---|---|---|---|
| 出入口A | 一德路 | 東 | 一德路、海珠南路、仁濟路、廣州石室聖心堂、中山大學孫逸仙紀念醫院、廣州市第三中學 |
| 出入口B | 海珠南路 | 東北 | 海珠南路、一德路、天成路、廣東省中醫院 |
註： 有盲人引導徑 |  有輪椅升降臺
| |||
頭尾班車信息同配線圖
編輯| 配線圖 | |||||
|---|---|---|---|---|---|
|
█ 6號綫 | |||||
|
|||||
|
|||||
|
|||||
|
|||||
.svg){kind=small}
.svg){kind=small}
| 行去邊頭 | 頭班車 | 尾班車 | |||||
|---|---|---|---|---|---|---|---|
| 每日 | |||||||
| 6號綫 | |||||||
| 潯峰崗站 | 06:09 | 23:40 | |||||
| 香雪站 | 06:16 | 23:06 | |||||
| 注意： 喺晚黑最後一班車開走之前嗰5分鐘之內， 係唔畀入閘坐車（包括埋買車飛）。 | |||||||
車站歷史
編輯
規劃
編輯喺1997年嘅地鐵路網規劃入面，嗰時嘅7號綫喺一德路同海珠南路交界嗰度出現咗「一德路站」嘅名，而車站嘅位就喺而家呢度以南嘅位。後嚟喺2003年嗰份方案入面，7號綫就變咗而家嘅6號綫，不過車站嘅位就變咗，搬咗嚟而家呢度。
施工
編輯準備開始施工嗰陣，有屋釘響度。
編輯喺起緊呢個站嘅站廳嗰陣，話要拆咗一部分一德路同埋海珠南路路口交界東北邊啲屋。但喺2004年底，其中有間屋嘅租客話政府畀出嘅補償係都要大額先至得，重要少啲錢都唔滯，結果一直都未達成共識，搞到工程一拖再拖。而地鐵方面就用暗挖方法搞掂咗呢個站嘅月台層隧道嚟儘量唔影響6號綫嘅一期通車。而呢單拗數一直拗咗6年，直到2011年下半年嗰間屋租約到咗期之後，唔單止政府搵咗一早就去咗香港住嘅業主，而且業主話收返產權，重接受埋政府嘅拆遷補償，最後租客喺攞唔到乜錢嘅情況先至搞掂單嘢[2]。
正式施工
編輯喺工期拖咗5年又11個月之後，車站工程正式開工，雖然話佢哋猛咁趕緊工期，不過俾住喺嗰度附近嘅居民成日話影響住嗮佢哋休息，加上工地重俾人整蠱都有[3]，但係都趕唔切喺2013年12月28號正式開通咗首通段嘅6號綫。一直到喺2014年9月底先至搞掂嗮呢個站入面，冚唪唥嘅土建工程，轉咗畀機電隊繼續搞[4]。喺2014年12月25號先至搞機電測試，之前網民同媒體話喺2014年底開通嘅一德路站，到咗2015年1月20號都未見到佢開通。而負責人行道工程嘅市政工人話要喺2015年1月26號前搞掂[5]。結果施工工程喺2015年1月25號晚黑先至搞掂，而凈低嘅馬路工程重喺度搞緊施工。而出入口附近嘅道路正式還返畀市民嚟用。
開通
編輯好多街坊等到頸都長埋嘅6號綫一德路站喺幾時開通嘅問題，就喺2015年1月28號先至開畀人入去坐車[1]。
出入口
編輯而呢個站嘅出入口問題，喺起緊呢個站嗰陣凈係出現咗A呢個臨時嘅出入口，直到2014年底先至又起咗個永久B出入口。至於點解話出入口要整兩個，係因為中國內地嘅消防安全規定話地鐵站一定要至少2個出入口先至得。而本身A出入口係諗住去一德路同海珠南路交界東南邊嘅山海城嗰度，點知因為話要改好多管道線路先至話起咗喺北邊B出入口冇幾遠嗰度。本嚟話地鐵站重起多個C出入口嘅，但係俾好多喺嗰度冇幾遠嘅商戶話反對喺嗰度起出入口，結果先至冇起到[6]。
2017年4月初，地鐵方又將A出入口西邊嚿用地圍蔽咗搞出入口地下嘅線路遷改同施工工程。
利用狀況
編輯呢個站附近主要都係啲海味嘅批發市場同埋一德路嘅商業旺地，加上佢有好多乾果同海味等雜貨店。所以喺客流方面都幾多吓。喺呢個站開通之前，啲人就唔係揀海珠廣場站就係文化公園站度坐地鐵，或者係去到附近啲巴士站坐巴士都有。喺呢個站開通咗之後，呢個站啲客流就唔使喺海珠廣場站嗰度出站再行過嚟呢度喇，直接轉車一個站就到。
另外，由於呢個站冇幾遠就係遊客成日去嘅石室聖心大教堂。加上附近重有好多大型醫院同中小學響度，所以平時客流都好多吓，尤其喺上落班高峰，呢個站都幾多人吓。喺客流高峰時期，呢個站重搞咗客流措施嚟限制咗啲客流。
接駁交通
編輯日班車：
- 一德中站：
- 8、61、4、86、823、82
- 一德西站：
- 4、8、61、82、823
- 一德西總站：
- 86、134
夜班車：
- 一德中站：
- 夜16、夜6、夜33
- 一德西站：
- 夜6、夜16、夜33
附近嘅建築同景區
編輯
學校
編輯教堂
編輯酒店
編輯批發市場
編輯- 海珠市場
- 榮恆國際玩具文具精品市場
- 山海城
醫院
編輯旅遊景區
編輯- 廣州民間金融街
游水場
編輯- 廣州三中游泳館
攷
編輯
- ↑ 1.0 1.1 广州地铁六号线一德路站1月28日开门迎客 互聯網檔案館嘅歸檔，歸檔日期2015年2月5號，. 【官方發佈】广州地铁 （2015-01-26）
- ↑ 六号线成功扫掉一德路“钉子” 沙河仍无突破 廣州日報 2011年12月24日
- ↑ 广州地铁6号线通宵施工遭钢珠枪袭击 8684.com （2013年11月27号）
- ↑ 一德路站争取今年开通 互聯網檔案館嘅歸檔，歸檔日期2014-11-29. 信息時報 2014年6月27日 A17版
- ↑ 一德路站或月底开通 互聯網檔案館嘅歸檔，歸檔日期2015年1月20號，. 广州日报 （2015-01-20 A16版）
- ↑ 广州地铁六号线一德路站明日开通 互聯網檔案館嘅歸檔，歸檔日期2020年3月15號，. 南方日报 （2015-01-27）
上一站·下一站
編輯| 上一站⇚⇚ 廣州地鐵 ⇛⇛下一站 | ||
| 文化公園站 潯峰崗站← |
一德路站 6號綫 |
海珠廣場站 →香雪站 |